| e-texts navigator |
| Wylie |
288b1 མཐེ་ཆུང་སྦས།། རྡོ་རྗེ་རིན་ཆེན་རྒྱ་ཆེན་ཡིན།། མཐེ་བོ་མཐེ་ཆུང་རྩེ་སྤྲད་ནས།། ལུ་གུ་རྒྱུད་དུ་སྦྲེལ་བར་བྱ།། ལྷག་མ་འོད་ལྟར་བྱས་ན་ནི།། རྡོ་རྗེ་ཉི་མའི་རྒྱ་ཆེན་ཡིན།། ལག་ངར་གཡོན་པ་བསྒྲེང་ནས་ནི།། རྡོ་རྗེ་ཁུ་ཚུར་བཅངས་པ་ལས།། གཡས་པ་གྲུ་མོར
288b2 གཟུང་བར་བྱ།། རྡོ་རྗེ་རྒྱལ་མཚན་རྒྱ་ཆེན་ཡིན།། གཡོན་གྱི་སྟེང་དུ་གཡས་བཞག་ནས།། སོར་མོའི་ཚིགས་བཅག་སྤྲད་བྱས་ཏེ།། ཁ་ཡི་ཐད་ཀར་གཟུང་བར་བྱ།། རྡོ་རྗེ་བཞད་པའི་རྒྱ་ཆེན་ཡིན།། གཡོན་གྱི་སོར་མོའི་རྩེ་རྣམས་ཡིན།། མ་ཕྲད་ཙམ་དུ་བསྡུས
288b3 པ་ལས།། གཡས་ཀྱིས་འབྱེད་པ་ལྟར་བྱས་པ།། རྡོ་རྗེ་ཆོས་ཀྱི་རྒྱ་ཆེན་ཡིན།། གཡས་ཀྱི་ལག་ངར་སྒྲེང་བ་ལ།། མཐེ་བོ་མཉྫུ་རླུང་རྩེ་སྤྲད་དེ།། ལྷག་མ་གསུམ་ཡང་བསྒྲེང་བར་བྱ།། གཡོན་པའི་ཁུ་ཚུར་དཀུར་བརྟེན་པ།། རྡོ་རྗེ་རྣོན་པོའི་རྒྱ་ཆེན་ཡིན།། ལག་པ
288b4 རྒྱ་གྲམ་རྩེ་བསྣོལ་ནས།། མཐེ་བོ་གཉིས་ཀྱི་རྩེ་སྤྲད་དེ།། བསྐོར་བ་ལྟ་བུར་བྱས་པ་ནི།། རྡོ་རྗེ་འཁོར་ལོའི་རྒྱ་ཆེན་ཡིན།། སོར་མོ་ནང་དུ་བསྣོལ་བ་ལས།། གུང་མོ་རྩེ་སྤྲད་མཛུབ་སྦྱར་ཏེ།། མཐེ་བོས་གུང་མོ་མནན་པ་ནི།། རྡོ་རྗེ་སྨྲ་བའི་རྒྱ་ཆེན་ཡིན།།
288b5 ལག་པའི་མཁྲིག་མ་བསྣོལ་བ་ལས།། གུང་མོ་གཉིས་ཀྱི་ཚིགས་དང་པོར།། ངོས་བཞིར་ས་ཡི་སོར་མོ་བརྟེན།། རྡོ་རྗེ་ལས་ཀྱི་ཕྱག་རྒྱ་ཡིན།། ལག་པ་གཉིས་ཀྱི་སོར་མོ་རྣམས།། ཕན་ཚུན་ཐགས་སུ་བཏགས་པ་ལས།། མཐེ་བོ་གཉིས་ནི་བསྒྲེང་བར
288b6 བྱ།། རྡོ་རྗེ་བསྲུང་བའི་ཕྱག་རྒྱ་ཡིན།། རྡོ་རྗེ་ཁུ་ཚུར་བཅངས་པ་ལས།། མཛུབ་མོ་གཉིས་ནི་བསྒྲེང་ནས་ཀྱང་།། ཁ་འགྲམ་གཉིས་སུ་གཟུང་བར་བྱ།། རྡོ་རྗེ་གནོད་སྦྱིན་རྒྱ་ཆེན་ཡིན།། རྡོ་རྗེ་ཁུ་ཚུར་བཅངས་པ་ལས།། བསྣོལ་ཏེ་ཁ་ནི་སྦྱར་ནས་ཀྱང་།། །
288b7 ཐུགས་ཀར་དམ་དུ་གཟུང་བར་བྱ།། རྡོ་རྗེ་ཁུ་ཚུར་རྒྱ་ཆེན་ཡིན།། རིགས་ཀྱི་ཕྱག་རྒྱ་བསྒོམ་ནས་ནི།། ལག་གི་འདུ་ཤེས་འདི་དག་གིས།། འདུ་འཕྲོ་མོས་པ་བསྐྱེད་ནས་ནི།། བཅིང་ཞིང་མཁའ་ལ་དགྲོལ་བར་བྱ།། མཐེ་བོ་མཐེ་ཆུང་ནང་དུ་སྤང་།།
iiif viewer powered by OpenSeadragon
