| e-texts navigator |
| Wylie |
144a1 གཏིབས།། ཐུགས་རྗེ་རྩེ་གཅིག་ཕྲེང་བྲེང་རྒྱུན་མི་དགོངས།། ཨོཾ་བཛྲ་ཀཱི་ལི་ཀཱི་ལ་ཡས་རྦབིགྷྣཱཾ་བཾ་ཧཱུཾ་ཧཱུཾ་ཕཊ། ཅེས་བསྟོད་དོ།། དེ་བཞིན་གཤེགས་པ་ཐམས་ཅད་ཀྱི། སྐུ་དང་གསུང་དང་ཐུགས་ཀྱི་དགོངས་པ་འཇིག་རྟེན
144a2 སྡསྔང་བྱེད་ལས། ཀཱི་ལ་ཡ་ལ་བསྟོད་པའི་ལེའུ་སྟེ་ཉི་ཤུ་རྩ་ལྔ་པའོ།། ། དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་ཞུས་པ། ཆོས་ཀྱི་ཕུང་པོ་ཡང་མང་པོར་བཤད་དུ་གསོལ། སྟོན་པའི་ཕུང་པོ་མང་པོ་ཡང
144a3 བཤད་དུ་གསོལ། གནས་ཀྱི་ཕུང་པོ་མང་པོ་ཡང་བཤད་དུ་གསོལ།། འཁོར་གྱི་ཕུང་པོ་མང་པོ་ཡང་བཤད་དུ་གསོལ། དུས་ཀྱི་ཕུང་པོ་མང་པོ་ཡང་བཤད་དུ་གསོལ། ཞེས་གསོལ་ཏོ།། ཆོས་ཀྱི་ཕུང་པོ་བཀའ་སྩལ་པ། ཆོས་ཀྱི་ཕུང་པོ
144a4 ནི་གསུམ་སྟེ། ལུང་དང་རྒྱང་དང་མདོའོ།། སྟོན་པའི་ཕུང་པོ་ནི་གསུམ་སྟེ། སྐུ་གསུམ་གྱི་བྱེ་བྲག་གོ།། གནས་ཀྱི་ཕུང་པོ་ནི་གསུམ་སྟེ། འོག་མི་ནཱ་པདྨ་ཅན་གྱི་གནས་དང་། རི་རབ་རིའི་རྩེ་མོ་དང་། མི་ཡུལ་གསེར་གླིང་ལ་སོགས
144a5 པའོ།། འཁོར་གྱི་ཕུང་པོ་ནི་གསུམ་སྟེ། ཕྱི་དང་ནང་དང་གསང་བའི་འཁོར་རོ།། དུས་ཀྱི་ཕུང་པོ་ནི་གསུམ་སྟེ། བྱ་བ་བྱེད་པའི་དུས་དང་། དུས་ཀྱི་མཐའི་དུས་དང་། སྐད་ཅིག་མའི་དུས་སོ།། ཞེས་གསུངས་སོ།། དེ་བཞིན
144a6 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུན་སུམ་ཚོགས་པའི་བྱེ་བྲག་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་བཅོམ་ལྡན་འདས་ཀྱིས་མཆོག་ཏུ་དགའ
144a7 བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཆེན་པོ་རྣམས་ལ། སྔགས་ཀྱི་རྒྱལ་པོ་འདི་བསྟན་པར་ཟུང་ཞིག་ཅེས་ཆེད་དུ་བརྗོད་པ་འདི་ཆེད་དུ་བརྗོད་དོ།། ཨེ་མ
iiif viewer powered by OpenSeadragon
