| e-texts navigator |
| Wylie |
233b1 དེ་ནས་ཕོ་མོ་དང་མགོན་པོའི་གསང་དྲག་སྔགས་བདུན་པོ་དེ།། དབང་ཐོབ་པར་བཟླས་པ་ནི་སྔགས་ཀྱིས་ནུས་པ་མི་ཐུབ་པས།། གྱད་ཀྱི་ཤོ་ནི་མི་ཐུབ་གཞན་ཆུ་ཡང་པོ་ལ་སྣོད་ཡང་ཆགས།། དེ་ཕྱིར་དབང་བསྐུར་ཐོབ་པས་བཟླས།། རི་རང
233b2 ཆེན་པོའི་སྟེང་ཉིད་དུ།། བཅོམ་ལྡན་རྡོ་རྗེ་ཅན་དེ་ཡིས།། ལྷའི་དབང་པོ་བརྒྱ་བྱིན་ལ།། གཏད་པས་དྲག་སྔགས་མ་ཐུབ་པས།། ལྷ་ཡང་སྲིན་པོའི་ལུས་སུ་གྱུར།། ཉི་མ་གཟའ་སྐར་ཐང་ལ་ལྷུང་།། རྡོ་རྗེ་ཅན་ལ་སླར་ཡང
233b3 ཕུལ།། དེ་ནས་བདུད་ཀྱི་རྒྱལ་པོ་ནི།། རྒྱལ་རིགས་ཆེན་པོ་ལ་གཏད་པས།། ཀླུ་ཡི་དྲག་སྔགས་མཐུབ་ཏེ།། བརྒྱ་མཚོ་ཆེན་པོ་བསྐུམ་པར་འགྱུར།། ཀླུའི་ལུས་ཀྱང་རྒྱལ་བར་དོགས།། རྡོ་རྗེ་ཅན་ཉིད་ལ་ཕུལ།། རྡོ་རྗེ
233b4 འཚང་ཆེན་པོ་དེས།། ལྷ་ཆེན་མགོན་པོ་ནག་པོ་ལ།། སྐུ་གསུང་ཐུགས་ཀྱི་དབང་བསྐུར་ནས།། དྲག་སྔགས་བདུན་པོ་དེ་ཉིད་བཏད་དེ།། སངས་རྒྱས་བསྟན་པ་བསྲུང་དུ་བཅུག། དེ་ནས་འཛམ་བུའི་གླིང་གི་བྱང་ཕྱོགས་ཀྱི།། རང་བྱུང་ལྷན
233b5 གྱིས་གྲུབ་པའི།། མ་ཧཱ་བོ་དྷའི་བསྟན་པ་སྲུང་བར་མཛད།། ནག་པོ་ཆེན་པོ་གཅེར་བུའི་རྒྱུད་ལས།། སྔགས་ཀྱི་ལོ་རྒྱུས་ཀྱི་ལེའུ་སྟེ་བཅུ་པའོ།། ། དེ་ནས་ཡང་གསང་བ་ཡིས།། ཤིན་ཏུ་གསང་བའི་དྲག་སྔགས་འདི།།
233b6 རྡོ་རྗེ་ཡེ་ཤེས་མགོན་པོ་ཡིས།། སྐུ་གསུང་ཐུགས་ལས་བྱུང་མཛད་དེ།། ལས་ཀྱི་མགོན་པོ་ཉིད་ལ་གཏད།། ཨོཾ་མ་ཧཱ་ཙནྡ། ཨོཾ་མ་ཧཱ་ཀཱ་ལ་ཏྲ་ག་ཤད། ཨོཾ་མཧཱ་ཀཱ་ལ་རུ་ཊ། ཨོཾ་མ་ཧཱ་ཀ་ཡམ་དུ། ཨོཾ་མ་ཧཱ་ཀ་ལ་ཁ་ནཱི་ཛ། ཞེས་ནི་རྦད་པའི་དྲག
233b7 སྔགས་བདུན།། གསང་བའི་དྲག་སྔགས་བདུན་པ་ནི།། ཆེ་གེ་མོ་ན་མ་ར་ཡ་ཕཊ། ཚ་བའི་ནད་ཀྱིས་གསང་བའི་མཆོག་གང་ལ་དམིགས་པའི་གཟུགས་བྱས་ཏེ།། གསད་པའི་ཐབས་ཀྱང་རྫས་སྣ་གསུམ།། མཚོན་ཆ་མེ་དང་དུག
iiif viewer powered by OpenSeadragon
