| e-texts navigator |
| Wylie |
344a1 པའི་སྙིང་པོ་བརྗོད་བྱ་ཞིང་།། ལན་གྲངས་ཁྲི་ཆད་དུ་མ་རུ།། བརྗོད་ན་སངས་རྒྱས་ལ་སོགས་རྣམས།། འགུགས་པར་གྱུར་ན་ཕལ་པ་གཞན།། སྨོས་ཅི་དགོས་ཏེ་ངེས་པར་འགུགས།། ཨོཾ་བཛྲ་ཨ་ཀྲོ་མཉྫུ་ཤྲཱི་བ་ཤང་མ་ཧཱ་སརྦ་ཏི་ལ་ཛྲེ། ལན་གྲངས
344a2 མང་དུ་བརྗོད་བྱས་ན།། ཅི་ལྟར་བསམས་པ་ཐམས་ཅད་འགུགས།། རྒྱ་ཤུག་བསྐུས་པའི་ཁྲ་བ་དང་།། མ་ཡི་ལག་པའི་ཁུ་བ་གཉིས།། སྔ་མ་བཞིན་དུ་བཀུག་བྱས་ན།། འགུགས་པར་འགྱུར་ཞེས་དཔའ་བོས་བཤད།། ཡང་ན་རང་གི་ལག་པའང་རུང་།། ཞེས
344a3 གསུངས་པས་ཐམས་ཅད་མ་ལུས་པར་འདུས་ཏེ། དཔེར་ན་ཕྱོགས་ཐམས་ཅད་ནས་མཚོ་ལ་སྦྲང་མ་འདུ་བ་བཞིན་དུ་འདུས་ཏེ་བདག་གི་དབང་དུ་བྱ་བ་དེ་དབང་དུ་འགྱུར་རོ་ཞེས་བཅོམ་ལྡན་འདས་འཇམ་དཔལ་གཤིན་རྗེས་གསུངས་སོ།། འཕགས་པ་ལས་བཞི
344a4 འཁོར་ལོ་གསང་བའི་རྒྱུད་ལས། དབང་གི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཁྲོ་བོ་ཆེན་པོ་གཤིན་རྗེའི་ཚོགས་འདུ་མཛོད་དེ།། རང་བཞིན་གྱི་མཐུ་ཅན་འདི་གསུངས་སོ།། འབྱུང་བྱེད་ཡེ་ཤེས་དཀྱིལ་འཁོར་ནི།། དཀྱིལ་འཁོར་སྔ་མ་བཞིན
344a5 བྱས་ལ།། བདག་ཉིད་ཁྲོ་བོ་ཆེན་པོ་སྟེ།། ཡུམ་ཡང་དེ་བཞིན་དེ་ཡིའོ།། ཡབ་ཡུམ་གཉིས་མེད་བྱིན་བརླབས་ལས།། ཐིག་སྐུད་རྒྱས་པ་ལྕགས་ལས་བྱས།། དེ་ནི་ལས་ཀྱི་ཐིག་ཅེས་བྱ།། ཐིག་བཞི་བཏབ་པས་དཀྱིལ་འཁོར་བརྒྱད།། འཁོར་ལོ་རྩིབས་བཞི
344a6 ཁྱུད་བཅས།། ཀུན་དུ་གྲཝ་བཞི་སྒོ་ཁྱུད་ཅན།། ཀླུ་ཆུད་ལྡན་ཏེ་དུར་ཁྲོད་རྒྱན།། མཛེས་པར་བྲིས་ཏེ་གཞན་ན་མིན།། སྟེན་པའི་ལྷ་སྟེ་སྔ་མ་བཞིན།། བསྐྱེད་པའི་སྔགས་འདི་བརྗོད་བྱས་པས།། བདག་དང་འདྲ་བར་བསྐྱེད་པར་བྱ།། ཨོཾ་ཨ་ཀྲོ་ཏེ་ཀ་ཧཱུ~ཾ་ཨ། ཧཱུཾ་བཛྲ
344a7 སཻཏྟཱ་ལིར་ཟླུ་མ། ཧཱུ~ཾཙྪ་ཧཱུ~ཾ། ཧཱུ~ཾ་ཧཱུ~ཾག་ཏུ་ཧཱུ~ཾ་ཧཱུ~ཾ་ཧཱུ~ཾ་ཧཱུ~ཾ་ཧཱུ~ཾ། ང་ནོ།། བྷུ་བྷཱུ་བྷཱུ་བྷྱོ་ཞེས་བརྗོད་པ་ཙམ་གྱིས་འཇིག་རྟེན་གྱི་ཁམས་འདི་དག་ཐམས་ཅད་གས་སོ།། རབ་ཏུ་གཡོས་སོ།། ཀུན་དུ་རབ་ཏུ་གཡོས་སོ།། འགུལ་འབྲལ། རབ་ཏུ་འགུལ། ཀུན་དུ་བ
iiif viewer powered by OpenSeadragon
