| e-texts navigator |
| Wylie |
87b1 མེད་བདེ་བའི་རོས།། དབང་སྒྱུར་ཡེ་ཤེས་རྒྱལ་པོར་བཤད།། གང་ཕྱེར་སྣང་དང་བསྒོམས་དང་བྲིས།། ཕྱག་རྒྱ་རྩ་བཅུད་ཐིག་ལེའི་མདོག། དཀར་དང་དམར་དང་སེར་བ་དང་།། སྔོ་དང་ལྗང་དང་རིམས་ལྡན་པའོ།། རྒྱལ་བ་ཀུན་གྱི་བདེ་སྲིད་ཅིང་།། སྤྱོད་དང་དེ་ལས་འབྱུང་བའི་ཡུམ།།
87b2 ཐམས་ཅད་དེ་ལས་སྐྱེད་པ་ལྔ།། ཐ་མལ་ཞེན་པ་དག་པ་དང་།། དབང་སྒྱུར་རྒྱལ་མོ་ལྔ་རང་བཞིན།། སྲ་དང་གཤེར་དང་དྲོད་དང་བསྐྱོད།། ནམ་མཁའི་ཁམས་ཀྱིས་གང་ཕྱེ་བ།། སྟེང་འོག་ཐབས་ལས་མངོན་གྱུར་པ།། ཡུལ་དང་ཤེས་པ་དབྱེར་མེད་ཅིང་།། ཐུགས་རྗེ་ཤེས་རབ་འབྲེལ་པ
87b3 ཡིས།། འཁོར་བ་དང་ནི་མྱ་ངན་འདས།། གཉིས་མེད་གཟིགས་པ་སྦྱིན་གྱི་མཆོག། ཟག་མེད་སྟོང་པའི་ཀློང་ཆེན་གྱིས།། སྐྱེད་དང་སྡུད་དང་གནས་པའི་ཕྱིར།། མཐའ་དབུས་བྲལ་བའི་དེ་བཞིན་ཉིད།། ནམ་མཁའི་དབྱིངས་ཞེས་གང་བརྗོད་པའོ།། ཐུན་མོང་དུན་མོད་མ་ཡིན་པའི།།
87b4 ལས་དང་ལྟ་བ་ཉོན་མོངས་དང་།། ཤེས་བྱའི་དྲི་མ་མཐའ་ཡས་པ།། རྟོགས་པས་སྐྱོང་ཞིང་སྲེག་པས་ན།། གོས་དཀར་མ་རུ་བརྗོད་པ་ཡིན།། གང་ཕྱིར་ལས་དང་ཏིང་འཛིན་དང་།། ཡེ་ཤེས་ཐུགས་རྗེ་བར་མེད་ཆུས།། གང་དག་འཁྲུད་དང་ཚིམ་བྱེད་པས།། ཆུ་ནི་མཱ་མ་ཀཱི་རུ
87b5 བཤད།། གང་ཕྱེར་རྟོགས་དང་ཐབས་དག་དང་།། ཏིང་འཛིན་ཐབས་ཀྱི་རླུང་དག་གིས།། བགྲོད་པ་མེད་པའི་ཞིང་ཁམས་སུ།། སྒྲོལ་བས་སྒྲོལ་མ་ཉིད་དུ་བཤད།། སྙིང་པོ་རང་འབྱུར་ཡེ་ཤེས་ཉིད།། ཀུན་བརྟེན་གནས་དང་ཁྱབ་པའི་ཕྱིར།། བྱང་ཆུབ་སེམས་ཀྱི་རང་བཞིན
87b6 ལ།། ས་ཡེ་སྙིང་པོར་བརྗོད་པ་ཡིས།། རང་འབྱུང་སྙིང་པོ་བྱང་ཆུབ་སེམས།། ནམ་མཁང་ལྟ་བུར་བསམ་བརྗོད་མེད།། མཐའ་དབུས་སྒོ་སྒྲར་གང་འདས་པ།། དེ་ནི་ན་མཁའི་སྙིང་པོ་ཉིད།། གང་ཕྱིར་ཐུགས་རྗེ་དཔག་མེད་པས།། འགྲོ་བ་ཆུ་བོ་རྒྱལ་གྱི་བར།། སྐྱོ་བ་མེད་པར
87b7 གཟིགས་པས་ན།། སྤྱན་རས་གཟིགས་དབང་པདྨའི་གཙོ།། རྟོགས་དང་དབྱེར་མེད་རྡོ་རྗེ་ཡིས།། མམང་མི་བདག་རྟོགས་མཚན་མ་དག། འཇོམས་པས་ཕྱག་ན་རྡོ་རྗེ་སྟེ།། ཐུན་མོང་ཉིད་དང་ཁྱད་པར་གྱི།། གསང་བའི་རྣམ་པར་ཤེས་པ་བཞི།། ཐུན་མོང་ཡུལ་དང་ཁྱད
iiif viewer powered by OpenSeadragon
