| e-texts navigator |
| Wylie |
276b1 གདོན།། འདི་ཡི་གཞུང་གནས་རྒྱས་པར་འབྱུང་།། ལམ་འགྲོ་ཅན་དང་འཐད་ན་སྨིན།། འདི་དོན་གབ་ཅིང་སྦས་པར་འབྱུང་།། རྒྱུ་ག་སྐད་དུ། ནཱ་མ་བཛྲ་ཛྭཱ་ལ་ཏཱནྟ། བོད་སྐད་དུ། རྡོ་རྗེ་འབྲང་བའི་རྒྱུད་ཅེས་བྱ་བ། བཅོམ་ལྡན་འདས
276b2 རྡོ་རྗེ་འཛིན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སུ་དང་གསུང་དང་ཐུགས་རྡོ་རྗེའི་སྙིང་པོ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཆེན་པོ་དེ་བཙུན་མོའི་དཀྱིལ་ན་རྟག་ཏུ་བཞུགས་སོ།། དེ་ནས
276b3 བྱིན་གྱིས་བརླབས་ལས་བྱུང་བའི་ལོངས་སྤྱོད་པར་མཛད་པའི། རྣམ་པར་སྣང་མཛད་ཆེན་པོའི་གཟུགས་ཀ་ལ་གསུམ་ཕྱག་དྲུག་པ། སེར་པོ། དམར་པོ། དགར་པོའི་ཚུལ་དུ་གནས་པ། འཁོར་ལོ་ལ་སོགས་པ་འཛིན་པའི་ཆ་བྱད་ཅན། མཚན་དང་ང
276b4 བྱད་དུ་ལྡན་པ་དི། འོག་མིན་གྱི་གནས་གཞི་དང་སྙིང་པོ་མེ་ཏོག་གིས་བརྒྱན་པ། ཡེ་ཤེས་ཀྱི་རང་བཞིན་རིན་པོ་ཆེ་ལྔ་ལས་གྲུབ་པ་ཚད་དཔག་ཏུ་མེད་པ། དབྱིབས་དང་ཁ་དོག་དང་ཁྱད་པར་དུགྱུར་པ། གྲུ་བཞི་དང་གྲུ་ཆེད་དང་སྒོ་བཞི་སྒོ་དང་བཅས་པ།
276b5 ཐབས་དང་། ཐེམ་སྐས་དང་བཅས་པ། ཀ་བ་བརྒྱད་ཀྱིས་རྣམ་པར་སྤྲས་པ། སྣ་ཚོགས་པའི་གཟུགས་ལ་སོགས་པས་བརྒྱན་པ། ལྷ་མོ་ལ་སོགས་པའི་རྒྱན་གྱིས་བཀླུབས་པ་ནི། ཉིད་ལས་མི་གཞན་པའི་འཁོར་རྣམས་དང་ཐབས་ཅིག་ཏུ་བཞུགས་པ
276b6 ནི་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དང་། མི་བསྐྱོད་པ་དང་། དཀོན་མཆོག་དཔལ་དང་། ཚེ་དཔག་ཏུ་མེད་པ་དང་། གྲུབ་པ་གདོན་མི་ཟ་བ་རྣམས་བཙུན་མོ་རྣམས་དང་བཅས་པ་དང་། གཞན་ཡང་སྒེག་མོ་མ
276b7 དང་། ཕྲེང་བ་མ་དང་། དབྱངས་ལེན་མ་དང་། གར་སྦྱར་མ་དང་། བདུག་སྤོས་མ་དང་། མེ་ཏོག་མ་དང་། མར་མེ་མ་དང་། དྲི་ཆབ་མ་དང་། ལྕགས་ཀྱུ་མ་དང་། ཞགས་པ་མ་དང་། ལུགས་སྒྲོག་མ་དང་། དྲིལ་བུ་མ་རྣམས་དང་། གཉིས
iiif viewer powered by OpenSeadragon
