| e-texts navigator |
| Wylie |
78a1 ཐོག་མའི་ག་དགགས་ལ་སྦྱོར་ལ།། རང་བཞིན་ཉིད་ནི་འདི་ལྟ་བུ།། སུས་ཀྱང་མ་བྱས་རང་གསལ་ཉིད།། ཡེ་ཉིད་ནས་ནི་རང་བཞིན་ཁྱབ།། རང་ཐུང་ཡེ་ཤེས་རང་ལ་བྱུང་།། མད་པྱང་བ་ཡི་ཡུལ་ཅན་ཉིད།། སྔར
78a2 འདས་ཕྱིས་བྱུང་དེ་ལྟ་མེད།། ལས་དང་བག་ཆགས་མ་རིག་མེད།། ཡིད་དང་འཁོར་བ་ཤེས་རབ་མེད།། མྱང་འདས་དག་ཀྱང་ཡོད་མ་མྱོང་།། རིག་པ་ཉིད་ཀྱང་ཡོད་མ་ཡིན།། ཡེ་ཤེས་སུ་ཡང་སྣང་བ་མེད།། ཀྱེ་མ་རིག་སྟོང་ཉག་གཅིག་ཉོན།།
78a3 རང་བྱུང་ཡེ་ཤེས་སྲོག་མེད་པས།། དགེ་སྡིག་གཉིས་ཀྱི་མཐའ་ལས་འདས།། རང་དུབ་ཡེ་ཤེས་བྱ་བྱེད་བྲལ།། རིག་པ་ཉིད་ཀྱི་ཀུན་ཁྱབ་ལ།། བརྡལ་བ་ཆེན་པོ་ཞེས་ཀྱང་བྱ།། དེ་བཞིན་ཉིད་ལས་མི་འགྱུར་བས།། འགྱུར་མེད་ཡེ་ཤེས
78a4 ཞེས་ཀྱང་བྱ།། སྐྱེ་ནུས་གྲོལ་བའི་གཞི་ཡིན་པས།། དུས་གསུམ་དགོངས་པ་ཞེས་ཀྱང་བྱ།། ངེས་པ་གཅིག་ཏུ་མི་གནས་པས།། བདག་མེད་ཆེན་པོ་ཞེས་ཀྱང་བྱ།། མཐོང་མེད་རོལ་པ་མི་འགག་པས།། འགག་མེད་ཆེན་པོ་ཞེས་ཀྱང་བྱ།།
78a5 དོན་ལ་བདག་མེད་སྐད་ཅིག་མ།། བརྒྱད་ཁྲི་བཞི་སྟོང་རྣམ་པ་གཉིས།། སྐུལ་པ་འགྱེད་པ་ཡིན་པས་ན།། སྤྲུལ་པ་ཆེན་པོ་ཞེས་ཀྱང་བྱ།། དབྱིངས་རིག་གཉིས་ལས་འདས་པ་ཡི།། རང་བྱུང་ཡེ་ཤེས་མི་གཡོ་བ།། སྣང་བའི་རྟོག་པ་རང
78a6 ཆོད་པའོ།། རང་བྱུང་ཡེ་ཤེས་འདུ་འབྲལ་མེད།། སྐུ་དང་ཡེ་ཤེས་མངོན་སྡང་ཉིད།། རང་བྱུང་ཡེ་ཤེས་སྣང་མཐའ་བྲལ།། ཡུལ་དང་ཡུལ་ཅན་ཀུན་ལས་འདས།། རང་བྱུང་ཡེ་ཤེས་རྩིས་མེད་པས།། གཟུང་འཛིན་གཉིས་ལས་འདས
78a7 པའོ།། རང་བྱུང་ཡེ་ཤེས་ཕྱི་ནང་མེད།། སྐྱོན་དང་ཡོན་ཏན་ཀུན་ལས་འདས།། རང་བྱུང་ཡེ་ཤེས་འཁྲུལ་པ་མེད།། རང་བྱུང་ཡེ་ཤེས་མཐའ་ལས་འདས།། རང་བྱུང་ཡེ་ཤེས་འགྱུ་བྱེད་བྲལ།། རང་ཐུང་ཆེན་པོའི་ཡེ་ཤེས་ལ།། སྟོན་པའི
iiif viewer powered by OpenSeadragon
