| e-texts navigator |
| Wylie |
19a1 བྱའི་བག་ཆགས་ཕྲ་མོ་མན་ཆད། གཉེན་པོ་རྡོ་རྗེ་ལྟ་བུའི་ཡེ་ཤེས་ཆེན་པོས་སྦྱངས་ཏེ། ས་བཅུ་རིམ་གྱིས་བགྲོད་དེ་མཐར་ཕྱིན་ནས་བཅུ་གཅིག་ཀུན་དུ་འོད་ཀྱིས་འཐོབ་པར་གྱུར་ཅིག། རང་བྱང་ཆུབ་རྣམས་ནི་རྟེན་འབྲེལ་བཅུ་གཉིས
19a2 མཐར་ཕྱིན་པའི་འབྲས་བུ་བསེ་རུའམ་ནེ་ཅོ་ལྟ་བུ་འཐོབ་པར་གྱུར་ཅིག།། ཉན་ཐོས་རྣམས་ནི་བདེན་པ་བཞི་མཐར་བྱིན་པའི་འབྲས་བུ་དགྲ་བཅོམ་པ་འཐོབ་པར་གྱུར་ཅིག། ཁམས་གསུམ་གྱི་སེམས་ཅན་ཐམས་ཅད་ཀྱང་ཆོས་དགེ་བ་བཅུ་སྤྱོད་པར་གྱུར་ཏེ་ལྷ་དང་མིའི་གོ་འཕང
19a3 འཐོབ་པར་གྱུར་ཅིག། ལྷ་དང་མི་རྣམས་ནི་ཆོས་སྤྱོད་བཅུའི་སྒོར་ཞུགས་ཏེ་དཀོན་མཆོག་གསུམ་གྱི་གདུང་འཛིན་ཅིང་ཐེག་པ་ཆེན་པོའི་སེམས་བསྐྱེད་ནས། གསང་སྔགས་རྡོ་རྗེ་ཐེག་པ་མ་ནོར་བར་སྟོན་པའི་དགེ་བའི་བཤེས་གཉེན་ཚད་མ་དང་རྟག་ཏུ་འགྲོགས་ཤིང་། དེས་བསན
19a4 པའི་དོན་མ་ནོར་བར་འགྲེལ་ཞིང་རྟོགས་ནས་རིག་འཛིན་རྣམ་གསུམ་མྱུར་དུ་འགྲུབ་པར་གྱུར་ཅིག། དེ་ལྟ་བུའི་འགྱོད་ཚངས་ལ་བརྟེན་ནས། བདག་ཅག་གི་མན་ངག་གི་དོན་སྟོན་པའི་རྡོ་རྗེ་སློབ་དཔོན་དང་། དགེ་བའི་བཤེས་གཉེན་རྣམས་ཀྱང་སྐུ་ཚེ་རིང་བ་དང་། འཁོར
19a5 དང་ལོངས་སྤྱོད་འཕེལ་བ་དང་། དགོངས་དཔྱོད་ཐམས་ཅད་ལྷུན་གྱིས་གྲུབ་སྟེ། བསྟན་པའི་སྒྲོན་མེ་མཛད་ལ་ཡུན་རིང་དུ་གནས་པར་གྱུར་ཅིག། བདག་ཅག་རྣལ་འབྱོར་པ་འདིར་འདུས་ཤིང་ཚོགས་པ་རྣམས་ནི། འཇིག་རྟེན་མཐོང་བའི་ཆོས་འདི་ལ། ཚེ་རིང་བ་དང་།།
19a6 ནད་མེད་པ་དང་། དཔལ་དང་གཟི་མདངས་དང་། འབྱོར་པ་ཕུན་སུམ་ཚོགས་པ་དང་ལྡན་ཏེ། བསམ་པ་ཐམས་ཅད་ཡིད་བཞིན་དུ་གྲུབ་པར་གྱུར་ཅིག། གསང་བའི་ཐེག་པ་ཆེན་པོ་འདི་ཡང་བཀའ་བཙན་ཞིང་བྱིན་ཆེ་སྟེ་དར་ཞིང་རྒྱས་པར་གྱུར་ཅིག། གསང
19a7 གྲགས་ཟབ་མོ་འདི་དང་བའི་ཡུལ་ཁམས་ལ་སོགས་ཏེ། རྒྱལ་ཁམས་ཐམས་ཅད་དུ་དུས་ཀྱི་འཁྲུག་པཞི་བར་གྱུར་ཅིག། མཚན་གྱི་བསྐལ་པ་ཉམས་པར་གྱུར་ཅིག། མེ་ནད་དང་ཕྱུག་ནད་ཐམས་ཅད་སྤྱན་ཆད་པར་གྱུར་ཅིག། ཆར་ཆུ་དུས་སུ་བབས་ཏེ།
iiif viewer powered by OpenSeadragon
