| e-texts navigator |
| Wylie |
210a1 དོན་སྤྱོད་ཕྲིན་ལས་དེ་མཛོད་ཅིག། ཅེས་བསྐུལ་པས། དེ་མ་ཐག་ཏུ་བཅོམ་ལྡན་འདས་ཉིད་ཀྱིས་སྐུ་གསུང་ཐུགས་ཀྱི་གནས་ཐམས་ཅད་ནས་འོད་ཟེར་ཀྱེ་དྲ་བ་སངས་རྒྱས་ཀྱི་ཞིང་གི་ཡོན་ཏན་འཀོད་པ་ཞེས་བྱ་བའི་ཏིང་ངེ་འཛིན་དང་ལྡན
210a2 མེད་ཀྱི་དྲ་བ་ཆེན་པོ་བཀྱེ་སྟེ། ནམ་མཁའི་ཁམས་མ་ལུས་པ་ཐམས་ཅད་སྣང་བར་མཛད་པ་དང་། འཁོར་འདུས་པ་དེ་དག་གིས་ཀྱང་ཕྱོགས་བཅུའི་སངས་རྒྱས་ཀྱི་ཞིང་། ནམ་མཁའི་ཁམས་ཐམས་ཅད་ཏིལ་གྱི་གང་བུ་བཞིན་དུ་གང་བར་བཞུགས་ནས། ལྷམ་མེ་ལྷང་དེ་ལྷན
210a3 གྱུར་ཏོ།། དེ་ལྟར་འདུག་པའི་ཁྱད་པར་དུ་ཡང་། ཡང་དག་པར་རྫོགས་པའི་སངས་རྒྱས་གདས་ཆེན་མཚོ་རྣམ་པར་སྣང་མཛད་ཀྱི་སངས་རྒྱས་ཀྱི་ཞིང་སྟུག་པོ་བཀོད་པའི་གནས་ནས། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི། སྐུ་གསུང་ཐུགས་ཀྱི་རྣམ་པར
210a4 འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་འདུག་པར་མཐོང་བར་གྱུར་ཏོ།། དེ་བཞིན་དུ་ཤར་གྱི་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་མི་འཁྲུགས་པ་བཀོད་པའི་སངས་རྒྱས་ཀྱི་ཞིང་མདོ་པ
210a5 དགའ་བའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི། སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་འདུག་པར་མཐོང་བར་གྱུར་ཏོ།། དེ་བཞིན་དུ་ལྷོ་ཕྱོགས་ཀྱི་རྣམས་པའི
210a6 ཁམས་ན་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་གནས་ཀྱི་སངས་རྒྱས་ཀྱི་ཞིང་རིན་ཆེན་ཡོད་པའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་སངས་རྒྱས་དེ་དག་གི་འཁོར་གྱི་ཐོས
210a7 མར་འདུག་པ་མཐོང་བར་གྱུར་ཏོ།། དེ་བཞིན་དུ་ནུབ་ཀྱི་ཕྱོགས་ཀྱི་ནམ་མཁའི་ཁམས་ན། ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ཀྱི་སངས་རྒྱས་ཀྱི་ཞིང་བདེ་བ་ཅན་གྱི་གནས་ན་ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི
iiif viewer powered by OpenSeadragon
