| e-texts navigator |
| Wylie |
130b1 འགྲོ་བ་ཆེན་པོ་ཡིས།། ལྷ་དང་ཚིགས་ནི་བརྒྱན་པ་སྟེ།། ཕུར་པས་འདེབས་ཤིང་ཐོབས་བརྡེག། ཞེ་སྡང་རང་ག་མ་དང་ལྡན།། དེ་ནི་དངོས་ཀྱི་མཚན་ཉིད་དོ།། ཡང་བཀའ་སྩལ་པ། རྐྱེནྡ་ནི་ཛྷཻཾ་ལས་བྱུའབ་སྟེ།། དེ་ཡི་རྒྱན་ཡང་ཀཱི་ལཱ་ཡ།། ཀཱི་ལ་ཡ་ཡི
130b2 མདའ་ཟམ་གྱིས།། གདུག་པ་རྣམ་གཉིས་སྒྲོལ་བར་འགྱུར།། ཞེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། སྲས་མཆོག་ཀཱི་ལ་ཡ་བསྟན་པའི་ལེའུ
130b3 སྟེ་བཅུ་གཅིག་པའོ།། ། དེ་ནས་ཡང་གསང་བའི་བདྲག་པོས་གསོལ་པ། རྣལ་འབྱོར་བ་ལ་ཕན་པའི་ཕྱིར།། བ་ལིཾ་མཆོད་པའི་གཏོར་མ་འདི།། ལྔས་རབ་ཀུན་གྱི་གཏོར་མ་སྟེ།། ཆོ་ག་བཟང་པོ་བཤད་དུ་གསོལ།། ཞེས
130b4 ནས། ཀཱི་ལ་ཡ་མཆོད་པའི་ཕྲིན་ལས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལ་ཕྱིའི་ལྷ་མོ་དང་། ནང་གི་ལྷ་མོ་དང་། གསང་བའི་ལྷ་མོ་ལ་སོགས་པས། མཆོད་པ་ཡང་ཕྱི་ནང་གསང་བ་གསུམ་དུ་སྦྱར་ནས
130b5 མཆོད་པས་ཡང་དག་པར་མཆོད་ནས། གསོལ་བ་བཏབ་ནས་ཞུ་བར་སྤོབས་ཏེ། ཨེ་མྲ་སངས་རྒྱས་བཅོམ་ལྡན་འདས།། འཇིག་རྟེན་པ་དང་འཇིག་རྟེན་འདས།། བགེགས་རྣམས་ཞི་བར་བྱ་བ་དང་།། ལྷ་རྣམས་འགོ་བར་བྱ་བ་དང་།། དམ
130b6 ཚིག་ཉམས་པ་བསྐང་བའི་ཕྱིར།། ནང་དང་ཕྱི་ཡི་ག་ཏོར་མ་རྣམས།། ཇི་ལྟར་འོས་ཤིང་རིགས་པ་ལྟར།། རང་གི་འབྱོར་པའི་རྗེས་མཐུན་པར།། ནན་ཏན་གྱིས་ནི་མཆོད་པ་དབུལ།། ཞེས་གསོལ་བ་བཏབ་པོ།། དེ་ནས་ཡང་བཅོམ་ལྡན་འདས་ཀྱིས
130b7 བཀའ་སྩལ་པ། འཇིག་རྟེན་པ་དང་འཇིག་རྟེན་འདས།། དེ་རྣམས་མཉེས་པར་བྱ་བའི་ཕྱིར།། རྒྱན་དུའམ་ཡང་ན་ཟླ་བ་གཅིག། དེ་བཞིན་ལོ་གཅིག་ཁྱུད་སྐོར་དང་།། བཅུ་གཅིག་དང་ནི་བཅོ་ལྔ་དང་།། བརྒྱད་རྣམས་སུ་ན་ཁྱད་པར་དབུལ།། མཛེས
iiif viewer powered by OpenSeadragon
