| e-texts navigator |
| Wylie |
214a1 མཎྜལ་ཏེ།། མཐུན་པའི་དམ་རྫས་འདི་དག་དགྲམ།། ཤ་སཱ་ལྔ་དང་བདུད་རྩི་ལྔ།། དཀར་གསུམ་མངར་གསུམ་མེ་ཏོག་སྦས།། ཆང་དང་ལ་བུག་ལ་དུ་དང་།། ཤིང་ཏོག་རྐུན་འགྲུས
214a2 ཙན་དན་རྣམས།། ཞལ་ཟས་རྣམ་པ་སྣ་ཚོགས་དགྲམ།། མཚན་ལྡན་ཐོང་བ་རཀྟ་དང་།། གཏོར་མ་བཤམས་ལ་དབུལ་བར་བྱ།། ང་ནས་བདག་ཉིད་སྐད་ཅིག་གིས།། ཕྱག་ན་རྡོ་རྗེར་གསལ་བྱས་ནས།། ཐུགས
214a3 ས་དུན་འོད་འཕྲོས་ཏེ།། ཁྲོ་བོ་མང་པོས་གཟིར་བསྐྲང་ནས།། གཞལ་མེད་ཁང་དག་བསམ་དབུས་སུ།། བླ་མ་ཡིད་མ་དཀྱིལ་འཁོར་ཆགས།། བསོད་ནམས་ཚོགས་བསགས་སྟོང་ཉིད་ལས།། ཧཱུཾ་ལས་བདག་ཉིད
214a4 ཁྲོ་བོའི་མདུན།། མ་ཧཱ་ཀ་ལ་འཇིགས་པ་ཆེ།། སྐུ་མདོག་ནག་པོ་མུན་པའི་མདངས།། ཞལ་གཅིག་ཕྱག་ནི་གཉིས་པ་སྟེ།། སྐུ་ལ་མཐར་བེར་བརྩེགས་པ་གསོལ།། ཆིབས་སུ་དཔའ་བོ་སྟ་ག་ལ་བཅིབས།། ཕྱག
214a5 ན་ཙན་དན་བེང་ཆེན་བསྣམས།། ངོམ་དང་དྲེད་ཀྱི་སྣ་བདྲེན་ཅིང་།། ལྕགས་ཀྱི་བྱེ་ཁྲག་ཕྱིན་འབྲེང་།། ཅེ་སྡང་ནག་མོ་ཁྲག་རྗེས་གཅོད།། སྲོག་གཅོད་ཁྲོ་བོ་འཇིགས་པའི་སྐུ།། སྤུ་གྲི་མི་སྙིང་ཐོགས་པ་དང་།། ཏྲི
214a6 ཤུལ་རྒྱལ་མཚན་དུང་འབུང་དང་།། གསོད་བྱེད་མོན་པ་བདུན་དང་བཅས།། སྤྱན་དྲངས་མཆོད་དང་བཟླས་བརྗོད་ཅིང་།། དེ་ནི་མཚན་རྟགས་བྱུང་བ་དང་།། སྒྲ་དང་འདོད་མོན་ནག་པོ་དང་།། བན་དེ་ནག་པོ་སློབ
214a7 དཔོན་དང་།། མི་ནག་ལ་སོགས་བྱུང་བ་དང་།། དངོས་སུ་སྐུ་ཡང་སྟོན་པར་འགྱུར།། དཔལ་མགོན་པོ་གསང་བ་སྙིང་གིས་འཁོར་ལོ་ནག་པོའི་རྒྱུད་ལས། བསྙེན་ཅིང་བསྒྲུབ་པ་སྟེ།། རྟོག་པ་གཉིས་པའོ།།
iiif viewer powered by OpenSeadragon
