| e-texts navigator |
| Wylie |
307b1 བཞིན་བདག་ཉིད་དང་དུ་རྫོགས།། བདེ་བ་ཉམས་དང་འད་གསལར།། སོ་མ་ལྷག་བརྫོགས་ཏེ་གནས།། ཐབས་དང་ཐབས་ཉིད་ཐབས་བསམ་ཡས།། བྱ་བ་མེད་པར་རང་ཤར་འདི།། ཨ་དང་ཡང་དག་སྒྱུ་མར་སྦྱར།། ཨེ་དང་སྐྱེ་བའི་ཆོ་འཕྲུབ་རྫོགས།། མ
307b2 སྐྱེ་བ་གནས་ལས་འདས།། སྐྱེ་འཇིག་འགག་པ་སྟོང་བདག་མེད།། བདེ་བའི་ཡེ་ཤེས་རོ་ཉིད་མཉམ།། རྒྱུད་ཀྱི་རྒྱལ་པོ་འཛིན་པ་དང་།། མཉམ་པའི་དོན་ལ་དྲོད་ལེན་པ།། སངས་རྒྱས་ཉིད་དང་སྐལ་བ་མཉམ།། འདི་ལ་ཡུན་གྱི་དོན་ལྡན་པས།། ཆེ་བས
307b3 ཡོན་ཏན་རྫོགས།། རང་ལུས་རྡོ་རྗེ་སེམས་དཔའ་མེད།། ཡན་ལག་རྡོ་རྗེ་སྟོང་བདག་མེད།། སྟོང་པ་ཉིད་ལས་གཞན་མེད་པས།། སྙིང་པོ་དོན་གྱི་སྦྱིན་པ་ཡིན།། སྦྱོར་དང་སྦྱོར་བ་རང་བཞིན་པས།། རང་ཉམས་བདེ་བའི་སྦྱོར་པར་བཤད།། འདི་དེ་བ་དེ་དང་སྨིན་པའི་མཆོག
307b4 པོ་མཆོག་དང་དོན་ཟབ་པས།། རྒྱལ་བའི་དགོངས་པ་དྲིལ་བ་ཡིན།། ང་ཡི་སྦྱོར་བ་མེ་ལྕེ་འདི།། ཁྲོ་ཚོགས་གང་གི་སྟོབས་བསྡུས་ཡིན།། ང་ཡི་སྟོབས་ཀྱི་དྲག་སྔགས་འདི།། བགྲོད་པ་ཐོབ་པའི་གོ་མཚོན་མཆོག། ང་ཡི་གསང་བའི་སྒྲོན་མ་འདི།། མ་རིག
307b5 འཁར་བའི་བདེ་ལམ་ཡིན།། འདི་ལ་གནས་ཤིང་བསྒྲུབ་པ་དང་།། འདོད་པའི་དངོས་གྲུབ་ལེན་པ་དང་།། ཕྱག་རྒྱ་ཆེན་པོ་རབ་སྦྱོར་བ། འབྲས་བུར་ངེས་པའི་ཐབས་སུ་བཤད།། མཉམ་པའི་རྒྱལ་པོར་རྒྱས་པར་བསྔགས།། གསེང་བའི་བདག་པོར
307b6 གསུངས་ངའི།། ཉེ་བར་གྱུར་པའི་རྒྱུད་འདི་ལ།། བགྲོད་པའི་སྟོབས་ཀྱིས་གང་ལེན་པ།། སངས་རྒྱས་ཀུན་གྱི་དགོངས་པ་འདོན།། རྣལ་འབྱོར་བདེ་བའི་ལམ་ཅན་ལ།། ང་ཡང་དམ་ལས་མི་གཡེལ་བསླང་།། སངས་རྒྱས་ཀུན་གྱིས་བསྔགས་པ་ཡིན།།
iiif viewer powered by OpenSeadragon
