| e-texts navigator |
| Wylie |
283a1 རྣམས།། དངས་པའི་རྒྱ་མཚོ་ཆེན་པོ་ཡིས།། བླང་བ་མེད་ཅིང་དོར་བ་མེད།། གཟུང་བ་མེད་ཅིང་དོར་བ་མེད།། མཁའ་ལ་གཟུགས་སོགས་ཤར་བ་རྣམས།། རྒ་ནང་གཟུགས་བརྙན་ཤུགས་ཀྱིས་འབྱུང་།། སུ
283a2 གཞི་མཁའ་ལ་རིག་ཤྭར་བས།། རིག་པའི་རྣལ་ཐུགས་ཤུགས་ཀྱིས་འབྱུང་།། མཁའ་ལ་ཤར་བའི་གཟུགས་སོགས་དང་།། ཆུ་ནང་དག་གི་གཟུགས་བརྙན་གཉིས།། གཅིག་པ་མ་ཡིན་ཐ་དད་མིན།། དེ་བཞིན་རིག་པའི་རྒྱལ་པོ་དང་།། རིག
283a3 པའི་རྩལ་དུ་སྣང་བ་གཉིས།། གཅིག་པ་མ་ཡིན་ཐ་དད་མིན།། དཔེར་ན་ནམ་མཁའི་གཟུགས་གཅིག་ལ།། ཆུ་ནང་གཟུགས་བརྙན་བསམ་མི་ཁྱབ།། དེ་བཞིན་རིག་པ་གཅིག་པ་ལ།། རིག་པའི་རྩལ་ཤུགས་བསམ་མི་ཁྱབ།། དཔེར་ན
283a4 ཆུ་ནང་ཟླ་བ་ཡང་།། སྣང་ཡང་དེ་ལ་རང་བཞིན་མེད།། དེ་བཞིན་རིག་པའི་རྩལ་སྣང་བ།། སྣང་ཡང་དེ་ལ་རང་བཞིན་མེད།། ཚོན་ལྔ་འདྲེས་པའི་ཁ་དོག་ལ།། འདི་ཞེས་གཅིག་ཏུ་ངོས་གཟུང་མེད།། དེ་བཞིན་སོ་སོར་དབྱེར་མེད་ཀྱང་།། ཀུན
283a5 བྲལ་ཅི་ཡང་མ་སྤངས་པའོ།། ཆོས་རྣམས་འདུས་པའི་ཡེ་ཤེས་ལ།། འདི་ཞེས་གཅིག་ཏུ་ངོས་གཟུང་མེད།། དེ་བཞིན་སོ་སོར་དབྱེ་བ་ཡང་།། ཀུན་བྲལ་ཅི་ཡང་མ་སྤངས་པའོ།། སྣ་ཚོགས་དར་གྱི་མིང་རྣམས་ཀྱང་།། ཟ་འོག་སྔམ་བུར་བྱས།
283a6 ཙམ་ན།། སྣ་ཚོགས་དྲར་མེད་བྲལ་ནས་ཀྱང་།། སྣམ་བུར་བཏགས་པ་ཇི་བཞིན་དུ།། དེ་བཞིན་ཆོས་རྣམས་ཐམས་ཅད་ཀྱང་།། གཉིས་མེད་ཡེ་ཤེས་བསྡུས་ཙས་ནཱ།། སྣ་ཚོགས་ཆོས་ཀྱི་མིང་དང་བྲལ་ནས་ཀྱང་།། གཉིས་མེད་ཐིག་ལེ
283a7 ཆེན་པོ་གཅིག། གསེར་ལས་བྱས་པའི་རྫས་རྣམས་ཀུན།། མིང་དབྱིབས་ལ་སོགས་ཐ་དད་ཀྱང་།། ངོ་བོ་གསེར་དུ་གཅིག་པ་བཞིན།། སེམས་ཀྱིས་བཏགས་པའི་ཆོས་རྣམས་ཀུན།། མིང་དབྱིབས་ལ་སོགས་ཐ་དད་ཀྱང་།། ཆོས་ཉིད
iiif viewer powered by OpenSeadragon
