| e-texts navigator |
| Wylie |
229a1 གསོལ་པ། བཅོམ་ལྡན་འདས་རྡོ་རྗེ་འཆང་ཆེན་པོ་དེས། ལྷ་ཆེན་པོ་དེ་ལ་སྐུ་དང་གསུང་དང་ཐུགས་དང་ཡོན་ཏན་དང་འཕྲིན་ལས་ཀྱི་དབང་བསྐུར། དྲག་སྔགས་འབྲུ་བདུན་གྱི་ཀྱང་དབང་བསྐུར་རོ།
229a2 སྲིད་གསུམ་འདུལ་བའི་དབང་ཐོབ་པའི་རྟགས་སུ། ལགས་པ་གཡས་པར་ཁ་ཊྭཱཾ་ག་རྩེ་གསུམ་བྱིན། ཀྱེ་འགྲོ་ཐམས་ཅད་ཀྱི་ཆ་དང་ལོངས་སྤྱོད་ལ་དབང་ཐོབས་པའི་རྟགས་ལག་པ་གཡོན་པར་གློ་སྙིང་བྱིན་ནོ།། དབང
229a3 བསྐུར་ཆེན་པོ་གསང་བའི་དབང་བསྐུར་བའི་ཚེ། ལྷ་མ་ཡིན་གྱི་རྒྱལ་པོ་ཆེན་པོ་ཧེ་རན་ཧེ་དུ་དང་། ཕགས་ཤུ་དང་ཨརྱ་ཀྲ་མ་རྡུལ་དུ་བརླགས་པར་བའོ།། ལྷ་མ་ཡིན་གྱི་གྲོང་ཁྱེར་སུམ་བརྩེགས་ཀྱང་བརླགས་པར་བྱའོ།།
229a4 གཞན་ཡང་གསང་སྔགས་ཀྱི་མཐུ་ཆེན་པོ་ནག་པོའི་ཕྱོགས་ཐམས་ཅད་ཀྱང་བརྟུལ་ཏེ། དཀར་པོའི་ཕྱོགས་ཀྱི་བསྟན་པ་བསྐྱོང་བར་གཏང་། ནག་པོ་ཆེན་པོ་གཅེར་བུའི་རྒྱུད་ལས། བྱུང་ཚུལ་གྱི་ལེའུ་སྟེ་དང་པོའོ།། །
229a5 དེ་ནས་འཁོར་དེ་རྣམས་ལྷའི་བུ་གྲག་ལྡན་ཆོས་སློང་ཞེས་པསྟན་ལས་ལངས་སྟེ་ཐལ་མོ་སྦྱར་ནས། བཅོམ་ལྡན་འདས་ལ་གསོལ་པ། ཀྱེ་ལགས་གསང་བའི་བདག་པོ་གང་། ལྷ་ཆེན་པོ་འདི་རུ་དབང་བསྐུར་བས།
229a6 ལྷ་ཆེན་པོ་ཅིག་འདུའམ། གཞན་ཡང་དགོངས་པ་ཡོད་དམ་ཅི། གསང་བའི་བདག་པོས་བཀའ་སྩལ་པ། འདི་རུ་ལྷ་ཆེན་འདུལ་བ་དང་། མ་བོང་བསྟན་པ་གདད་པའི་ཕྱིར།། ང་ཡི་སྔགས་ཀྱིས་དབང་བསྐུར་ཏེ།། དེ་བསྟན
229a7 པ་གནས་པ་རྣམས།། རྡོ་རྗེ་མགོན་ལ་མཆོད་གྱུར་ན།། བོང་བ་དེའི་འཁོར་རྣམས་ཀྱང་།། རྒྱལ་པོ་བཞིན་དུ་ཆེ་བ་དང་།། བསྟན་པ་རྒྱུན་དུ་གནས་པར་འགྱུར།། ང་ཡིས་ལྷ་དང་མི་ཡིས་ནི།། མགོན་དུ་ལྷ་རུ་མངའ་གསོལ་བས
iiif viewer powered by OpenSeadragon
