| e-texts navigator |
| Wylie |
177a1 བནི། དེས་རྣམམ་ཁའི་མཚན་ཉིད་ཀྱིས་ཀྱང་དཔག་ཏུ་རུང་བ་མ་ཡིན་པའོ།། དེ་ནས་ཕྲམ་སངས་རྒྱས་སྤྱན་སྐྱེས་བཅོམ་ལྡན་འདས་གསང་བ་མཆོག་ག་བདག་པ་དགངས་པ་བཅས་མ་མ་ཡིན་པ་ལ་མུན་ལ་བཞིན་དུ་སེམས་ཅན་གྱི་ངན་དུ་ཐཱ
177a2 འདིས་བསྐུལ་ཏོ།། ཨེ་མ་ཧོ།། མ་བཅོས་སྤྲོས་མེད་རྣམ་དགྲ་ཀློང་ཡངས་ནས།། ཁྱབ་པའི་སྙིང་རྗེ་འབྱུང་བར་མི་དམིགས་ཀྱང་།། སྔོན་གྱི་སྨོན་ལམ་རྗེས་སུ་དགོངས་མཛད་ནས།། ཁྱབ་པའི་སྙིང་རྗེ་ཆེན་པོ་ནམ་མཁར་སྟོན།། ཞེས་བསྐུལ་བས། གསང་བ
177a3 མཆོག་གི་བདག་པོ་དེས་བསྐུལ་བར་མཁྱེན་ནས། བཅོས་མ་མ་ཡིན་པའི་ངང་ལས་གཡོས་ཏེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ་སྙིང་རྗེ་ཆེན་པོས་ཀུན་ལ་ཁྱབ་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་འཁོར་བ་དང་མྱ་ངན་ལས་འདས
177a4 པའི་ཆོས་ཐམས་ཅད་ནམ་མཁའི་ངོ་བོ་ཙམ་དུ་གནས་པར་གྱུར་ཏོ།། དེ་ནས་ཡང་ཡུམ་གོས་དཀར་མོས་མ་གཡོས་པའི་ངང་ལས་གླུ་འདིས་བསྐུལ་ཏོ།། ཨེ་མ་ཧོ།། ཀུན་ལ་ཁྱབ་པའི་སྙིང་རྗེ་ཆེན་པོ་འདི།། མ་ལྟར་བྱམས་ཤིང་ཐུགས་རྗེས་ཀུན་ལ་འཛིན།། མ་བསྒྲིབས་གསལ་བའི
177a5 ཐུགས་རྗེའི་དབྱིངས་ཉིད་ལས།། བདེ་མཆོག་ལོངས་སྤྱོད་བདག་ལ་བསྟན་དུ་གསོལ།། ཧོ་ཞེས་རྣམ་པར་བསྐུལ་ཏོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བསྐུལ་བར་མཁྱེན་ནས། ནམ་མཁའ་བརྗོད་མེད་ཀྱི་ངང་ལས་རིག་པ་བརྗོད་པའི
177a6 ཆོ་འཕྲུལ་སྙིང་རྗེའི་དབང་གིས་རྣམ་པར་ཕྱུང་སྟེ། རྣམ་པར་གསལ་བར་མཛད་པའི་གཟི་བརྗིད་ནི་ནམ་མཁའི་དབྱིངས་རུམ་ནས་ཉི་མ་འབུམ་དུས་གཅིག་ཏུ་ཤར་བའི་འོད་ཟེར་ལྟ་བུར་རྡོ་རྗེའི་སྐུ་མངོན་དུ་ཕྱུང་ངོ་།། དེ་ནས་ཡང་ཡུ་མ་མཱ་མ་ཀཱིས་སྐུ་མངོན་དུ་གསལ་བའི
177a7 དང་ལས་གླུ་འདིས་བསྐུལ་ཏོ།། ཨེ་མ་ཧོ།། རིག་པའི་སྒྲ་མཆོག་རྣམ་པར་གསལ་བ་ནི།། ཡོངས་སུ་གསལ་ཞིང་དྲི་མ་རྣམས་དང་བྲལ།། ཐུགས་རྗེ་ཆེན་པོས་སེམས་ཅན་དོན་མཛད་པ།། སྤྲུལ་པའི་སྐུ་མཆོག་བདག་ལ་བསྟན་དུ་གསོལ།
iiif viewer powered by OpenSeadragon
