| e-texts navigator |
| Wylie |
38a1 མ་མོ་དང་མཁའ་འགྲོ་མ་དང་སྲིན་མོ་ཤས་ཆེ་བ་བདག་ཅག་གི་ཟབ་ཅིང་རྒྱ་ཆེ་བ་འདི་ལྟ་ཅི་སྨོས་ཏེ་འཛིན་པའི་གྲོགས་སུ་ཡང་འཁུ་ལྡོག་མེད་པར་གྱུར་ཅིག། གང་སྡིག་པ་འབའ་ཞིག་ཅན་དམྱལ་བར་སྐྱེ་བར་ངེས་པ་དང་། ངན་པའི་ངང་ཚུལ་ཅན
38a2 ཐུགས་རྗེའི་དཔྱང་ཐག་ཆད་པ་རྣམས་བདག་ཅག་གི་འདུག་བཞིན་དུ་བསྒྲལ་ནས། བླ་ན་མེད་པའི་ལམ་ལ་འགོད་པར་གྱུར་ཅིག་ཅེས་སྨོན་ལམ་ཆེར་བཏབ་བོ།། བྲམ་ཟེ་ཀེའུ་ཤུས་བདག་ནམ་ཞིག་མངོན་པར་རྫོགས་པར་སངས་རྒྱས་པར་གྱུར་པ་ན། དེ་བཞིན་གཤེགས།
38a3 པའི་བཞུགས་གནས་གཞལ་ཡས་ཁང་དང་། དེ་ལྟར་བསྒོམ་པའི་གཞལ་ཡས་ཁང་གི་སྟེང་ཕྱོགས་ནས་ཁྲོ་བོ་ཧཱུཾ་ཀཱ་རར་གྱུར་ཏེ། སྐུ་ལས་ཡེ་ཤེས་ཀྱི་འོད་ཟེར་ཉི་མ་འབུམ་ལས་ལྷག་པའི་གཟི་བརྗིད་དང་། ཆོས་ཉིད་ཀྱི་ཐབས་དང་ཤེས་རབ་ཟུང་དུ་འབྲེལ
38a4 སྟེང་གི་གདོན་བགེགས་འདུལ་ཞིང་ཚར་གཅོད་པ་དང་། བར་གཅོད་ནང་དུ་མི་ཐར་པ་དང་དངོས་གྲུབ་ཕྱིར་མི་འབྱུང་བར་བྱེད་པའི་ཁྲོ་བོ་ཆེན་པོར་གྱུར་ཅིག་ཅེས་སྨོན་ལམ་བཏབ་བོ།། བྲམ་ཟེ་མོ་དབྱིངས་མས་བདག་ཅག་གསང་སྔགས་རྡོ་རྗེ་ཐེག་པའི་སྒོར་ཞུགས
38a5 ནས་མངོན་པར་རྫོགས་པར་སངས་རྒྱས་པར་གྱུར་ཅིག། ནམ་ཞིག་དེ་ལྟར་གྱུར་ནས་ཀྱང་། དེ་བཞིན་གཤེགས་པའི་བཞུགས་གནས་གཞལ་ཡས་ཁང་དང་། རྣལ་འབྱོར་གྱི་གནས་ཁང་གི་འོག་ཕྱོགས་ནས་བདག་མོ་ལས་ཕོར་གྱུར་ཏེ། ཤེས་རབ་ཀྱི་ཁྲོ་བོའི་མཚན
38a6 གྱི་རྣམ་པ་མང་པོར་གྱུར་ཏེ། སྐུ་ལས་ཡེ་ཤེས་ཀྱི་འོད་ཟེར་འབུམ་གྱི་གཟི་དང་ལྡན་ཏེ། ཐབས་དང་ཤེས་རབ་དབྱེར་མེད་པས། འོག་གི་གདོན་བགེགས་འདུལ་བ་གོང་མ་བཞིན་དུ་གྱུར་ཅིག་ཅེས་སྨོན་ལམ་དེ་ལྟ་བུ་བཏབ་བོ།། དེ་བཞིན་དུ་སྲས་ཐུ་བོ་ཀ་ཡས།
38a7 ཤར་གྱི་ཁྲོ་བོ་གཟི་ལྡན་གྱི་སྐུར་བསྒྱུར་ནས། ཤར་གྱི་གདོན་བགེགས་འདུལ་བར་སྨོན་ལམ་བཏབ་པོ།། དེའི་ཆུང་མས་ཁྲོ་བོ་དེའི་ཡུམ་དུ་སྨོན་ལམ་བཏབ་པོ།། དེའི་འོག་མ་བྲམ་ཟེ་སི་ཧས། ལྷོའི་གདོན་འདུལ་བ་དང་། ཆུང་མས་དེའི་ཡུམ་དུ་སེམས་བསྐྱེད་པ
38a8 བྲམ་ཟེ་འདི་རྣམས་ཀྱི་མཚན་དོན་མངས་ཀྱང་སོང་ཞག་རྒྱས།
iiif viewer powered by OpenSeadragon
