| e-texts navigator |
| Wylie |
74b1 ཐོབ་མེད་པ་འབྲས་བུའི་གདེང་དུ་སྟོན་པ། དངོས་པོ་ཐམས་ཅད་རང་གྲོལ་དུ་གཏན་ལ་འབེབས་པར་བྱེད་པ་འདི་ཉིད། ཆོས་ཉིད་གྲག་སྟོང་དུ་ཐོས་པའི་དུས་གཅིག་ན། གནས་འོག་མིན་ཆོས་ཀྱི་ཕོ་བྲང་སྐུ་གསུང་ཐུགས་རྡོ་རྗེ་རྣམ་པར་དག་པ་རྒྱ་རྐད་གྱོགས་སྲུང་ཚད་ལས
74b2 འདས་པ། རང་བྱུང་འོད་ཀྱི་གཞལ་ཡས་ཁང་། ཆོས་ཉིད་ཀྱི་མཁའ། དབྱིངས་ཉིད་ཀྱི་ཀློང། སེམས་ཉིད་ཀྱི་གནས་འབྱམས་ཀླས་པ་ན། སྟོན་པ་རིག་སྟོང་ཀུན་ཏུ་བཟང་པོ་ཉིད། མ་བཅོས་སྤོས་བྲལ་བྱང་ཆུབ་སྙིང་པོའི་ངང་ལ་རང་ཤར་ཏེ། ཞབ་ཕྱག་གི་རྣམ
74b3 པར་བཞེངས་ནས། སྔོན་དུ་བྱུང་བའི་འཁོར་ནི་ཉིད་ཀྱི་ངོ་བོ་ཆོས་ཀྱི་སྐུ་དང་། ཉིད་ཀྱི་རང་བཞིན་ལོངས་ཁྱོད་རྫོགས་པའི་སྐུ་དང་། ཉིད་ཀྱི་ཐུགས་རྗེ་སྤྲུལ་པའི་སྐུ་དང་། ཞི་ཁྲོའི་སངས་རྒྱས་དཔག་ཏུ་མེད་པ་དང་། ཁྱད་པར་བུའི་འཁོར་རྡོ་རྗེའི་རིགས
74b4 དང་། རིན་ཆེན་རིགས་དང་། པདྨའི་རིགས་དང་། ལས་ཀྱི་རིགས་དང་། བདེ་གཤེགས་རིགས་དང་། སངས་རྒྱས་དང་། ཆོས་དང་། དགེ་འདུན་དང་། བྱང་ཆུབ་སེམས་དཔའ་དང་། ས་ཆུ་མེ་ཆུང་ནམ་མཁའ་དང་། འདོད་ཁམས་དང་།
74b5 གཟུགས་ཁམས་དང་། གཟུགས་མེད་པའི་ཁམས་དང་། ཤིན་ཏུ་རྣལ་འབྱོར་དང་། ཡོངས་སུ་རྣལ་འབྱོར། རྣལ་འབྱོར་ཆེན་པོ་དང་། སེམས་དཔའི་རྣལ་འབྱོར་དང་། འདས་པ་དང་། མ་འོངས་པ་དང་། ད་ལྟར་བ་དང་། དག་པ་དང་། མ
74b6 དགེ་བ་དང་། སྒོ་སྐུར་ཅན་དང་། གྱི་པཱའི་འཁོར་གྱི་དང་། དབང་ཕྱུག་ཆེན་པོ་དང་། མུ་སྟེགས་དང་། མཱར་ཐུག་དང་། རྒྱང་འཕེན་དང་། ལྷ་དང་། ལྷ་མ་ཡིན་དང་། མི་དང་དྲི་ཟ་དང་བཅས་པའོ།། གསུང་གི་འཁོར་ནཱི། ཉན་ཐོས་དང་། རང་རྒྱལ
74b7 དང་། བྱང་ཆུབ་སེམས་དཔའ་དང་། ཀྲྀ་ཡ་དང་། ཨུ་པ་དང་། ཡོ་ག་དང་། མ་ཧཱ་དང་། ཨ་ནུ་དང་། ཨ་ཏི་དང་། ཨ་ཏི་ཆེན་པོ་དང་། རྡུལ་དང་། མུན་པ་དང་། སྙིང་སྟོབས་དང་། ཕྱིའི་རྟག་ཆད་མུ་བཞིའོ།། ཐུགས་ཀྱི་འཁོར་ནི། གསལ་སྟོང་དང་།
iiif viewer powered by OpenSeadragon
