| e-texts navigator |
| Wylie |
50a1 ཀྱང་ལྷ་ཡི་གཤང་གཅི་ཟ།། མིས་ཀྱང་མ་རིག་དྲི་མ་སྤུངས།། རྣམ་རྟོག་མེད་པའི་ཡེ་ཤེས་ཀྱིས།། དུག་ནི་བདུད་རྩིར་འགྱུར་བར་བཤད།། ཕལ་པས་སྤྱོད་པའི་རྫས་མིན་པས།། གསང་བས་སྤྱད་ལ་སྦ་བར་བྱ།། འདི
50a2 ནི་རྒྱལ་བ་ཐམས་ཅད་ཀྱི།། གསང་ཆེན་བསྒྲུབ་པའི་རྫས་ཡིན་པས།། ཇི་ལྟར་དམིགས་པ་བཞིན་དུ་འགྲུབ།། ལྷ་ལ་གཏོར་བས་ཐུགས་དམ་བསྐང་།། བགེགས་ལ་སོགས་པས་ཐལ་བར་རློག། མི་ལ་བབས་པས་དངོས་གྲུབ་འབེབས།། ཡ་མཚན་རྨད་དུ
50a3 བྱུང་བ་ཡི།། རྫས་འདིས་བར་ཆད་བརླག་པར་འགྱུར།། ཨོཾ་བཛྲ་ཨ་མ~ཾ་ཏ་ས་མ་ཡ་ཧཱུ~ཾ་ཕཊ། ཞེས་དངོས་གྲུབ་བསྒྲུབ་ལ་བར་དུ་གཅོད་པའི་མཚམས་བཅད་དོ།། ངག་གི་དབང་པོ། མཁས་པར་མ་སྦྱངས་པས་དངོས་གྲུབ་མི་འཐོབ་བོ།། སློབ་དཔོན་གྱི་བསྒོ་བ
50a4 མི་ཉན་པས་དངོས་གྲུབ་མི་འཐོབ་བོ།། ཟོལ་ཟོག་གིས་དངོས་གྲུབ་མ་འཐོབ་པོ།། གསང་འཆོལ་བས་དངོས་གྲུབ་མི་འཐོབ་བོ།། དབང་མ་ཐོབ་པས་དངོས་གྲུབ་མི་འཐོབ་བོ།། ཚེ་བྱུང་བར་འགྱུར་རོ།། དེ་དག་ཀྱང་ཅི་ཕྱིར་ཞེ་ན། སྣོད་དྲི་མ་ཅན་གྱི་རྫས་དང
50a5 འདྲ་སྟེ། ཅིར་ཡང་སྤྱད་དུ་མི་འདོད་པའི་ཕྱིར་རོ།། ངག་གི་དབང་པོ། དུས་ནམ་ཞིག་གི་ཚེ་གསང་བ་འདི་དག་གསང་མཚམས་མེད་པར་བལྟ་སྟེ། དར་བར་བྱེད་པའི་དུས་བྱུང་བའི་ཚེ། གསང་བའི་སྒོར་ཞུགས་ནས་གསང་བའི་དོན་བཞིན་མ་སྤྱད་པས་གསང
50a6 བའི་བསྒྲུབ་རྟགས་ཀྱི་འབྲས་བུ་མ་ཐོབ་ཙ་ན། དེ་ལ་རྒྱུད་ལུང་ནས་སྔགས་འདི་དག་ཚིག་གཅིག་ཙམ་དུ་སྟོན་པ་ལས། དེ་བཞིན་དུ་མ་གྲུབ་པས་བཙུན་ཏོ་ཞེས་སྐུར་པ་བཏབ་ནས། རྒྱུའི་ཆོས་ལ་འཇུག་ཅིང་། སྔགས་ཀྱི་མཚང་འབྲུ་ཞིང་སྨད་པར་འགྱུར་བས།
50a7 རྡོའི་ཕྱི་ཡང་གསང་ཞིང་མཚམས་བཅད་པའི་རྒྱུད་འདི་རབ་ཏུ་ཟུངས་སུ་བཟུང་ངོ་།། ངག་གི་དབང་པོ། བུས་ནམ་ཞིག་ཙན། སྔགས་བརྡལ་བ་ཆེན་པོར་བྱུང་བས། ཏན་ལ་སོགས་པའི་སྤྱོད་པ་དང་། ཕྲིན་ལས་ཐམས་ཅད་མ་གསང་བར་སྐྱེ་བོ་མིན
iiif viewer powered by OpenSeadragon
