| e-texts navigator |
| Wylie |
273a1 བྷུནརྀ་གྱི་སྔགས་ཀྱི་ཕན་ཡོན་བཅུ་གཅིག་པ་གསུངས་སོ།། ཡང་དག་སྔགས་ཀྱི་རྒྱལ་པོའོ།། དེ་བཞིན་གཤེགས་པ་རྣམས་ཀྱིས་བྷུརྒྷཾ་གྱི་སྔགས་འདི་གསུངས་ནས་མི་སྣང་བར་གྱུར་ཏོ།། སེམས་དཔའ་ཆེན་པོ་རྒྱུང་འདི་གང་དུ་སྣང
273a2 བར་འགྱུར། ལས་ཀྱི་སེམས་དཔའ་ཉོན་ཅིག། རྒྱུད་འདིས་ལེ་གསེད་ཀྱི་གླིང་ཀང་ཀང་པ་རྱ་སྣང་བར་འགྱུར་རོ།། ལས་ཀྱི་སེམས་དཔའ། རྒྱུད་འདི་ཁྱོད་ཀྱིས་ཀློགས་ཤིག་ཉོན་ཅིག། ཁྱོད་ཉིད་ལ་གཏད་དོ།། རྒྱུད་འདི་ལྟ་སྨོད་པ་ངེས་ནི།
273a3 བཅུའི་དེ་བཞིན་གཤེགས་པ་ཐམས་ཅད་སྤང་བར་འགྱུར་རོ།། ལས་ཀྱི་སེམས་དཔའ་ཁང་བུ་བརྩེགས་པའི་པ་ཊར་བཅུག་ལ་ཉིན་མཚན་དུ་ཉིན་ལན་གསུམ། མཚན་ལན་གསུམ་དུ་བསྐོར་བ་གྱིས་ཤིག། འདི་ལ་བསྐོར་ཞིང་མཆོད་པས་ནི། ཕྱོགས་བཅུ་དུས་བཞི
273a4 དེ་བཞིན་གཤེགས་པ་ལ་མཆོད་པར་འགྱུར་རོ།། དེ་ལ་རྒྱུད་འདི་ནི་མི་ནུབ་པའི་རྒྱལ་མཚན་ཞེས། ཕྱོགས་བཅུ་དུས་གསུམ་གྱི་དེ་བཞིན་གཤེགས་པས་དབང་བསྐུར་རོ།། གབ་པ་གསང་བའི་རྒྱུད་ལས། ཡོངས་སུ་གཏད་པའི་ལེའུ་སྟེ་བཅུ་གཉིས་པ
273a5 རྡོ་རྗེ་ཕུར་པའི་ཕྲིན་ལས་འཁོར་ལོགཔ་པ་གསང་བ་རྒྱུད་ཀྱི་རྒྱལ་པོ་རྫོགས་སོ།། །། གྲུབ་པ་འཁོར་ལོའི་རྒྱུད་ཨུ་རྒྱན་གྱི་མཁན་པོ་རྡོ་རྗེ་ཐོང་ཕྲེང་དང་བོད་ཀྱི་ལོ་ཙྪ་བ་མང་ཡུལ་གྱི་ལྕེ་ཀུ་ཀུ་རཱ་ཛ་དང་བྲང་ཏཱི་ཛ་ཡ་རཱཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།
273a6 རྒྱ་གར་སྐད་དུ། བཛྲ་ཛྭ་ལ་གུ་ཡ་ཏནྟ། བོད་སྐད་དུ། རྡོ་རྗེ་འབར་བ་གསང་བའི་རྒྱུད། བཅོམ་ལྡན་འདས་དཔལ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ།། འོག་མིན་གྱི་གནས་གཞི་དང་སྙིང་པོ་མེ་ཏོག་གིས་བརྒྱན་པ་ན། འཁོར་རྣམ་པ་གཉིས
273a7 ཀྱི་ནང་ན། སུ་མདུན་དང་རྒྱབ་མེད་པར་ཕྱོགས་བཞིར་ཐལ་ལེ་བ། དུས་རྟག་ཏུ་ཏིང་ངེ་འཛིན་ལ་བཞུགས་པ་ནི། ཆོས་ཀྱི་སྐུ་དང་འབྲེལ་པའི་ངོ་བོ་ཉིད་ཀྱི་དོན་ལ་གནས་སོ།། སྐུ་མཚན་དང་དཔེ་བྱད་དུ་ལྡན་པས། འཁོར་གྱི་ནང་དུ་ཆོས་ཀྱི་འཁོར་ལོ་བསྐོར
iiif viewer powered by OpenSeadragon
