| e-texts navigator |
| Wylie |
18a1 འཁོར་དུ་གཏོགས་པའི་ཡེ་ཤེས་དང་། ལས་ལས་གྲུབ་པའི་ལེགས་ཉེས་ཀྱི་བསྟང་འཛིན་ཅིང་དམ་ཚིག་གི་རྗེས་གཅོད་པའི་བསྟན་པ་གཉེན་པོ་སྲུང་བ་དང་། ཆོས་སྐྱོང་བ་རྣམས་ཀྱི་ཐུགས་དང་འགལ་བཅི་བགྱིས་པ་ཐམས་ཅད
18a2 མཐོལ་ཞིང་བཤགས་སོ།། གཞན་ཡང་ཕྱོགས་བཅུ་དུས་གསུམ་གྱི་རྣལ་འབྱོར་པ་མཆེད་དང་ལྷམ་དྲལ་རྣམས་ཀྱི་ཐུགས་དང་འགལ་བའི་ལས་ཅི་བགྱིས་པ་ཐམས་ཅད་མཐོལ་ཞིང་བཤགས་སོ།། དེ་ལྟར་མཐོལ་བཤགས་ཟབ་མོ་དང་། འགྱོད་ཚངས་རྔག་པོ
18a3 ཤིན་ཏུ་གནོད་འགྱོད་དང་བཅས་པ་བགྱིས་པས་རྩ་བ་དང་ཡན་ལག་གི་དམ་ཚིག་ཉམས་པ་སོར་ཆུད་དེ་ཉམས་ཆག་ཐམས་ཅད་སྐོངས་པར་གྱུར་ཅིག། བཀའ་ལ་རྭས་ཆོད་བྱེད་ཅིང་། སྦས་པའི་གསང་བ་ལ་མངོན་པར་འཆེལ་བ་དང་། ཏ་ན་བསྐལ་བ་གནས་སུ་མ་རྟོགས་པ་དང
18a4 གཎ་སྦྱོར་བ་བྱིན་གྱིས་མ་བརླབས་པ་ལ་སོགས་པ། གསང་སྔགས་སྤྱད་ཉེས་པའི་དབང་གིས་ངན་སོང་གི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག། བསྙེན་སྒྲུབ་ཟབ་མོ་དམ་དུ་བཅས་པ་ལས། རང་ཉམས་དང་ཚོད་ཡོད་དུ་གྱུར་ཏེ། མཆོད་པ་ལོ་ཟླར
18a5 འདས་པ་དང་། ཉ་སྟོང་དུས་ཆོད་ལས་འདས་པ་དང་། དགེ་བའི་ཕྱོགས་བགྱིད་པར་དམ་བཅས་པ་ལས་རྔོ་མ་ཐོགས་པས། ངན་སོང་གི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག། དུས་ཀྱི་མཆོད་པ་ཆེན་པོ་ལ་བསྔོས་པའི་ཡོ་བྱད་དང་། མ་ཧཱ་བོ་དྷི་མཆོད
18a6 རྟེན་ཆེན་པོའི་ཡོ་བྱད་དང་། བསྒོམ་བསྒྲུབ་ཟབ་མོའི་ཡོ་བྱད་དང་། གཞན་ཡང་ཕུད་ལ་གཞོགས་ཤིང་། ལྷག་ལ་ཕྲི་བ་དང་། ཁྲལ་ལ་ངན་པ་དང་། གསོག་འཇོག་གི་ལས་བགྱིས་པས། པྲེ་ཏ་ཀ་ཡི་དྭགས་ཀྱི་རྒྱུ་བསགས་པ་ཐམས་ཅད་བྱང་ཞིང་དག་པར
18a7 གྱུར་ཅིག། མ་རིག་པའི་དབང་གིས་སྦ་ལོ་དང་། ཚུལ་འཆོས་ཀྱིས་གསང་སྔགས་སྤྱད་ཉེས་པའི་བལྟ་སྤྱོད་ཟབ་མོ་གཞུང་མ་བསྲངས་པ་དང་། ཡང་དག་པ་ཡིན་ནམ་མ་ཡིན་སྙམ་ནས་སེམས་ལ་རྟོག་པ་བྱུང་བ་དང་། ཡིན་པར་ངོ་ཤེས་ཀྱང་སེམས་ལ
iiif viewer powered by OpenSeadragon
