| e-texts navigator |
| Wylie |
81a1 བ་མ་སྨོས་ཡོད་པ་མེད།། དང་པོ་ནས་དག་ཐོག་མ་དག། གདོད་མ་ནས་དག་དག་ཆེན་པོ།། ཀ་ཞེས་ཐོག་མར་བྱུང་བ་ལ།། དག་པ་དྲི་མའི་གྲངས་མཐའ་ཟད།། ང་བོ་ཡི་དག་ཆེན་པོ་ལ།། རང་བཞིན་རང་དག
81a2 ཐུགས་རྗེ་ནི།། ཤུགས་འབྱུང་དག་ཏུ་ཡེ་གནས་སོ།། ངོ་བོ་སྟོང་པ་ཐ་སྐད་བྲལ།། རང་བཞིན་ཡེ་གས་ལ་ཆུ་རྐྱེན་བྲལ།། ཐུགས་རྗེ་ཀུན་ཁྱབ་ཆ་ཤས་བྲལ།། ངོ་བོ་ཀ་དག་བརྗོད་གཞི་བྲལ།། རང་བཞིན་ལྷུན་གྲུབ་ཅིར་སྣང་རྫོགས།
81a3 ཐུགས་རྗེ་ཀུན་ཁྱབ་རང་ཤར་རོ།། ངོ་བོ་སྟོང་པས་རྟག་མཐའ་བྲལ།། རང་བཞིན་གསལ་བས་ཆད་འཛིན་བྲལ།། ཐུགས་རྗེ་ཁྱབ་པས་གཉིས་མཐའ་བྲལ།། ངོ་བོ་སྟོང་གསལ་དབྱེར་མེད་ལ།། རང་བཞིན་གསལ་སྟོང་དབྱེར་མེད་དེ།
81a4 ཐུགས་རྗེ་རིག་སྟོང་དབྱེར་མེད་དོ།། ངོ་བོ་ཀ་དག་ནམ་མཁའ་འདྲ།། རང་བཞིན་རྒྱ་མཚོ་དངས་པ་འདྲ།། ཐུགས་རྗེ་ནོར་བུ་དྲི་མེད་འདྲ།། ངོ་བོ་སྐུ་ལ་རང་བཞིན་འོད།། ཐུགས་རྗེ་རིག་པ་ཡེ་ཤེས་སོ།། སྒྲིབ་མེད་ཡེ་ཤེས་གསུམ་དང་ལྡན།།
81a5 བོ་ཀ་དག་ཡེ་ཤེས་དང་།། རང་བཞིན་ལྷུན་གྲུབ་ཡེ་ཤེས་དང་།། ཐུགས་རྗེ་རང་སྣང་ཡེ་ཤེས་གསུམ།། འབྲལ་མེད་གཅིག་སྟེ་ཕྱོགས་མེད་གནས།། ངོ་བོ་ཀ་དག་ཡེ་ཤེས་ནི།། མ་རིག་རྟོག་པ་ཀུན་དང་བྲལ།། རང་བཞིན་ལྷུན་གྲུབ་ཡེ་ཤེས་ནི།།
81a6 འཁྲུལ་པའི་ཚིག་གི་ཐ་སྙད་བྲལ།། ཐུགས་རྗེ་རང་སྣང་ཡེ་ཤེས་ནི།། ཐམས་ཅད་དབྱིངས་རིག་གཅིག་ཏུ་གནས།། ཡེ་ཤེས་རང་ལ་རང་གནས་ཕྱིར།། གསུམ་གྱི་ཚུལ་དུ་དབྱེར་མེད་དོ།། རྣམ་གྲངས་ཀུན་གྱི་མཐའ་ལས་འདས།། ཇི་ལྟ་མཁྱེན་པའི་ཡེ།
81a7 ཤེས་དང་།། ཇི་སྙེད་མཁྱེན་པའི་ཡེ་ཤེས་ཀྱིས།། རང་གི་དངོས་པོའི་གནས་ལུགས་དང་།། གདུལ་བྱ་ཀུན་གྱི་བསམ་པ་མཁྱེན།། རིག་པའི་ངོ་བོ་འཁྲུལ་མ་མྱོང་།། རང་བཞིན་ཉིད་ལ་འཁྲུལ་མི་གནས།། ཐུགས་རྗེ་ཉིད་ནི་འཁྲུལ་མི་སྲིད།། ཁམས
iiif viewer powered by OpenSeadragon
