| e-texts navigator |
| Wylie |
35b1 བསམ་པ་ཐམས་ཅད་ཀྱང་མ་ལུས་པར་ཞི་བ་བྱང་ཆུབ་ཀྱི་སེམས་དང་ལྡན་པར་གྱུར་ཏེ། ཕན་པ་དང་། བདེ་བ་དང་། གནོད་པ་མེད་པ་དང་། བརྩེ་བ་དང་། ཡིད་དགའ་བ་དང་བཅས་པས་ཕྱོགས་དེར་སྣང་བར་གྱུར་ནས། ཐམས་ཅད་ཀྱིས་བཅོམ
35b2 འདས་རྡོ་རྗེ་འཛིན་པ་དེ་ལ་ཕྱག་འཚལ་ཞིང་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་རྡོ་རྗེ་འཆང་།། ཁྱོད་ཀྱི་བསྟན་པ་གསང་ཆེན་འདི།། མ་འོངས་པ་ཡི་དུས་དག་ཏུ།། རབ་ཏུ་རྒྱས་པར་འགྱུར་ཞིག་ན།། བདག་ཅག་འཇིག་རྟེན་དྲེགས
35b3 ནན།། ཞི་བའི་སེམས་སུ་གནས་བྱས་པས།། རྗེས་སུ་སྤྱོད་པ་གང་ཡིན་པ།། དེ་ལ་རྒྱས་པ་ཕན་པར་བསྟན།། ཕྲིན་ལས་དང་ནི་ལྟ་སྤྱོད་ཀྱིས།། ཁྱབ་པ་དེ་ལས་ཡོངས་རྫོགས་ཤིང་།། གྲོགས་དང་བྲན་དང་དམོངས་བཞིན་དུ།། གང་གིས
35b4 བསྒོ་བ་དེ་བཞིན་བགྱི།། དམ་ཚིག་བསྲུངས་པའི་ཡོན་ཏན་དང་།། རོལ་པའི་ཏིང་འཛིན་ལྡན་པ་ལ།། བཀའ་ལས་འདའ་བ་མི་སྤྱོད་ཅིང་།། གསུང་བཞིན་བསྒྲུབ་པ་རབ་ཏུ་སྤྲོ།། བཅོམ་ལྡན་རྡོ་རྗེ་འཛིན་ཁྱོད་ཀྱིས།། ཇི་ལྟར་མངགས་པའི་ལས་རྣ
35b5 ནི།། བདག་ཅག་ནུས་པས་མྱུར་དུ་བསྒྲུབ།། བྱིན་གྱིས་བརླབ་པ་གཙོར་མཛོད་ཅིག། ཅེས་གསོལ་ནས་རང་རང་གི་གནས་སུ་དེངས་ཤིང་ཕྱིན་པར་གྱུར་ཏོ།། བཅོམ་ལྡན་འདས་ཀྱིས་འོད་ཟེར་གྱི་བཀོད་པ་རྣམས་རང་གི་འཁོར་གྱི་སྣང་བ་ཐམས་ཅད་ཀྱ
35b6 སྐུའི་དབྱིངས་སུ་བསྡུས་ཤིང་སྐུ་ཉིད་ཀྱང་ཆོས་ཀྱི་སྐུའི་རང་བཞིན་དུ་གནས་པར་མཛད་དོ།། དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་ཀྱི་གཉེར་ཕུལ་བའི་ལེའུ་སྟེ་བཅུ་གཅིག་པའོ།། ། དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ་རྫོག
35b7 རྒྱ་གར་གྱི་མཁན་པོ་ཆེན་པོ་སློབ་དཔོན་པདྨ་འབྱུང་གནས་དང་། བོད་ཀྱི་པོ་སྐྱོབ་བདག་ཟེ་རོ་མོ་ནས་བསྐུར་ཅིང་ཞུས་ཏེ་གཏན་ལ་ཕབ་པ།། རྒྱལ་པོ་། ཁྲི་སྲོང་ལྡོ་བོ་རྐྱེད་ཀྱི་བྷའི་ཕྱག་དཔེལ་ཞལ་བེ་ཡུས་པ་ལས་བརྒྱད་པའོ།།
iiif viewer powered by OpenSeadragon
