| e-texts navigator |
| Wylie |
78b1 སྣང་བ་མ་སྤངས་རྫོགས།། ངོ་བོ་སྣང་སྟོང་གཉིས་མེད་ལ།། མཉམ་ཉིད་སྐྱེ་འགག་གཉིས་སུ་མེད།། སྣང་བ་རིག་པ་གཉིས་མེད་པ།། གནས་ལུགས་རང་བྱུང་གཉིས་མེད་པ།། གཉིས་ཆོས་ཀུན་བྲལ་ཆེན་པོའོ།། གཉིས་མེད་མཐ་གྲོལ་ཆེན་པོར་གནས།། གཉིས་མེད་ཇི
78b2 ལེའུག་གཅིག་ལ།། གཤིས་ཉིད་མ་གྲུབ་ངོ་བོས་སྟོང་།། ཆོས་ཉིད་ཀྱི་ནི་ལྷུན་གྲུབ་བོ།། ཆོས་རྣམས་ཐམས་ཅད་རྩལ་མ་འགགས།། ཆོས་ཅན་ལྷུན་གྲུབ་ཉིད་དུ་གནས།། ཆོས་རྣམས་ངོ་བོ་ཅིར་མི་རྟོག། གཉིས་མེད་ལྷན་གྲུབ་ཆེན་པོར་གནས།
78b3 དེ་ཉིད་སུས་ཀྱང་བྱས་པ་མེད།། རང་བྱུང་ལྷུན་གྲུབ་གདོད་གནས་ས།། འཁོར་འདས་ཆོས་རྣམས་ཐམས་ཅད་ཀུན།། ལྷུན་གྲུབ་མ་ཡིན་ཆོས་གཞན་མེད།། ལྷུན་གྲུབ་ཆེན་པོར་ཡེ་ནས་གནས།། ཆོས་རྣམས་འབྱུང་རུང་གྲུབ་པ་མེད།། བདེན་པ
78b4 རང་རྒུད་ཡེ་མི་གནས།། རྒྱུན་གྲུབ་མཐའ་བྲལ་ཆེན་པོའོ།། འཁོར་འདས་རང་རིག་ལྷུན་གྲུབ་བོ།། དབྱིངས་ཆེན་རྣམ་དག་ཡེ་ཤེས་དག། ཐ་སྐད་ཆོས་དག་དངོས་པོ་དག། བདེན་བཀང་ག་ཡོད་མེད་དག། གཉིས་མེད་རྣལ་དག་གཉིས་ཆོས་དག
78b5 རང་བཞིན་རྣམ་དག་དངོས་མེད་དག། མཐའ་དབུས་ཀ་དག་རྣམ་དག་ཆེ།། མ་སྤངས་རྣམ་དག་གསལ་སྟོང་གནས།། རང་རིག་བྱང་ཆུབ་གཉིས་ཆོས་སངས།། གཉིས་མེད་ཡེ་ཤེས་ཡེ་རྒྱས་ཉིད།། ཡོད་པ་མ་ཡིན་མེད་རྒྱས་མིན།། གཤིས་ལ་གྲུབ
78b6 མེད་ཡེ་ནས་རྒྱས།། རང་བཞིན་ཆོས་སྐུ་གདངས་གསལ་ལོ།། གཉིས་མེད་སྦྲུལ་སྐུ་སྟོང་ཇི་ལྟ།། རང་གསའ་ཇི་སྙེད་གཉིས་དབྱེར་མེད།། གསལ་སྟོང་མཁྱེན་པའི་ཡེ་ཤེས་སོ།། གཤིས་ལ་འཁྲུལ་པ་མ་གུབ་སྟོང་།། སྤངས་པ་ཕུན་སུམ་ཚོགས
78b7 པའོ།། ངོ་བོ་གཉིས་སུ་མེད་པས་ན།། རྟོགས་པ་ཕུན་སུམ་ཚོགས་པར་གནས།། དེ་ལྟར་ཡེ་སངས་མ་རྒྱས་ན།། བསྒོམས་ཀྱང་སངས་རྒྱས་མི་འབྱུང་ངོ་།། ས་ལེ་སྦྲམ་བུ་གསེར་མིན་ན།། བཏུལ་བས་གསེར་དུ་ག་ལ་འགྱུར།། དེ་ལྟར་ཡེ
iiif viewer powered by OpenSeadragon
