| e-texts navigator |
| Wylie |
113a1 སྲུང་བ་དང་། ཆགས་པའི་དགའ་བས་སངས་རྒྱས་པར་འགྲོ་བ་སྟེ་ལེའུ་དྲུག་པའོ།། ། དེ་ནས་བཅོམ་ལྡན་འདས་ཀྱིས་རྒྱུད་ཀྱི་དོན་ཡོངས་སུ་བསྡུ་བའི་ཏིང་ངེ་འཛིན་ལ་སྙོམས་པར་ཞུགས་པ་འདི་གསུངས་སོ།། སྔངམ་བ་ཉིད་ཀྱིས་སྟུ།
113a2 སྟོ་ཞིང་གསལ་བའི་རིག་པ་ཉིད།། རང་རིག་མ་མོའི་ངང་དུ་གྲོལ།། དེ་ནི་ཆོས་ཀྱི་སྐུ་རུ་འདོད།། དེ་ལྟར་རྟོགས་ན་མ་མོ་ཡིན།། དམན་པའི་སྤྱོད་པ་ཡོངས་མི་སྤོང་།། ཡང་དག་དོན་ལ་སྨད་པ་མིན།། ལུས་ངག་སྤྱོད་པ་མཐོ་དམན་རྣམས།། ཇི་ལྟར་མཐུན་པར་སྤྱོད་པ་ཡིན།།
113a3 རང་བཞིན་དཀྱིལ་འཁོར་ཆེན་པོ་ནས།། གཟུགས་བརྟན་དྲལ་དུ་རྒྱན་འདྲེན་ཅིང་།། དཀྱིལ་འཁོར་ཏིང་འཛིན་གྲུབ་པ་ནི།། དེ་ནི་མ་མོའི་དཀྱིལ་འཁོར་ཡིན།། བུམ་དབང་རྡུལ་ཚོན་དལ་དུ་བསྐུར།། རིག་པའི་དབང་ལྔ་རྫོགས་པར་བྱ།། གསང་དང་ཤེས་རབ་བདེ་ཆེན
113a4 པོ།། རྫོགས་པར་བསྐུར་བ་མ་མོའི་དབང་།། ཡན་ལག་ཉི་ཤུ་རྩ་ལྔ་པ།། སྐྱོན་མེད་བསྲུང་དང་ཉམས་ན་བཤགས།། རང་གི་སྲོག་ལྟར་མི་གཏོང་བ།། དེ་ནི་མ་མོའི་དམ་ཚིག་ཡིན།། ཞི་རྒྱས་དབང་དྲག་བདག་གཞན་དོན།། དེ་སྤྱོད་མ་མོའི་ཕྲིན་ལས་ཡིན།། བསྙེན
113a5 པས་ཡེ་ཤེས་མ་མོ་ལ།། བསྒྲུབ་པས་ལས་ཀྱི་མ་མོ་འཁོལ།། མཆོག་ཏུ་ཐུན་མོང་ཐོབ་པ་ནི།། དེ་ནི་མ་མོའི་སྒྲུབ་པ་ཡིན།། ཅེས་གསུངས་སོ།། མ་མོ་སྲིད་པའི་རྒྱུད་ལུང་ཟླ་གསང་ཐིག་ལེའི་རྒྱུད་ལས། རྒྱུད་ཀྱི་དངོས་པོ་བདུན་གྱི་ལེའུ་སྟེ་བདུན་པའོ།།
113a6 ས་བཅོམ་ལྡན་འདས་ཀྱིས་བགྲོད་པ་ཐམས་ཅད་ཡོངས་སུ་གསལ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། འཆར་ནུབ་རྣམ་རྟོག་རྣལ་འབྱོར་རྩ།། སྐྱེ་འགག་ཡེ་ཤེས་དངོས་གྲུབ་གནས།། རྒྱུ་ནི་ཡིད་ལས་བྱུང་བ་ལས།། དེ་ཡི་བདག་པོ་བསལ་བར
113a7 བྱ།། མདུན་དུ་ཡུལ་ལ་དམིགས་པ་ནི།། བག་ཆགས་དེ་མ་ཐག་པ་འདྲེས།། རྩ་ནང་ལྷ་མོ་རབ་ཏུ་སད།། སྣང་མཆེད་ཐོབ་པས་ཉེར་གནས་པས།། ཡུལ་དྲུག་ལ་ནི་རྣམ་པར་སྤྱོད།། ཡེ་ཤེས་སྣང་བ་འཆར་བའོ།། ནུབ་པ་དེ་དག་ཞན་པ
iiif viewer powered by OpenSeadragon
