| e-texts navigator |
| Wylie |
68b1 ཉིར་དྲུག་པའོ།། ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཉོན་ཅིག་རྡོ་རྗེ་འཛིན་རིགས་འཁོར།། གསང་སྔགས་རྡོ་རྗེའི་ཐེག་པ་འདིར།། ཐམས་ཅད་འབྲེལ་ཏེ་འདུས་པ་ཡིན།། ཆུ་དང་ལུང་དང་མན་ངག་གསུམ།། ཡི་གེ་གསུམ
68b2 དགོངས་པ་ཡིན།། བསྐྱེད་དང་རྫོགས་དང་རྫོགས་པ་ཆེ།། རྫོང་འཕྲང་གསུམ་གྱི་མཐའ་ལ་གཏུག། རྣལ་འབྱོར་གསུམ་གྱིས་ཉམས་སུ་བླང་།། ལྟ་སྒོམ་སྤྱོད་པ་འབྲས་བུ་ཡིན།། བསྐྱེད་པའི་རྫོང་དང་བསྐྱེད་པའི་འཕྲད།། རྫོགས་པའི་རྫོང་དང་རྫོག
68b3 བའི་འཕྲང་།། རྫོགས་ཆེན་རྫོང་དང་རྫོགས་ཆེན་འཕྲང་།། ཡོ་ག་གསུམ་དུ་རིག་པར་བྱ།། བདེ་གཤེགས་སྙིང་པོ་སེམས་ཉིད་དོ།། མ་བཅོས་རང་ཡན་རྒྱ་ཕྱོགས་མེད།། འཁོར་འདས་སྣང་སྲིད་དེ་ལས་པ་སྐྱེད།། ཀུན་གཞི་སེམས་ཀྱི་རྗོད་ཆེན་མ་ཧཱ་ཡིན།།
68b4 དུས་གསུམ་རྒྱལ་བའི་དགོངས་པ་དེ་ཀ་རྒྱུད།། ཁམས་གསུམ་རིགས་དྲུག་འཁྲུལ་འཁོར་སྡུག་བསྔལ་རྒྱུད།། ཡེ་ཤེས་འཁྲུལ་པའི་འཕྲང་ལས་བསྐྱེད་པའོ།། དོན་དམ་ངོ་བོ་མ་སྐྱེས་ཀྱང་།། ཀུན་རྫོབ་ལྷ་ཡི་དཀྱིལ་འཁོར་དུ།། རིམ་གྱིས་བསྐྱེད་པ
68b5 མ་ཧཱ་ཡོ་ག་ཡིན།། ཀུན་གཞི་སྙིང་པོ་སེམས་ལ་རྫོགས།། རང་བཞིན་ལྷུན་གྱིས་གྲུབ་པའི་རྫོང་།། ལུང་མཆོག་མ་བཅོས་རང་བྱུང་ལུང་།། རྒྱ་ཆད་ཕྱོགས་ལྟུང་མེད་པར་རྫོགས།། སྤྱི་ས་ཀུན་གཞི་རྫོང་ཆེན་ལས།། འགྱུ་དྲན་འཛིན་ཆགས་འབྲང
68b6 རྟོག་འཁྲུལ།། ཨ་ནུ་ཡོ་གའི་ལུང་ཞེས་བྱ།། སྙིང་པོའི་དོན་ལ་ཀུན་ཀ་རྫོགས།། བཅོས་དང་མ་བཅོས་གཉིས་ཀའི་རྫོང་།། ཕྱོགས་སུ་འདོད་པའི་འཕྲེང་ལས་ཐར།། བསྐྱེད་དང་རྫོགས་པ་གཉིས་ཀཱའི་རྫོང་།། གོང་འོག་ཕྱོགས་འདོད་འཕྲང་ལས་ཐང་།།
68b7 རང་བྱུང་རྫོགས་ཆེན་འགྲན་མེད་རྫོང་།། བེ་ལྟོས་གྲུབ་པའི་འཕྲང་ལས་ཐར།། འགྲན་མེད་རྫོགས་པ་ཆེན་པོ་ཡིན།། ཡེ་ནས་ཤེས་ལ་བཅོས་པ་མེད།། ཅེས་གསུངས་སོ།། སྐུ་གསུང་ཐུགས་ཀྱི་རྒྱུད་ལས། ཡོ་ག་གསུམ་གྱི་རྫོགས་འཕང
iiif viewer powered by OpenSeadragon
