| e-texts navigator |
| Wylie |
312b1 འདི་ཀུན་འཁོར་དང་བཅས་པ་ཡིས།། ཀུན་བཟང་ལྷལ་ཕྱག་འཚལ་ནས།། སྨན་གྱི་དབང་དང་དམ་ཆོག་མནོས།། དྲང་སྲོང་རྣམས་ལ་རྗེས་སུ་གནང་།། དེ་ནས་ཀུན་བཟང་བདེར་གཤེགས་ཀྱིས།། སྨན་གྱི་རྒྱལ་པོ་བདུད་རྩི་མཆོག། ངེས་པའི་ལུང་འདི་བཀའ་སྩལ་ཏོ།། དེ་ནས་ཐུགས
312b2 འཕྲུལ་གྱིས།། ས་རྣམས་རབ་ཏུ་གཡོས་ནས་ནི།། སྟོང་གསུམ་འཇིག་རྟེན་ས་སྟེངས་སུ།། ཐམས་ཅད་སྨན་ཆེན་ར་ས་ཡན།། སྐྱེ་བ་མེད་ལས་ཐམས་ཅད་སྐྱེས།། དེ་ལྟར་སྨིན་པར་བྱེད་པ་ཡང་།། ཐུགས་རྗེ་རྒྱ་མཚོ་ཆེན་པོ་ལས།། ཐུགས་རྗེ་སྤྲིན་ནི་ཁྱབ་པ་ཡིས།། སྤྲིན་ཆེན་གློག་གི་ཕྲེང་བཅན
312b3 ཡུད་ཙམ་སྒྲ་དང་བཅས་པ་ཡིས།། ས་སྟེངས་ཁེངས་པར་ཆར་ཕབ་ནས།། དེ་ཉིད་ཐུགས་རྗེ་སྙོམས་པའི་མགོན།། ཆུ་ཡི་ཕུང་པོ་བདུད་རྩི་ཡིས།། མ་ལུས་པར་ནི་ངོམས་པར་བྱས།། བདུད་རྩིའི་རྒྱ་མཚོ་ཐིགས་ཆེན་གྱིས།། ས་དང་སྨན་རྣམས་ཀུན་གྱི་གསོས།། རི་རབ་རྩེ་དང་རི་སུལ
312b4 དང་།། སྨན་ལྗོངས་དང་ནི་ནགས་ཚལ་དང་།། ལྕང་ལོ་ཅན་གྱི་འཁོར་ཀུན་དུ།། སྤྲིན་ཆེན་བདུད་རྩི་ཆར་གྱིས་བརླན།། ཆུ་དེ་ཐམས་ཅད་རོ་གཅིག་སྟེ།། ཆུ་ཡི་བཅུད་ལས་སྐྱེས་པ་ནི།། དཔག་བསམ་ཤིང་དང་གེལ་པའི་ཤིང་།། ལྗོན་ཤིང་དང་ནི་ཙུ་ཏའི་ཤིང་།། ས་སྟེངས་ཁེབས
312b5 པར་སྐྱེས་པ་སྟེ།། བདུད་རྩིར་གྱུར་ཏེ་ཐམས་ཅད་རྒྱས།། སྡོང་པོ་དང་ནི་སྡོང་ཆེན་དང་།། རྩ་བ་སྡོང་པོ་ཤུན་ལྤགས་དང་།། སྙིང་པོ་ཡལ་ག་ལོ་མ་དང་།། འདབ་མ་མོ་ཏོག་འབྲས་བུར་བཅས།། དེ་བཞིན་འབྲུ་ཡི་རྣམ་གྲངས་ཀུན།། ཐམས་ཅད་བངས་ཤིང་སྨིན་པར་མཛད།། །
312b6 འཐུངས་ན་ངོམས་ཏེ་རྒྱས་པར་གྱུར།། སོ་སོའི་ཡུལ་དང་གནས་དག་དང་།། མདོག་དང་རོ་དང་དྲི་དང་མཐུ།། གང་གི་ས་བོན་དེ་ཉིད་ལས།། དེ་དག་རང་རུང་འབྱིན་པར་བྱེད།། དེ་བཞིན་སྲོག་ཆགས་ཐམས་ཅད་ཀུན།། ར་ས་ཡ་ནའི་རྫས་ལ་སྤྱོད།། འགྲོ་བ་དྲུག་གི་གསོས་སུ
312b7 འགྱུར།། བདུད་རྩི་སྒོ་ནི་རྣམ་པར་ཕྱེ།། འཇིག་རྟེན་མགོན་པོས་བཀའ་སྩལ་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་རྣོན་པོས་བསྡུས་ཏེ་བཀའ་སྩལ་པ། ལྷ་དང་ཀླུ་དང་དྲང་སྲོང་དང་། མིའི་བྱང་ཆུབ་སེམས་དཔའི་དགེ་བསྙེན་ཆེན་པོ་དྲི་མ
iiif viewer powered by OpenSeadragon
