| e-texts navigator |
| Wylie |
153b1 མོནི།། ཙར་དགྲ་བཟློག་གཟབ་པར་བྱ།། ར་དང་གཡང་གཞི་མགོ་མི་དཔྲལ།། ཙིཏྟའི་ནང་དུ་ལིངྒ་གཞུག། གཡང་གཞིའི་ནང་དུ་བཞག་ནས་ཀྱང་།། རང་སྔགས་ཤམ་བུས་བསྔག་ཅིང་བརྡེག། ཕུང་བ་བཞེངས་ལ་རབ་ཏུ་གདབ།། མི་དབྱང་ཙ་རའི་ཁར་བ
153b2 སྤྱོད་ཀྱི་མཚན་ཉིད་འཛིན་པ་དེས།། དྲག་པོར་གདགས་ཤིང་དེ་ལ་བརྡེག། བཟླས་པ་རབ་ཏུ་རྫོགས་པ་དང་།། ཚོན་སྣ་ལྔ་ཡི་བྱང་དྲུག་ཞུག། དེ་ནས་ཧོམ་ལ་མེ་སྤར་ཏེ།། ལིངྒ་ལྷག་མ་བསྲེག་པར་བྱ།། དེ་ནས་ཙ་རའི་གཡང་གཞི་དེ།། ངུར་ཁྲོད
153b3 དང་།། གདུག་པ་གནས་སར་རབ་ཏུ་སྐྱེ་ལ།། ཉ་དང་སྟོང་ལ་མཆོད་པ་གདབ།། ལན་གསུམ་དག་གིས་མ་གྲུབ་ན།། ཁྱོད་ནི་རབ་ཏུ་བརླག་པར་འགྱུར།། འཇམ་དཔལ་མ་རུ་ཅོའི་སྔགས་རྒྱུད་ལས། ཕྲིན་ལས་ཀྱི་ལེའུ་སྟེ་བཅོ་ལྔ་པའོ།། །
153b4 དཔའ་བོ་མཐུ་སྟོབས་གསང་བའི་བདག། དེ་ཡི་དུས་ནི་གང་དུ་དར།། དེ་དག་མ་ལུས་བཤད་དུ་གསོལ།། རྒྱལ་བ་རིགས་ལྔའི་སྐུ་གསུང་ཐུགས།། འཇམ་དཔལ་སྐུ་ཡི་རིག་འཛིན་དང་།། ཕུར་པ་ཕྲིན་ལས་དངོས་གྲུབ་དང་།། མ་མོ་ཆོད་གཏོད་དངོས་གྲུག་ཡང
153b5 དེ་ཚེ་ང་ཡི་དངོས་གྲུབ་དན།། དཀོན་མཆོག་བསྟན་པ་འཁྲུགས་པ་དང་།། ཆོས་བྱེད་གཅིག་གིས་གཅིག་གསོད་དུས།། དེ་ཚེ་སངས་རྒྱས་བསྟན་པ་སྲུངས།། དཀོན་མཆོག་དབུ་འཕང་དེ་རུ་བསྟོད།། དེ་ཚེ་བསྟན་པ་མ་བསྲུངས་ན།། ཕྱག་ན་རྡོ་རྗེ་ང་ཡི་མཐུས།།
153b6 ཁྱོད་ནི་རྡུག་དུ་བརླག་སྟེ་འགྲོ།། ཞེས་བཀའ་བསྒོ་བ་མཛད་དོ།། འཇམ་དཔལ་དམར་པོའི་སྔགས་རྒྱུད་ལས། བསྟན་པ་དང་དུས་ཇི་ཙམ་ན་དང་ཚུལ་བསྟན་པའི་ལེའུ་སྟེ་བཅུ་དྲུག་པའོ།། ། དེ་ནས་འཇམ་དཔལ་མ་རྦ་ཙེ་དང་། ལྷ་རྣམས་དང་། ཀྲུ་ན
153b7 དང་།། གནོད་སྦྱིན་རྣམས་དང་།། མ་མོ་བསམ་གྱིས་མི་ཁྱབ་པ་རྣམས་ཀྱིས། འདི་སྐད་ཅེས་གསོལ་ཏོ།། ཨེ་མ་ཧོ་ངོ་མཚར་ཤིན་ཏུ་ཡང་ངོ་མཚད། དེ་ལྟར་བསྟན་པ་ཤིན་ཏུ་ཡང་ངོ་མཚར་ཏེ། གསང་བའི་བདག་པོས་གསུངས་པར་བཀའ་ཏན།
iiif viewer powered by OpenSeadragon
