| e-texts navigator |
| Wylie |
91b1 ཆེ་ན་ཞལ་ཡང་མཐོང་། དགོན་གནས་ཅི་འདོད་བགྲུབ་པ་མོ།། དམན་པའི་སེམས་ཀྱིས་ཆོས་ཉིད་དོན་མ་རྟོགས།། ཉོན་མོངས་སྟུག་པོའི་བདེ་གཤེགས་ཞལ་མ་མཐོང་།། བདག་ཏུ་རྟོགས་པས་འཁོར་འདུག་གསུམ
91b2 རྒྱུས། རང་བཞིན་མཐུས་རྟས་སྲིད་པའི་དམན་མོར་གྲགས།། ལས་ཀྱི་མཁ་འགྲོས་ཆེན་པོའི་སྡེ་རྒྱུད་ཀྱི་ཕྲེང་བཞི་རིགས་དང་ངེས་པའི་ཚིག་བསྟན་པ་ཞེས་བྱ་བ་སྟེ་ལེའུ་དང་པའོ།། །། དེ་ནས་ལྷའི་དབང་པོ
91b3 བརྒྱ་བྱིན་གྱིས་བཅོམ་ལྡན་འདས་དཔལ་ཕྱག་ན་རྡོ་རྗེ་ལ་མཆོད་པ་རྒྱ་ཆེན་པོས་མཆོད་ནས་འདི་སྐད་ཅེས་གསོལ་པས། བཀའ་སྩལ་པ། ལྷའི་དབང་པོ་འདི་ལྟ་སྟེ། གཙོ་མོ་བསྒྲུབ་པའི་བསྡུས་པའི་དོན།
91b4 གཞན་གསལ་མེད་པས་བདག་གིས་འདིར་བཤད་བྱ།། སྐྱེ་མེད་ཆོས་རྣམས་ན་མཁའ་ལྟ་བུ་ཡས།། དབང་ཆེན་འབྱུང་བ་ན་མཁའི་ངོ་བོར་བརྩེགས།། ཀེང་རུས་རི་རབ་བརྩེགས་པའི་གཞལ་ཡས་ཁང་། ནང
91b5 དུ་ཙཀྲ་རྩིབས་བཞི་རོ་ཡི་སྟེང་།། མན་ངག་རིམ་པས་མཁ་འགྲོ་མ་ལྔ་བསྐྱེད།། ཁ་དོག་དབྱིབས་ནི་རིགས་དང་མཐུན་པ་ལ།། ཞལ་གཅིག་ཕྱག་གཉིས་སྤྱན་དུར་ཁྲོད་བརྒྱན།། དབུས་གཙོ་ཤར་ཕྱོགས་གཡས་ཀ
91b6 5།། ལྷོ་དང་ནུབ་དང་བྱང་གསུམ་གྱི།། གཡས་པ་ཐོང་གཉིས་ཙིཏྟ་བསྣམས།། གཡོན་བཞི་སྦྲུལ་ཞགས་དགྲ་སྟ་ཞགས་པ་རྩེ་ལྔ་ཐོགས།། རྩེ་གཅིག་དབང་པོ་གང་དང་གང་སྤྱོད་ཡུལ།། བསྒོམས་ན་དེ་དེའི
91b7 རང་བཞིན་འགྲོ།། མཉམ་པར་མ་བཞག་རྣལ་འབྱོར་པས་མི་བྱ།། ཆོས་ཅན་མེད་ཕྱིར་ཆོས་ཉིད་ཡོད་མ་ཡིན།། བྲག་ཅའི་སྒྲ་དང་མཚུངས་པའི་ཆོས་ཉིད་བསྟན།། བསམ་པ་པོ་ཡང་མེད་དེ་བསམ་པར་བྱ་བ་ཡི
iiif viewer powered by OpenSeadragon
