| e-texts navigator |
| Wylie |
49b1 རྡུལ་ཕྲན་བཞིན་དུ་བརླགས་ནས་ཀྱང་།། ཟག་རྟེན་ལ་ཡང་དགོད་པར་བྱུང་།། ཨོཾ་བཛྲ་བནྡྷ་ཐ་ཙམ་པ་བཊ། ཞེས་པས། ཚོགས་ཀྱི་བར་ཆད་དྲལ་ཚྭ་ཙམ་ཡང་མེད་པར་གྱུར་ཏུ།། དེ་ནས་ཡང་གསུང་གི་དབང་ཕྱུག་གིས་གསོལ་པ། གསང་བའི་ཐེག་པ་མཐར།
49b2 མཛེགས་པར་བྱེད་པའི་མཚམས་བཅད་མཚམས་འཚལ་ལམ་མི་འཚལ་ཞེས་གསལ་པ་དང་། རྡོ་རྗེ་འཆང་ཆེན་པོས་བཀའ་སྩལ་པ། གང་ལ་ཡང་མི་ཏོག་མཆགས་པ་ནི། ཅི་ལ་ཡང་མཚམས་པ་ཅད་དུ་མེད་ན། དེ་ན་གནས་པའི་ཉུང་གིས། དེ་ལྟ་བུ་དང་མི
49b3 ལྡན་པ་ཤ་ལྷག་མང་བར་གནས་ཏེ། རྟོགས་པ་ཆུང་ཞིང་ཤེས་རབ་ཞན་པས་ཅི་སྤྱོད་ཅིང་བརྩམ་ཡང་། དྲང་པོར་མཚམས་བཅད་པ་དང་། བར་བར་རྫོགས་རྫོགས་ཀྱི་སྐབས་སྒྲ། སྨོན་ལམ་གྱིས་སངས་རྒྱས་རྣམས་ཀྱི་རྩལ་བགོས་ཏེ། གདོད་ཅི་བྱ་བ་ལ
49b4 པ་མེད་ཅིང་མཐར་ཕྱིན་པར་གྱུར་ཏེ། དེ་ནི་དཔེར་ན་བཤན་ཐོག་དང་། སྲུ་འཚོ་བ་དང་ལྡན་པའི་རྒྱལ་པོ་ནི། ཅིས་ཀྱང་མི་འཇིགས་ཤིང་བག་ཚ་བ་མད་ལ། དེ་དང་མི་ལྡན་པའི་རྒྱལ་པོ་ནི། སྐུ་ལ་བསྔོ་བས་དུས་ཐམས་ཅད་དུ་བག་ཚ་བ་བཞིན་དུ། ཁྲོ་བོ་འདི
49b5 དག་ནི་རྣལ་འབྱོར་དང་། སེམས་ཅན་གང་ཕོར་བའི་སྐྱབས་དང་དཔུང་མཛད་པས། ཇི་ལྟར་བཅོལ་བའི་དོན་མཛད་དེ། རྣལ་འབྱོར་པ་གཞུང་དང་མཐུན་ཞིང་ཀློང་དུ་གྱུར་པ་རྣམས་ནི། འདི་ལྟར་བསྐུལ་ཀྱང་མི་གཡེལ་ལ་མ་བསྐུལ་ཀྱང་དེ་ཉིད་ལ་འདྲིས་པས་བཀྲ
49b6 པ་མེད་ལ། ཕལ་ཆེར་དང་དུ་མ་བླངས་ན་བར་ཆད་དུ་འགྱུར་བས་ནན་ཏན་དུ་བྱ་བའི་ཕྱིར་རོ།། དེ་བས་ན་འདི་སྐད་དོ།། བགེགས་ཞེས་བྱ་བ་གཞན་ན་མེད།། བགེགས་ནི་རང་གི་སེམས་ལས་བྱུང་།། རྣམ་རྟོག་མ་ཡིན་མཚན་མ་ནི།། རྒྱལ་བས་བལྟས་ཀྱང་མི
49b7 གཟིགས་སོ།། དངོས་གྲུབ་པར་ཆོད་གང་ཡིན་པ།། ནོར་བས་གཉིས་སུ་བཟུང་བས་ཏེ།། དོན་གྱིས་ཀུན་ནི་མ་ཕྱིན་པས།། བསོད་ནམས་ཕྲལ་བར་བྱེད་པ་ཡིན།། དེ་བས་འདི་རྣམས་སུན་དབྱུང་ཞིང་།། རང་བྱུང་དངོས་གྲུབ་བསྒྲུབ་པའི་ཕྱིར།། ལྷས
iiif viewer powered by OpenSeadragon
