| e-texts navigator |
| Wylie |
253a1 སུམ་གསལ།། ཕྱིན་ངཔ་ཉམས་ལ་བརྟེན་པ་ཡི།། ཀུན་རྫོབ་ཐབས་ལ་མཉམ་སྦྱོར་བས།། རང་བྱུང་ཐིག་ལེ་རྟོག་བྱེད་ཅིང་།། སྐྱེ་མེད་བདེ་ཆེན་ཀྲུང་དུ་འཇུག། མ་སྐྱེས་བདེ་བའི་ཐིག་ལེ་ཉིད།། མ་སྐྱེས་པ་དང་བདེ་ཆེན་དང་།།
253a2 གཉིས་མེད་འདྲེས་པའི་ཐིག་ལེ་ཉིད།། ཡི་གེ་གསུམ་གྱི་བརྡས་མཚོན་ནས།། བྱིན་རླབས་ཐབས་ཀྱི་སྦྱོར་བ་ཡང་།། བདེ་ཆེན་རང་རིག་མངོན་སུམ་གསལ།། ཐབས་དང་ཤེས་རབ་ཐིག་ལེ་ནི།། མ་འདྲེས་གཅིག་དང་དུ་མ་བྲལ།། ཐབས་ཀྱི་བདེ་ཆེན་གསལ་གྱུར་ཅིང་།། བདེ།།
253a3 ཆེན་གསལ་ཞིང་མི་རྟོག་པས།། སེང་འི་ཁྲིག་བྱིན་རླབས་མི་གཡོ་བས།། མ་ལུས་དམ་པས་བྱིན་རློབས་མཐོང་།། ཐབས་ལ་གོམས་པའི་མན་ངག་གིས།། དངོས་པོ་བདེ་བར་ཉམས་མྱོང་བས།། རང་རིག་ཕྱི་དང་ནང་མེད་ནང་།། མི་དམིགས་བརྗོད་མེད་གང་བསྒོམ་པ།།
253a4 འདུ་ཤེས་ཀྱང་དུ་ཞུགས་གྱུར་ན།། བརྗོད་པ་མེད་པ་དེ་ཉིད་མཐོང་།། ཉི་མ་ཟླ་བ་རྐྱེན་ཕྲད་ལས།། དྲོད་དང་རླན་ལ་ཐོགས་མེད་ཅིང་།། རྣལ་འབྱོར་ཐབས་ཀྱི་རིམ་པ་སྩལ་ན།། བདེ་ཆེན་ཡེ་ཤེས་ཐོགས་པ་མེད།། གནས་བཞི་བཅུད་ལྡན་རང་བཞིན་ལ།། རྐྱེན་དང་དམིགས།།
253a5 པ་ལ་བརྟེན་པས།། སེམས་ལྔས་ཐིག་ལེ་སྔོན་སྦྱངས་ཏེ།། ཡེ་ཤེས་ནམ་མཁའི་གཟུགས་སུ་སྐྱེ།། རྩ་དང་རྣམ་ཤེས་རྐུ་བ་ལས།། ཐབས་ཀྱི་གསལ་བྱེད་དེ་གོམས་ནས།། འབྱུང་ལྔ་བཅུད་ལྔ་ཕུང་པོར་བཅས།། མི་ཟད་རྒྱན་གྱི་འཁོར་ལོར་མཐོང་།། ཙིཏྟ་སྙིང
253a6 པོ་ཁ་སྦྱོར་དབུས།། ཆོས་ཉིད་ཡེ་ཤེས་གཡས་གཡོན་ལ།། དབུ་མ་དབྱེར་མེད་ཐབས་བཟུང་བས།། སེམས་ལྔས་ཐིག་ལེ་མངོན་སྦྱངས་ཏེ།། ཕུང་པོ་འབྱུང་བ་རྣམ་ཤེས་བཅུད།། གྲངས་ལས་འདས་པའི་ཡེ་ཤེས་ཀྱང་།། མཉམ་པ་ལྔ་རུ་གསལ་བར་མཐོང་།།
253a7 རང་བྱུང་མི་ཤིགས་ཐིག་ལེ་ནི།། དངས་མ་ཡེ་ཤེས་ལྔ་ལྡན་ལ།། སྒྲོན་མའི་ཐབས་ཀྱིས་གང་བསྐུལ་བ།། དངས་མ་བདེ་བའི་རྟགས་འབྱུང་ཞིང་།། མ་བསླད་ཡེ་ཤེས་འཆར་བར་འགྱུར།། ཕྱི་རོལ་ཆུ་བཟུང་བཅད་ཅིང་།། དངས་མ་རིམ་པར་ཞུགས་པ་ན།།
iiif viewer powered by OpenSeadragon
