| e-texts navigator |
| Wylie |
135a1 སྡོམ་པ་དང་།། ཡེ་དང་ནི་ཊཱི་བཀྐུམ་ཤིང་བསྲེག། གང་གིས་ཟབ་པའི་རྫས་རྣམས་ལ།། ཡང་སྐྱིང་བཟླས་ཤིང་གདབ་པར་བྱ།། ཕུར་པ་དབང་དང་ལྡན་པ་པྱད།། ཡང་ནས་ཡང་དུ་བདུག་པར་བྱ།། དེ་ནི་རྫུ
135a2 པའི་འཇུག་པའོ།། སྔགས་མཁན་བརྟན་པར་བྱ་བའི་ཕྱིར།། ཡི་གེ་བཏུ་པའི་ལས་རྣམས་ཀྱང་།། རྣམ་པར་སྣང་མཛད་ལ་སོགས་ཏེ།། རྡོ་རྗེ་ཅན་དང་མཚམས་སྦྱར་ནས།། དབྱངས་དང་གསལ་བའི་ཡི་གེ་ལ།། ཡང་སྙིང་གསལ་བར་གསུལ་བདག།
135a3 དེ་བཞིན་གཤེགས་པའི་དགོངས་པ་ཡིས།། མཐའ་ཡས་མཆོག་གི་ཡི་གེ་རྣམས།། བཏུས་པས་སྔགས་མཁན་དྲག་པར་འགྱུར།། རྒྱུད་རྣམས་ཀུན་གྱི་སྔགས་རྣམས་ཀུན།། སྔགས་མཁན་མཁས་པས་བཏུ་བར་བྱ།། ཤད་དང་ཚིག་བར་མ
135a4 ནོར་བར།། གཡལ་དང་སྦྲིད་པས་བར་མ་བཅད།། གཉིད་ཆང་ལེ་ལོ་སྤངས་ལ་བྱ།། ཡང་དག་དོན་གྱི་བཟླས་པ་ཡིན།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུར་པའི་ཡང
135a5 སྙིང་བསྟན་པའི་ལེའུ་སྟེ་བཅུ་བཞི་པའོ།། ། དེ་ནས་ཡང་གསང་བའི་བདག་པོས་ཀཱི་ལ་ཡ་ལ་གསོལ་པ། བཅོམ་ལྡན་འདས་དོན་ཐམས་ཅད་འགྲུབ་པར་བྱ་བའི་ཕྱིར།། ཆོས་ཐམས་ཅད་ཀྱི་རྩ་བ་བཤད་དུ་གསོལ།། བདེ་བར་གཤེགས
135a6 པས་བཤད་དུ་གསོལ།། རྗེས་གསོལ་པས། བཅོམ་ལྡན་འདས་ཉིད་བདེ་བ་ཆེན་པོའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་མི་གཡོ་བའི་སྦྱར་བཞེངས་ནས་བཀའ་སྩལ་པ། ཆོས་སུ་ལྟུང་བའི་དངོས་པོ
135a7 ཀུན།། ཡོ་ནས་སྣང་བ་མ་ཡིན་ཏེ།། ལས་དང་བསམ་པའི་དབང་གིས་ན།། དངོས་པོ་གཅིག་ལ་སོ་སོར་མཐོང་།། གཞི་རྩ་མེད་པའི་སེམས་ཉིད་ནི།། ཆོས་རྣམས་ཀུན་གྱི་རྩ་བ་ཡིན།། ཐམས་ཅད་མེད་མཐོང་མེད་མཐོང་བ།། མཐོང་བ
iiif viewer powered by OpenSeadragon
