| e-texts navigator |
| Wylie |
176a1 དང་བཅས་པ་རྣམས་གཡོ་བར་གྱུར་ཏོ།། དེ་ནས་རྡོ་རྗེ་རྣལ་འབྱོར་གྱི་ཚོགས་རྔ་མ་དང་བཅས་པའི་འཁོར་གྱིས་འདི་སྐད་ཅེས་གསོལ་ཏོ།། རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེར་གྲུབ་མཛོད་ཅིག། སྲིད་པ་རྡོ་རྗེ་ཕྱུར་བ་ཡིན།
176a2 ཡེ་ཤེས་ཁྲོ་བོར་འགྲུབ་པར་མཛོད།། དེ་ནས་འཁོར་ལོའི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་འདི་སྐད་ཅེས་གསོལ་ཏོ།། འཁོར་ལོ་གཞོན་ནུའི་རིག་འཛིན་རྣམས།། སྲིད་པ་འཁོར་ལོར་འགྲུབ་མཛད་ཅིག། སྲིད་པ་འཁོར་པོ་ཞུར
176a3 པའི་ལྷ།། ཡེ་ཤེས་ཁྲོ་བོར་འགྲུབ་པར་མཛོད།། དེ་ནས་རིན་པོ་ཆེའི་རིགས་ཀྱི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་འདི་སྐད་ཅེས་གསོལ་ཏོ།། རིན་ཆེན་གཞོན་ནུའི་རེག་འཛིན་རྣམས།། སྲིད་པ་རིན་ཆེན་འགྲུབ་མཛོད་ཅིག། སྲིད་པ།
176a4 རིན་ཆེན་ཕུར་པའི་ལྷ།། ཡེ་ཤེས་ཁྲོ་བོར་འགྲུབ་པར་མཛོད།། དེ་ནས་པདྨའི་རྣལ་འབྱོར་ཆེན་པོའི་ཚོགས་དུ་མའི་འཁོར་གྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ།། པད་མ་གཞོན་ནུའི་རིག་འཛིན་རྣམས།། སྲིད་པ་པད་མར་འགྲུབ་མཛོད་ཅིག།
176a5 སྲིད་པ་པད་མ་ཕུད་པའི་ལྷ།། ཡེ་ཤེས་ཁྲོ་བོར་འགྲུབ་པར་མཛོད།། དེ་ནས་རལ་གྲིའི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་མགྲིན་གཅིག་ཏུ་འདི་སྐད་ཅེས་གསོལ་ཏོ།། སྣ་ཚོགས་གཞོན་ནུའི་རིག་འཛིན་རྣམས།། སྲིད་པ་རལ་གྲིད
176a6 འགྲུབ་མཛོད་ཅིག། སྲིད་པ་རལ་གྲི་ཕུར་པའི་ལྷ།། ཡེ་ཤེས་ཁྲོ་བོར་འགྲུབ་པར་མཛོད།། དེ་ནས་རིག་འཛིན་དང་རྣལ་འབྱོར་གྱི་ཚོགས་ལ་སོགས་པ་ཐམས་ཅད་ཀྱིས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་དེ་བཞིན
176a7 གཤེགས་པ་ལ་འདི་སྐད་གསོལ་བ་བཏབ་པོ།། ཐབས་ཀྱི་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། སངས་རྒྱས་ཕྲིན་ལས་རྫོགས་མཛད་ནས།། དབང་དང་བྱིན་རླབས་བདག་སྩོལ་ཅིག། དེ་ནས་བཅོམ་ལྡན་འདས་ཚར་གཅོད་པ་ཞེས
iiif viewer powered by OpenSeadragon
