| e-texts navigator |
| Wylie |
214b1 དེ་ནས་རྡོ་རྗེ་གཏུམ་པོ་ཡིས།། གསང་པའི་སྦྱོར་བ་བཤད་པར་བྱ།། བཾ་ཆེན་མོའི་ཐོད་པ་རུ།། རྩ་བ་གསུམ་དང་ལྕི་བ་དང་།། སྒྲ་དང་དྲི་མ་རྐང་རྗེས་དང་།། གྲོག་མཁར་ས་དང་ངར་ཁྲག་གིས།། དབང་པོ་ཚངས་པའི
214b2 འདྲ་བ་བག་བྱ།། གུ་གུ་ལ་རྒྱ་ཚིལ་དུད་པས་བདུག། ཐེད་པ་སྔགས་ཀྱི་འཁོར་ལོ་གཏུམ།། དྲུག་པ་རེ་བས་ཁ་བཅད་ལ།། གསང་པའི་སྔགས་ལ་འཇུག་པར་བྱ།། སྲོད་དང་ཐོ་རངས་དགུངས་གཉིས་ལ།། མངའ
214b3 རེ་ཐུན་རེ་སྔགས་རེ་སྡུག། ལས་རྫོགས་ཕུར་གདང་གྲིས་གཏུབས་ལ།། དར་ནག་གཏུམས་པ་དཀར་ནག་དྲིལ།། མཚན་ན་ཐོད་པར་བཙུགས་ནས་ནི།། ཀ་རྟེན་ལྷའི་ཁང་པ་བམ།། གདུག་པ་གནས་པའི་ས་རུ་མནན།
214b4 ཨོཾ་ཤྲི་མ་ཧཱ་ཀཱ་ལ་ཏྲི་ཡེ་ཛ་ཛ། དགྲ་བོ་ཆེ་གེ་མོ་མཱ་ར་ཡ་ཧཱུཾ་ཕཊ། ཨོཾ་ཤྲཱི་ཆེ་གེ་མོ་ཀཱི་ལ་ཡ། ཀཱི་ལི་ཀཱི་ལ་ཡ། མུ་ཀ་ཀཱི་ལ་ཡ། ཧྲི་ཧྲྀ་དཾ་ཀི་ལ་ཡ། པ་ཏ་ཀཱི་ལ་ཡ། ཨོཾ་ཙཏྟ་མ་ཧཱ་རོ་ཥ་ན་དེ་པྲ་ཏདྱ་ཐཱ། ཆེ་གེ་མོ་མཱ་ར་ཡཱ།
214b5 ཧཱུཾ་ཕཊ། ཕུར་པས་གདབ་དང་མནན་པའི་སྔགས།། རྫོགས་དང་དམོད་པ་དྲག་ཏུ་གདབ།། དཔལ་མགོན་པོ་ནག་པོ་སྙིང་གིས་འཁོར་ལོའི་རྒྱུད་ལས། བསད་པའི་སྦྱོར་བ་བསྟན་པའི་ལེའུ་སྟེ་རྟོག་པ་གསུམ་པའོ།།
214b6 དེ་ནས་རྡོ་རྗེ་གཏུམ་པོ་ཡིས།། སྤྲུལ་པའི་ངེས་པ་བཤད་པར་བྱ།། གྲི་རྒོད་ཐོད་པ་བཾ་རིལ་དུ།། ཕུང་ས་གསུམ་དང་གཉན་པ་གཉིས།། ནང་དུ་མིང་རུས་སྔགསོ་བྲིས་ལ།། ཁ་མིག་དུག་དང་ཁྲག་གིས་བྱ།། གནས
214b7 ཁང་སྦས་ན་སྒྲ་བབྱིན་འཐབ།། གཞན་ཡང་ཝ་སྤྲེ་བྱི་ལ་སྲམ།། ཤ་ཁྲག་གཟུགས་བྱས་རང་རང་སྔགས།། གཅན་གཟན་གདུག་པ་སྨྲ་འབྱིན་ཅིང་།། གནས་ཁང་འཇིག་དང་གྲོང་ཁྱེར་བསྐོར།། ཁྲ་དང་བུག་པ་སྲིན
iiif viewer powered by OpenSeadragon
