| e-texts navigator |
| Wylie |
47b1 བྱུང་བ་ཡང་།། གང་ཟག་ཉིད་ཀྱིས་རང་ཕུང་བསྒྲུབས།། ཐར་པའི་དུས་མེད་འཆིང་བའི་གླུ།། དོན་ལ་ཉན་པར་མི་སེམས་པར། ཕན་པར་འདོད་ནས་དོན་ལ་འཇུག། མ་རྟོགས་དབང་གིས་སྨྲང་གྱུར་པས།། ཡ་ནས་མ་བཙལ་ཤིན་ཏུ་དགྱེས།
47b2 ཞེས་གསུངས་པས། དེའི་ཕྱིར་གསང་ཚིག་མི་ཐུབ་པ་དང་།། གོལ་བ་སྡིག་ཏུ་འགྱུར་བའི་ཕྱིར།། མཚམས་ཆོད་པར་བྱ་དགོས་པས་གཟི་ལྡན་འབར་བའི་རྒྱུད་འདི་ནི། ཞལ་ནས་གསུངས་པའི་རྒྱུད་ཐམས་ཅད་ཀྱི་ནང་ནས། ཡང་ཤིན་ཏུ་ཡང་ཐུགས
47b3 རྗེས་གཅེས་ལ་གལ་ཆེ་སྟེ། དཔེར་ན་ནང་ཚ་གྲང་ལ་མཁས་པའི་སྨན་པས། མི་དེང་ནང་དུ་བྱེད་པ་བཞིན། བཀའ་དང་མི་མཐུན་པ་སྤོང་བར་བྱེད་དོ། དཔེར་ན་འཁོར་ལོས་སྒྱུར་བའི་རྒྱལ་པོ་ནི། སངས་ཀྱིས་སཱ་ལ་ཞུགས་ཀྱང་མི་ཆོས་གདམས་ངག་དང
47b4 ཕན་པའི་སྒོ་ནས། སེམས་ཅན་ལ་ངེས་པའི་སྟངས་གཅོད་པས་ཕན་འདོགས་པ་དང་འདྲ་བར་ཚྭ་དྷི་ལམ་གྱི་ཁྲོ་བོ་འདི་རྣམས་ཉིད་ཀྱིས་ཆེ་བའི་མཆོག་བརྙེས་ཀྱང་། སྔོན་གྱི་ཐུགས་ངམ་གྱིས་སྐུ་ཡེ་ཤེས་ཀྱི་འོད་ཟེར་འབུམ་གྱི་གཟི་དང་ལྡན་པས་འཁོར་བ་མཐོང
47b5 བཱར་དུ། གཞུང་དང་ལྡན་པས་བསྒྲུབ་ངེས་པ་རྣམས་ཀྱི་སྟོངས་དང་གྲོགས་མཛད། མི་ལྡན་ཞིང་གོལ་པ་རྣམས་ཀྱི་བར་གཅོད་དང་། ལོག་པར་སྤྱོད་པའི་ཉེས་པ་འགོག་པའི་ཕྱིར་བཙལ་བ་དང་། སྐྲོད་པ་དང་། བཅོས་པ་དང་། འགྲོ་གཅོད་པ་དང་། བྱར
47b6 མི་ལྷུང་བའི་དོན་དུ། ཐུགས་ཡེ་ཤེས་ཀྱི་གཟི་མདངས་ལྡན་པར་མཛད་པས། གཟི་ལྡན་འབར་བའི་རྒྱུད་ཅེས་འདི་ལ་བཏགས་སོ།། དེ་ལྟར་གསང་སྔགས་འདི་གསང་བ་ཐམས་ཅད་ཀྱི་ནང་ནས་གསང་བ་སྟེ། དེ་ཅིའི་ཕྱིར་ཞེ་ན། གསང་སྔགས་པར་ཁས
47b7 འཚོས་ནས་གསང་སྒོ་མི་སྡོམ་ན། གསང་བ་མེད་ན་སྔགས་པ་ཕུང་བར་འོང་སྟེ། སྡིག་ཀྱང་དེ་ལས་ཆེ་བ་མེད་ཅིང་། ཁྲོ་བོ་དང་ཁྲོ་མོ་དང་། ཕོ་ཉ་དང་ཕྱག་བརྙན་གྱི་བཀང་ཆད་ཀྱི་གནས་སུ་འགྱུར་རོ།། གསར་པའི་དམ་ཆོ་གནོས་ནས་དམ་ཚིག་ཅན
iiif viewer powered by OpenSeadragon
