| e-texts navigator |
| Wylie |
142b1 མཐོང་ན་མཐོང་བ་ཡིན།། མིས་ཀྱང་མི་ལ་མཐོང་བ་མེད།། དེ་བཞིན་ལྟ་ལ་སོགས་པས་བྱུང་།། སངས་རྒྱས་གང་ཡང་མཐོང་བ་མེད།། སྟོང་པ་ཉིད་ཀྱི་དོན་རྟོགས་ན།། སངས་རྒྱས་སངས་རྒྱས་མཐོང་བ་ཡིན།། སེམས་ལ་སེམས་ཀྱིས་བལྟས
142b2 པས་ན།། མཐོང་བ་མེད་ན་མཐོང་བའི་མཆོག། དེ་ཡི་བསྒོམ་པ་བསྒོམ་པ་མིན།། བསྒོམ་དུ་མེད་ན་སྒོམ་པའི་མཆོག། དེ་བཞིན་བརྗོད་དུ་ཡོད་མ་ཡིན།། བརྗོད་དུ་མེད་ན་བརྗོད་པའི་མཆོག། དེ་བཞིན་པ་ལྟ་བུ་ཡོད་མ་ཡིན།། བལྟ་རུ་མེད་ན
142b3 ལྟ་བའི་མཆོག། དེ་བཞིན་བསམ་དུ་ཡོད་མ་ཡིན།། བསམ་དུ་མེད་ན་བསམ་པའི་མཆོག།། སངས་རྒྱས་སངས་རྒྱས་ཞེས་བྱ་བ།། མཚན་དང་དཔེ་བྱད་མེད་པ་ཡིན།། ངག་དང་གསུང་དབྱངས་མེད་པ་ཡིན།། ཚིག་དང་ཐ་སྐད་མེད་པོ་ཡིན།
142b4 སེམས་དང་དྲན་རྟོག་མེད་པ་ཡིན།། ཐུགས་དང་བསམ་དུ་མེད་པ་ཡིན།། ལས་དང་དཀྱིལ་འཁོར་མེད་པ་ཡིན།། འཁོར་བ་མྱ་ངན་འདས་པ་མེད།། ཟུང་དང་ཟུང་དུ་འཇུག་པ་མེད།། དོན་དམ་ཀུན་རྫོབ་བྱ་བ་མེད།། ཐབས་དང་ཤེས་རབ་བྱ་བ་མེད།།
142b5 པ་བུད་མེད་བྱ་བ་མེད།། ཉིན་མོ་མཚན་མོ་བྱ་བ་མེད།། དེ་ལྟར་ཐམས་ཅད་མེད་མཐོང་ན།། སངས་རྒྱས་བྱ་བ་སངས་རྒྱས་ཡིན།། དེ་བཞིན་གཤེགས་པ་ཐམས་ཅད་ཀྱི་དགོངས་པ་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས
142b6 ཟག་པ་མེད་པ་སངས་རྒྱས་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་ཡང་གསང་བའི་བདག་པོས་བཅོམ་ལྡན་འདས་ལ་གསོལ་པ། ཀྱེ་བདག་ཅག་ཡོངས་ལ། བདག་དང་གཞན་ལ་སྤོབས་པ་བསྐྱེད་དུ་གསོལ།། དག
142b7 བསྐྱེད་དུ་གསོལ།། བཀའ་སྩལ་པ། སེམས་ཅན་རྣམས་ལ་ཕན་པའི་དོན་ངས་བཤད་པར་བྱའོ།། ཁྱེད་ཅག་དག་དགའ་བ་བསྐྱེད་པར་གྱིས་ཤིག། སྔགས་མཁན་དགའ་བ་སྐྱེད་པའི་ཕྱིར།། ཁྱད་པར་གྱི་དམ་ཚིག་དང་། ཁྱད་པར་གྱི
iiif viewer powered by OpenSeadragon
