| e-texts navigator |
| Wylie |
253a1 རྡོ་རྔ་དབྱིངས་ཀྱི་དཀྱིལ་འཁོར་འདུ་གསལ་བ།། ཆོས་སྱ་སྨྲ་བས་མ་བརྗོད་དང་བྲལ་བ་ལ།། ཡ་ཤས་སྒྱུ་མའི་གཟུགས་སུ་རང་ལྡང་བ།། རང་བཞིན་འབྲས་བུ་མཐང་ཕྱིན་དཀྱིལ་འཁོར་ཡིན།། འཁོར་བར་སྣང་བ་ཉིད་ན་སྣང་བ་མེད།། མྱ་ངན་ལས
253a2 འདས་རྒྱལ་བའི་སྐུ་གསུང་ཐུགས།། གཞན་ན་མེད་དེ་འཁོར་བ་ཉིད་ལ་གནས།། རང་བཞིན་དཀྱིལ་འཁོར་རང་བཞིན་ཉིད་དུ་སྣང་།། དེ་ཉིད་འབྲས་བུ་མཐར་ཕྱིན་ཀུན་དང་མཉམ།། རྣམ་གསུམ་དབྱེར་མེད་གཅིག་གི་དང་དུ་གནས།། གནས་དང་མ་གནས་ཐ་དད་མཐའ
253a3 ལས་འདས།། མི་དམིགས་ཆོས་ཀྱི་དབྱིངས་ལ་འཕེལ་འགྲིབ་མེད།། དྲི་མེད་ཆོས་ཀྱི་སྐུ་ལ་སྐྱེ་འགག་མེད།། དབྱིངས་དང་ཡེ་ཤེས་དབྱེར་མེད་གཅིག་གི་དང་།། གཟུགས་ཅན་མ་ཡིན་ཀུན་ལ་ཁྱབ་པ་དང་།། འགྲོ་འོངད་མེད་པར་ཀུན་ལ་འདུས་རྣམས་སུ།། ཐམས
253a4 ཅད་པ་ཞེས་སྤྱོད་ཡུལ་དཀྱིལ་འཁོར་ཆེ།། མཚན་མ་མེད་པའི་ཕྱག་རྒྱ་ཆེན་པོར་གནས།། སངས་རྒྱས་ཉིད་ཀྱིས་གཟིགས་པའི་སྤྱོད་ཡུལ་ལས།། གཙོ་འཁོར་དགོངས་པ་ཆོས་ཀྱི་སྐུ་ལ་བཞུགས།། ཞེས་གསུངས་སོ།། གླང་པོ་རབ་འབོག་གི་སྤྱད་ལས། གསང
253a5 བ་བསྟན་པ་འབྱུང་བའི་རྒྱུད་གླེང་གཞི་བསྟན་པའི་ལེའུ་སྟེ་དང་པོའོ།། ། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་ལ། དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ།། སྣོད་དུ་སྡང་བ་དཀྱིལ་འཁོར་ཡུམ་གྱི་དབྱིངས།། བཅུད
253a6 དུ་སྣང་བ་རྒྱལ་བ་ལྷ་ཡི་སྐུ།། སྣང་སྲིད་མ་བཀོད་ཡེ་ནས་རྫོགས་མངས་རྒྱས།། རྨོངས་པའི་མུན་པ་བསལ་ཕྱིར་བཤད་དུ་གསོལ།། ཞེས་ཞུས་སོ།། དེ་ནས་སངས་རྒྱས་རྡོ་རྗེ་འཆང་ཆེན་པོ་འཁོར་འདས་དབྱེར་མེད་པའི་ཏིང་ངེ་འཛིན་ལ་བཞུགས་ནས། འགྲོ་བའི་ཆེད་དུ
253a7 ཚད་དུ་བརྗོད་པ་འདི་གསུངས་སོ།། ཀུན་ནས་ཉོན་མོངས་འཁོར་བའི་ཆོས་རྣམས་ཀུན།། རྣམ་བྱང་མྱ་ངན་འདས་པར་དབྱེར་མེད་པས།། གཉིས་མེད་རོ་གཅིག་ཕྱག་རྒྱ་ཆེན་པོར་གནས།། ཇི་ལྟར་གླང་ཆེན་རྩལ་གྱིས་རབ་གཅོད་པ།། ཆུ་ཀླུང་རྦ་ཀློང་ཆེ་ལ་བདེ་བ་ལྟར།།
iiif viewer powered by OpenSeadragon
