| e-texts navigator |
| Wylie |
159a1 ཆོས་དབྱིངས་མེ་ལོང་མཉམ་ཉིད་དང་།། སོ་སོར་ཀུན་རྟོག་བྱ་བ་གྲུབ།། བདག་དང་གཞན་གྱི་ཕྱིར་སྤྱོད་པ།། ལྷ་སྤྱོད་དཀྱིལ་འཁོར་དབང་དམ་དང་།། ཕྲིན་བསྒྲུབ་མཛོད་དང་ཏིང་འཛིནཿ།། གཞི་ལམ་འབྲས་བུ་རྡོ་རྗེང་བདག། གསང་སྔགས
159a2 ཡིས་བཤད་ཀྱིས་ཉོན།། ཞེས་གསུངས་སོ།། དབང་ཆེན་འདུས་པའི་རྒྱུད་ལས་གླེང་བསླང་བའི་ལེའུ་སྟེ་གཉིས་པའོ།། ། དེ་ནས་བཅོམ་ལྡན་འདས་ཀྱིས་སྐུ་རྡོ་རྗེ་ཡོངས་སུ་རྫོགས་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ཉིད་ལས་སྐུའི་ཚོགས
159a3 སུ་གསལ་བ་ཞེས་བྱ་བ་འདི་ཆེད་དུ་བརྗོད་དོ།། སྤྱི་གཙུག་འཁོར་ལོ་རྩིབས་བརྒྱད་ལ།། སངས་རྒྱས་རྣམ་སྣང་རང་བྱུང་སྐུ།། ཀང་ཀ་རི་ཤ་ཤེལ་ལྟར་དག། བྱང་ཆུབ་མཆོག་གི་ཕྱག་རྒྱ་ཅན།། གཉིས་མེད་དམ་ཚིག་རྡོ་རྗེའི་སྲ།། ཏིང་ངེ་འཛིན་གྱིས་འདི་སྐད་གསུངས།། དག
159a4 པ་དེ་བཞིན་གཤེགས་ཀུན་གྱིས།། ཕུང་པོ་ཁམས་སོགས་རྣམ་སྤངས་ཤིང་།། གཟུང་དང་འཛིན་པ་ལས་སྒྲོལ་ཞིང་།། ཆོས་བདག་མེད་པའི་སྟོང་ཉིད་ཅན།། ཞེས་གསུངས་སོ།། ཐུགས་ཀར་ཉི་མའི་གདན་སྟེངས་སུ།། སངས་རྒྱས་མི་བསྐྱེད་རང་བྱང་སྐུ།། མཆིར
159a5 གས་གནོན་ཕྱག་རྒྱ་ཅན།། ཀུན་གྱི་གཉིས་མེད་མི་ཟད་པའི།། ཡེ་ཤེས་ཏིང་འཛིན་སྙོམས་ཞུགས་ཏེ།། བྱང་ཆུབ་སེམས་ནི་འདི་གསུངས་སོ།། དངོས་པོ་འདི་དག་མ་སྐྱེས་པས།། ཕུང་པོར་གྲགས་པའི་ཆོས་ཉིད་མེད།། ནམ་མཁའ་ལྟ་བུར་བརྟག་དཀའ་བའི།། བདག་མེད
159a6 བྱང་ཆུབ་སེམས་ཞེས་བྱ།། ཞེས་གསུངས་སོ།། མགྲིན་པ་པདྨ་འདབ་བརྒྱད་ལས།། སངས་རྒྱས་སྣང་མཐའ་རང་བྱུང་སྐུ།། པདྨ་རཱ་ག་མཉམ་བཞག་རྒྱ།། ཡེ་ཤེས་སྒྲོན་འབར་དང་ནས་གསུངས།། མ་སྐྱེས་པ་ཡི་ཆོས་རྣམས་ལ།། དངོས་པོ་མེད་ཅིང་བསྒོམ་པའང
159a7 མེད།། ནམ་མཁའི་གནས་སུ་སྦྱོར་བ་ཡིས།། ངོ་བོ་ཞེས་ནི་རབ་ཏུ་བཤད།། ཅེས་གསུངས་སོ།། ལྟེ་བ་རིན་ཆེན་ཟུར་བརྒྱད་ལས།། སངས་རྒྱས་རིན་འབྱུང་རང་བྱུང་སྐུ།། འཛམ་བུ་ན་དའི་གསེར་འོད་འདྲ།། སྦྱིན་པ་གཏོང་བའི་ཕྱག་རྒྱ་ཅན།། བདག་མེད་རྡོ་རྗེའི་ཏིང་འཛིན་ལ།།
iiif viewer powered by OpenSeadragon
