| e-texts navigator |
| Wylie |
229b1 མ་འོངས་པ་མཆོད་པ་ཡིས།། དགེ་སློང་དེ་ནི་འཕམ་མི་འགྱུར།། ངའི་དྲག་པོའི་གསང་སྔགས་ཀྱིས།། དབང་ཆེན་བསྐུར་བའི་སྔགས་བདག་ནི།། མཆོད་པ་བྱེད་པའི་སྔགས་པ་དེ།། གཞན་གྱི་སྲོག་ལ་དབང་ཐོབ
229b2 འགྱུར།། ལྷ་རྣམས་ཀུན་གྱི་དེད་དཔོན་པས།། ལྷའི་རྒྱལ་པོ་ཞེས་ཀྱང་བྱ།། བསྟན་པ་འཇིག་པའི་སྲོག་གཅོད་པས།། བདུད་ཀྱི་རྒྱལ་པོ་ཞེས་ཀྱང་བྱ།། སེམས་ཅན་ཀུན་གྱི་དོན་བྱེད་པས།། བྱང་ཆུབ་སེམས་དཔའ་ཞེས
229b3 ཀྱང་བྱ།། ཞེས་བཀའ་སྩལ་ཏོ།། ནག་པོ་ཆེན་པོའི་གཅེར་བུའི་རྒྱུད་ལས།། ནག་པོ་ཆེན་པོའི་མཚན་མ་བསྟན་པའི་ལེའུ་སྟེ་གཉིས་པའོ།། ། དེ་ནས་ལྷའི་བུས་གསོལ་པ། བཅོམ་ལྡན
229b4 འདས་གསང་བའི་བའི་བདག་པོ་ལགས།། ལྷའི་རྒྱལ་པོ་ཆེན་པོ་ནི།། མི་རྣམས་ཀྱི་མགོན་པོ་ཆེན་པོ་དེ་ལྟ་བུ་དེ་ལ་མཆོད་པའི་ཡོན་ཏན་དེ་ལྟ་བུ་དང་ལྡན་ན།། མཆོད་པའི་ཐབས་ཇི་ལྟ་བུ་བགྱི། བསྒྲུབས་པའི་ཐབས་ནི་གང་།
229b5 བརྟེན་པའི་ཐབས་ནི་དུ་ཞེས་བསྟན། གསང་བའི་བདག་པོས་བཀའ་སྩལ་པ། ལྷའི་བུ་ཉོན་ཅིག། སེམས་ཅན་ཀུན་གྱི་མགོན་བྱེད་པས། རྡོ་རྗེ་མགོན་པོ་ནག་པོ་ནི། མཆོད་པའི་ཐབས་ནི་གསུམ་ཤེས་བྱ། བསྒྲུབ་པའི་ཐབས་ཀྱང
229b6 གསུམ་དུ་བརྟན། རྟེན་པའི་ཐབས་ཀྱང་གསུམ་དུ་ཤེས། ལྷའི་བུས་གསོལ། གསང་བའི་བདག་པོ་མཆོད་པའི་ཐབས་གསུམ་པོ་གང་ཞེ་ན། བཀའ་སྩལ་པ། ཕྱི་རུ་མཆོད་དང་ནང་དུ་མཆོད། བསང་བ་ཆེན་པོའི་མཆོད་ཐབས་སོ།།
229b7 ལྷའི་བུས་གསོལ་བ། གསང་བའི་བདག་པོ་མཆོད་པའི་ཐབས་གསུམ་པོ་གང་ཞེ་ན། ཕྱི་ལྟར་མཆོད་དང་ནང་ལྟར་མཆོད། གསང་བ་ཆེན་པོས་བཀའ་སྩོལ་ཅིག། ཕྱི་རུ་མཆོད་པའི་མཆོད་རྫས་ནི།། མཆོད་པ་ལྔ་དང
iiif viewer powered by OpenSeadragon
