| e-texts navigator |
| Wylie |
24a1 དེ་ལགས་པས།། རིགས་མི་མཐུན་ཀྱང་དམ་ཚིག་གིས་བསྡུས་ན།། ལྷམ་དྲལ་ཚུལ་དུ་ཉེ་ཞིང་གདུང་བར་མཛོད།། སྔོན་འདས་དུས་ན་བསྟན་པ་འཇིག་ལ་སོགས།། ཞེ་སྡང་གདུག་པའི་དགྲ་བགེགས་གང་བྱུང་ཡང་།། ཁྱེད་ཀྱི་རྡུགས།།
24a2 རྗེ་ལྷག་པར་དེར་ཕྱུང་ཞིང་།། དྲག་ཤུལ་ཐབས་ཀྱིས་འདུལ་བ་ཇི་བཞིན་དུ།། ད་ལྟ་དུས་ངན་བསྟན་པ་འཇིག་ལ་སོགས།། སྡིག་པའི་འབྲས་བུ་སྨིན་པར་ཁྱེད་མཁྱེན་གྱིས།། རྡོ་རྗེ་ལྷམ་དྲལ་མ་ལུས་རྒྱ་མཚོ་ཡིས།། སོ་སོའི་ཐུགས་དམ་ཆེན་པོ་དགོངས་མཛོད་པ།།
24a3 ཇི་ལྟར་འཚམ་པ་བཞིན་དུ་ཕྲིན་ལས་མཛོད།། དབང་ཕྱུག་ལ་སོགས་བྱེད་པོར་ཁས་འཆེས་ཀྱང་།། དེ་ཉིད་དངོས་པོ་ལྟ་བུར་བྱེད་མི་ནུས།། ཁྱེད་ནི་སྒྱུ་མའི་ཆོས་ལ་མངའ་བརྙེས་པས།། སྒྱུ་མའི་རང་བཞིན་ཅིར་ཡང་གྲུབ་པར་མཛོད།། མི་ནུས་མངོན་ཤེས་མཐུ་དང
24a4 མི་ལྡན་ཡང་།། དམ་ཚིག་ཆོས་ཕྱིར་སྲོག་ལུས་ཕོངས་པ་མེད།། ཁྱེད་ནི་ཐོགས་མེད་མཐུ་དང་ལྡན་བཞིན་དུ།། འགྲོ་བའི་མགོན་སྐྱབས་ཅི་ཕྱིར་བསྐུལ་ལས་བཤགས།། སྲིད་པ་ལས་ཀྱི་དུས་ལ་མ་བབ་ཅེས།། འགྲོ་བ་འདུལ་བའི་ཕྲིན་ལས་མི་མཛད་ཅིང་།། ཐམ
24a5 ཅད་ཀུན་ལ་ལས་ཀྱི་དབང་བཙན་ན།། ཐུགས་རྗེའི་བྱིན་རླབས་སུ་ལ་ཅི་ཞིག་བགྱི།། གང་ཞིག་ཆོས་མིན་འགལ་བར་སྤྱོད་པ་ཡང་།། འབད་པའི་འབྲས་བུ་མེད་པར་མི་འགྱུར་རམ།། ཤེས་རབ་སྙིང་རྗེ་ཐབས་དང་མི་འགལ་བའི།། རེ་བ་བསྐང་བ་ལྟ་ཞིག་སྨོས་ཅི་འཚལ།།
24a6 འདྲའ་དཀའ་རྡོ་རྗེ་དམ་ཚིག་མཆོག་བསྲུང་བར།། གྲུབ་པ་ཁྱེད་དང་འདྲ་བ་མ་ལགས་ན།། ཆོས་སྲུང་འགྲོ་དོན་བདག་གིས་མི་ལྕོགས་པས།། བྱིན་རླབས་མཆོག་དང་ལྡན་པར་མཛད་དུ་གསོལ།། དམ་ཚིག་ཉམས་པ་ལ་སོགས་ཉེས་པ་རྣམས།། ཚེ་རབས
24a7 འདི་ལ་ཉམས་སུ་མྱོང་འགྱུར་བ།། ཆོས་དབྱིངས་འགྲོ་དོན་བདག་གིས་རྟོགས་པ་རུ།། ཆོས་ལ་དབང་བསྒྱུར་ཁྱེད་ཀྱིས་བཟློག་ཏུ་གསོལ།། ཐུགས་རྗེ་བརྩེ་ལྡན་རྡོ་རྗེ་ལྕམ་དྲལ་ལ།། འདི་སྐད་བསྐུལ་ཞིང་གསོལ་ལྟ་མི་འཚལ་ན།། ཞེ་སྡང་མཐའ་ཡི་སེམས
iiif viewer powered by OpenSeadragon
