| e-texts navigator |
| Wylie |
230a1 @གཏོར་མའི་རྫས།། སྤོས་དཀར་མེ་ཏོག་དཀར་པོ་དང་།། ཙན་དན་ཁུ་བ་མར་མེ་ཤོས།། མངར་གསུམ་རིལ་བུ་དང་ནི་མར།། གཏོར་མ་འབྲས་ཟན་དེ་བཞིན་དུ།། ཤ་དང་ཆང་སོགས་མགོན་པོ
230a2 མཆོད།། ནང་ལྟར་མཆོད་པ་བཀའ་སྩོལ་ཅིག། གསང་བདག་ཆེན་པོས་བཀའ་སྩལ་པ།། སྤོས་ནག་མེ་ཏོག་ནག་པོ་དང་།། ནིམ་པའི་ཁུ་བ་མར་མེ་བཤོས།། ཚ་བ་གསུམ་དང་རིལ་བུ་དང་།། ཤ་ཆེན་ཉ་ཤ་བ་གླང་བ།
230a3 གཏོར་མ་ཁྲག་དུ་བཙལ་བ་དང་།། ཆང་དང་ལ་ཕུག་སྒོག་པ་བརྩོད།། རྟག་ཏུ་མགོམ་པོ་ནག་པོ་མཆོད།། ལྷའི་བུའི་གསོལ་པ། གསང་བ་ལྟར་ཆོད་པ་བཀའ་སྩོལ་ཅིག། གསང་བའི་བདག་པོས་བཀའ་སྩལ་པ།།
230a4 གསང་བའི་མཆོད་ཐབས་བསྟན་པ་ནི།། བདུད་རྩི་ལྔའི་མཆོད་པ་དང་།། མི་ནག་རྟ་ནག་ཁྱི་ནག་སྙིང་།། སྙིང་སྣའི་ཕྱེ་མ་ཁྲག་ལས་ནི།། སྦྱར་བའི་རིལ་བུ་གཏོར་མ་ཆེ།། ཀ་པཱ་ལར་བསྐང་རྟག་དུ་མཚོན།། ནག་པོ
230a5 ཆེན་པོ་གཅེར་བུའི་རྒྱུད་ལས། མཆོད་པའི་ལེའུ་སྟེ་གསུམ་པའོ།། ། ལྷའི་བུ་ཡིས་ཡང་གསོལ་པ། བསྒྲུབས་ཐབས་གསུམ་དུ་གསུང་བ་ཡི།། དེ་དོན་བསྒྲུབས་ཕྱིར་བཀའ་སྩོལ
230a6 ཅིག། གསང་བ་ཆེན་པོའི་བཀའ་སྩལ་པ།། ཕྱེའི་བསྒྲུབ་ལུག་དམ་པ་ནི།། གཞལ་ཡས་ཁང་པ་ཤར་ལྷས་སུ།། ནང་དུ་དཀྱིལ་འཁོར་བརྩམ་པར་བྱ།། པདྨ་རིན་ཆེན་འབར་བ་བྲི།། ཕྱི་བདེན་པ་ལ་སོགས
230a7 བརྡར།། གཏོར་མ་དཀར་པོ་དེ་བཞིན་ནོ།། མཚམས་དང་བྱ་བའི་རིམ་པ་ཡང་།། དཀར་སེར་དམར་ཡི་གེ་ལས།། རིན་པོ་ཆེའི་དབུ་རྒྱན་ཅན།། ཉི་མ་བཟླ་བའི་ཡང་བརྒྱན་པ།། ལྷ་ནི་དབང་པོའི་གདན་ལ་ནི།། ཁ་ཝཾ
iiif viewer powered by OpenSeadragon
