| e-texts navigator |
| Wylie |
154a1 འབྱུང་གྱུར་ཏེ།། དེ་ནས་དྲོད་ཚད་དང་པོ་ནི།། བྷིག་པྟ་ལྟ་བུ་མཐོང་བ་དང་།། དྲུ་བ་ལྟ་བུ་མཐོང་བ་དང་།། སྲིན་བུ་ལྟ་བུའི་མཚན་མ་དང་།། མར་མེ་ལྟ་བུའི་མཚན་མ་དང་།། ནམ་མཁའ་བཞིན་དུ་དངས་པ་ནི།
154a2 རྫོགས་ན་ཆོས་སྐུ་བདེ་བ་ཆེ།། ཡེ་ཤེས་སུ་མཆོག་དེ་ཉིད་ལས།། ཟླ་བ་དྲུག་དང་བཅུ་གཉིས་དང་།། བཅོ་བརྒྱད་དག་གིས་འགྲུབ་པར་འགྱུར།། གང་ཚེ་དེས་ཀྱང་མ་གྲུབ་ན།། དྲག་ཤུལ་ཚུལ་གྱིས་བསྲུབ་པར་བྱ།། ཞེས་སྒྱུ་མཚོན་པོ། བདག
154a3 གིས་གསུངས་སོ།། ཇི་ལྟར་བློ་ནི་དམན་གྱུར་ཀྱང་།། མི་ཚེ་འདི་ཡིས་འགྲུབ་པ་ཡིན།། གདོན་མི་ཟ་བར་ཐེ་ཚོམ་མེད།། ཅེས་སྨྲས་པའོ།། སྒྱུ་མ་ཆེན་པོའི་ཐབས་མཆོག་སྟེ།། འདི་ནི་རྒྱལ་བ་ཐམས་ཅད་ཀྱི།། སྐྱེད་པའི་ཞིང་དུ་རྣམ་པར་གྲགས།
154a4 དམ་པ་གསང་ཆེན་གྱི་རྒྱང་ཆེན་པོ་རྡོ་རྗེ་ཕྲེང་བ་ཞེས་བྱ་བ་ལས། གསང་བའི་མན་ངག་མཆོག་གི་ཐབས་ཆེན་པོ་ལས་མན་ངག་གི་ལེའུ་སྟེ་དགུ་པའོ།། ། དེ་ནས་ཡང་གསང་བའི་བདག་པོས། བཅོམ་ལྡན་འདས་ཨ་ལ་ལ་ཉོ་དཔའ་བོ་ཆེན་པོ
154a5 ཁྱོད་ནི་སངས་རྒྱས་ཀུན་གྱི་རྗེ་བཙན་ནོ།། སངས་རྒྱས་ཀུན་གྱི་གདུང་ངོ་།། སངས་རྒྱས་ཀུན་གྱི་ལམ་མོ།། སངས་རྒྱས་ཀུན་གྱི་བདག་པོའོ།། ཞེས་གསོལ་ནས། སངས་རྒྱས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་ཁྱེད་ལ། བདག་ཅག་ཏུ
154a6 བར་འཚལ་ལོ།། ཡང་དག་པར་ཞུ་བར་འཚལ་ལོ།། རྗེ་བཙན་ཁྱོད་ཀྱིས་བཀའ་སྩོལ་ཅིག། བཅོམ་ལྡན་འདས་གཟུགས་དང་ཁ་དོག་གང་ལགས། དབྱིབས་དང་རིང་བུང་གང་ལགས། ཀུན་རྫོབ་བྱ་བ་གང་ལགས། དོན་དམ་བྱ་བ་ཅི་ལགས།
154a7 ཆོས་ཉིད་བྱ་བ་ཅི་ལགས། ཡེ་ཤེས་བྱ་བ་གང་ལས་གྲུབ་པ་ལགས། འདུས་བྱས་ཀྱི་དངོས་པོ་གང་ལགས། འདུས་མ་བྱས་ཀྱི་དངོས་པོ་གང་ལགས། རྡོ་རྗེ་བྱ་བ་གང་ལགས། ཕུར་པ་བྱ་བ་ཅི་ལགས། དེ་རྣམས་ཀྱི་དངོས་པོ་ཅི་ལགས།།
iiif viewer powered by OpenSeadragon
