| e-texts navigator |
| Wylie |
313a1 ཀྱུ་འཛིན་མ་དང་། ཞགས་པ་འཛིན་མ་དང་། ལྕགས་སྒྲོག་འཛིན་མ་དང་། ཟིལ་བུ་འཛིན་མ་དང་། གཞན་ཡང་དབང་པོ་ཐམས་ཅད་དང་། དཔའ་མོ་ཐམས་ཅད་དང་། རིག་འཛིན་ཐམས་ཅད་དང་། བྱང་ཆུབ་སེམས་དཔའི་རིགས་སུ་གྱུར་པ་ཐམས་ཅད་དང་། གསང་བའི་རིགས
313a2 སུ་གྱུར་པ་ཐམས་ཅད་ཀྱིས། མཉེས་པ་ཆེན་པོའི་མཆོད་པས་མཆོད་དོ།། རྟོག་པའི་རྒྱལ་པོ་ཉིད་ལ་རྗེས་སུ་ཡི་རང་བར་མཛད་པའི་ཕྱིར། ཉིད་ལ་ཉིད་སྣང་ངོ་།། ཉིད་ལ་ཉིད་སྤྱོད་དོ།། ཉིད་ལ་ཉིད་གནས་སོ།། ཉིད་ལ་ཉིད་སྡུད་དོ།། ཉིད་ལ་ཉིད་སྤེལ་ལོ།། ཉིད་ལ་ཉིད་སྤོགས་སོ།།
313a3 ཡོངས་སུ་སྤྲོའོ།། ཤིན་ཏུ་སྤྲོའོ།། ཡོངས་སུ་ཤིན་ཏུ་སྤྲོའོ།། སྤྲོ་དེ་ཉིད་དབྱེར་མེད་པར་གྱུར་ཏེ། གཞི་འདུས་པའི་རྒྱུད་བསྟན་ཏོ།། ལམ་སྤྲོས་པའི་རྒྱུད་དུ་སྟོན་ཏོ།། འབྲས་བུ་ཡོངས་སུ་འདུས་པའི་རྒྱུད་དུ་སྟོན་ཏོ།། མང་དུ་བསྐྱེད་པའི་རྒྱུད་དུ་བསྟན་ཏོ།། ཉུང་ངུ་སྡུད་པའི་རྒྱུད་དུ་བསྟན་ཏོ།། ཡོངས
313a4 སུ་འདུས་པ་རྩ་བར་བསྟན་ཏོ།། ཡོངས་སུ་བཀོད་པ་བཤད་པར་བསྟན་ཏོ།། ལྐོག་ཏུ་གྱུར་པར་སྟོན་པ་ཁ་སྐོར་བསྟན་ཏོ།། མདུད་པ་དགྲོལ་བར་དཀའ་བ་གཅོད་པར་བསྟན་ཏོ།། དེས་དེ་བཞིན་དུ་གསུངས་སོ།། དེ་ནས་དེ་བཞིན་དུ་མཁྱེན་ཏོ།། དེ་རྣམས་དེ་བཞིན་དུ་ཡི་རང་བར་གྱུར་ཏོ།། མངོན
313a5 པར་འདུད་པར་གྱུར་ཏོ།། དེ་ཉིད་དེ་བཞིན་དུ་གྱུར་ཏོ།། དེ་ཉིད་དེ་བཞིན་སྡུད་དོ།། དེ་ཉིད་དེ་བཞིན་བསྡུས་ནས་དེ་བཞིན་དུ་གསུངས་སོ།། ཡོངས་སུ་གསུངས་སོ།། རྣམ་པར་གསུངས་སོ།། དེ་ཉིད་གསུངས་པ་བཞིན་འཛིན། ཡོངས་སུ་འཛིན་ཏོ།། རྣམ་པར་འཛིན་ཏོ།། རྒྱུད་ཀྱི་རྒྱལ་པོ་སངས་རྒྱས
313a6 མཉམ་སྦྱོར་ལས། ཡོངས་སུ་བཀོད་པའི་རྟོག་པ་ལ་རྗེས་སུ་ཡི་རང་ཞིང་བསྟན་པ་གཏད་པའི་ལེའུ་སྟེ་རྟོག་པ་བཅུ་གཅིག་པའོ།། །། སྡུད་པའི་ཆུད་དམ་པ་གསང་ཆེན་གྱི་རྟོག་པ། སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་བྱ་བ། མཁའ་འགྲོ་སྒྱུ་མི་བདེ་མཆོག། དུས་གསུམ
313a7 སངས་རྒྱས་ཐམས་ཅད་ཀྱི་སྐུ་འདུས་པ་ཆེན་པོའི་རང་བཞིན་སངས་རྒྱས་མཉམ་སྦྱོར་གྱི་རྒྱུད་རྫོགས་སོ།། ། རྒྱ་གར་གྱི་པཎྜི་ཏ་སཱུ་ཧྱ་གསང་བ་དང་། བོད་ཀྱེ་ལོ་ཙྪང་འབྲོག་མི་དཔལ་གྱི་ཡེ་ཤེས་ཀྱིས་བལ་ཡུལ་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།།
iiif viewer powered by OpenSeadragon
