| e-texts navigator |
| Wylie |
29b1 མ་མེད་པའི་དུས་མཐའ་ནས།། ལམ་ལོག་ལམ་སྟོར་སྲིད་པའི་འཁོར་བར་འཁྱམས།། སྔོན་ཚེ་ལས་ལོག་སྡིག་པ་སྤྱོད་པས་ནོངས།། སྡིག་པའི་ལས་རྣམས་ཅི་བྱས་རང་གནོངས་འགྱོད།། དར་ཞིང་དྲགས་པའི་ལས་དབང་དེ་བཙན་པས།། འཁོར་བའི་སྡུག་བསྔལ་རྒྱ་མཚ
29b2 ཕྱི་ཁྱེར་ཏེ།། ཞེ་སྡང་འབར་བའི་མེས་ནི་རང་རྒྱུད་བསྲེགས།། གཏི་མུག་མུན་པ་འཐེབས་པས་ཤེས་རབ་ལྗོངས།། འདོད་ཆགས་རྒྱ་མཚོའི་འདམ་དུ་རྣམ་ཤེས་བྱིང་།། ང་རྒྱལ་དྲེགས་པའི་རི་བོས་ངན་འགྲོར་མནན།། ཕྲག་དོག་དྲུང་དམར་འཚུབྲ་པས་འཁོར་བར་གཡེངས།
29b3 བདག་ཏུ་བལྟ་བའི་མདུད་པ་དམ་པོས་བཅིངས།། འདོད་པ་མེ་མདག་དོང་འདྲའི་འོབས་སུ་ལྷུང་།། སྡུག་བསྔལ་དྲག་པོ་མི་བཟད་ཆར་ལྟར་འབབ།། འདི་འདྲའི་སྡུག་བསྔལ་ཤིན་ཏུ་བཟོད་དཀའ་ཞིང་།། སྡིག་པའི་ལས་དབང་དྲག་པོ་མེ་འབར་བས།། རྣམ་ཤེས་དབང་པོའི་མྱུ་གུ
29b4 གདུངས་གྱུར་ཏེ།། ཕུང་པོ་སྒྱུ་མའི་ལུས་ཀྱིས་མི་བཟོད་ན།། བྱམས་མགོན་ཐུགས་རྗེ་ཅན་གྱིས་བཟོད་ལགས་སམ།། བདག་འདྲ་བླུན་རྨོངས་ལས་ངན་སྡིག་པོ་ཆེ།། ལས་ཀྱི་དབང་གིས་འདོད་ཁམས་ཆུ་ཏྲད་སྐྱེས།། སྐྱེས་པས་འགྱོད་དོ་ལས་ལ་ཡི་རེ་ཆད།། ཡི་ཆད
29b5 ཀྱང་ལས་ལ་བཅོས་སུ་མེད།། ལས་ཀྱི་ཤུགས་ནི་ཆུ་བོའི་རྒྱུན་དང་འདྲ།། ལས་དབང་ཆུ་ཀླུང་འཕྲལ་དུག་ལ་ལྡོག། རྣམ་སྨིན་ཐམས་ཅད་རང་གི་ལས་ལས་བྱུང་།། བཀའ་ལ་ཞུགས་ཀྱང་བཀའ་བཞིན་རྔོམ་ཐོགས།། ལུས་ངག་ཡིད་གསུམ་སྡིག་པའི་དབང་དུ་སོང་།། ལས།
29b6 ཀྱི་རླུང་དམར་དྲག་པོ་དེས་བདས་པས།། བདག་ནི་དེ་སྔོན་བསྐལ་པ་གྲངས་མེད་དུ།། འཁོར་བའི་བཙོན་ར་མུན་པར་འཁྱམས་པ་ལ།། ཉེ་གནས་ཁྱེད་ཀྱི་ཐུགས་རྗེའི་བྱིན་རླབས་ཀྱིས།། ལས་དང་ཉོན་མོངས་སྒྲིབ་པའི་གནས་སྦྱངས་ནས།། མ་ལྟར་བྱམས་པའི་ཞབས
29b7 དྲུང་ད་ལྟ་འཁོད།། ཉི་ལྟར་འོད་འབར་ཟླ་ལྟར་མདངས་གསལ་བའི།། ཐུགས་རྗེའི་ཞལ་ཉིད་བལྟ་བས་མི་ངོམས་པ།། ཐོག་མ་མེད་ནས་མ་རིག་ལིང་ཏོག་གིས།། ལྡོངས་པའི་ཆུ་བུར་མིག་གིས་མ་མཐོང་ན།། འགྲོ་བའི་མགོན་ཁྱོད་དེ་སྔོན་གང་ན་བཞུགས།། ལས
iiif viewer powered by OpenSeadragon
