| e-texts navigator |
| Wylie |
252b1 སྒྱུ་འཕྲུལ་དྲ་བ་བདེ་ཆེན་པོ།། རང་བྱུང་དང་རིག་ཡུལ་ལས་འདས།། སྐྱེ་འགག་གནས་དམིགས་ལས་འདས་ཤིང་།། འགྲོ་འོང་བྱ་བྱེད་ལས་འདས་པས།། རང་བྱུང་ཡེ་ཤེས་དེ་བཞིན་ཉིད།། སེམས་ཀྱི་མཚན་ཉིད་གཞི་རྩ་འདས།། མཚོན་པའི་ཡུལ་ལ
252b2 མི་གནས་པའོ།། སྒྱུ་འཕྲུལ་ཐལ་བ་འརྒྱད་ཆེན་པོ་ལས། སེམས་ལྔ་བསྟན་པའི་ལེའུ་སྟེ་གཉིས་པའོ།། ། དེ་ནས་གཞན་ཡང་བཤད་བྱ་།། ཐབས་དང་ཤེས་རང་གཉིས་མེད་པ།། ཐིག་ལེ་ཉི་ཟླ་འདྲེས་པ་ལས།། འབྱུང་བའི
252b3 བལྟ་བ་བཤད་པར་བྱ། རྡོ་རྗེ་དབང་གི་སྟོབས་ལྡན་ཞིང་།། སྔར་བྱས་ཐབས་ཀྱི་བཅུད་ལྡན་པའི།། ཐབས་ལྡརྡ་རྣལ་འབྱོར་ངེས་པ་ཡིས།། ཙཀྲ་བཞི་དང་ཀ་བ་གསུམ།། ཐབས་ལྡན་མེ་རླུང་སྦྱོར་བ་ནི།། མན་ངག་སྟོབས་ཀྱིས་ཤེས་པར་བྱ།། ཐབས
252b4 ལྡན་ཐིག་ལེ་འབྱོར་པ་ཡིས།། ཡེ་ཤེས་ནམ་མཁའ་ལྟ་བུར་མཐོང་།། བསྐྱེད་པ་རླུང་གི་ཕྱག་རྒྱ་ཡིས།། ཕྱི་ནང་དྲངས་སྙིགས་འདྲེས་པའི་རླུང་།། བཟུང་དང་མི་བཟུང་སྦྱོར་བ་ཡིས།། གསང་བའི་ཐབས་ཀྱི་རོལ་པ་ལས།། མ་སྐྱེས་མཉམ་པའི་ངོ་བོར
252b5 མཐོང་། སྟེང་འོག་ཐབས་ལ་བརྟེན་པ་ཡི།། ཞུ་བས་གནས་ཐིམ་བདེ་བའི་རོས།། མ་ལུས་རྒྱས་བཏབ་མཉམ་སྦྱོར་བ།། བདེ་ཆེན་ཐིག་ལེ་སྟོབས་ལ་གྱུར།། གང་དེ་ཐབས་ལས་བྱུང་བ་ནི།། ཉི་ཟླ་གནས་བཅུད་རང་འབར་བས།། གནས་བཅུད་ཐིག
252b6 ལེ་མི་དམིགས་པས།། སྤྱི་དང་རང་གི་མཚན་ཉིད་གསལ།། གང་དུ་ཐབས་ཆེན་ལས་བྱུང་བའི།། སྟེང་འོག་རླུང་གི་སྦྱོར་བ་ནི།། ཐབས་ལམ་བདེ་བའི་གཉེར་དག་གིས།། བརྟགས་པ་རང་གིས་རྟོག་པ་བཟློག། དངོས་པོ་རྣམས་ཀྱི་ངོ་བོ་ལ།། བཟློག
252b7 བྱ་ངེས་ཀྱང་མི་དམིགས་སོ།། ཕུང་སོགས་རྟོག་པའི་འཇིག་རྟེན་ཀུན།། ལོག་རྟོག་སྒྲ་མ་སྣང་ཙམ་ལས།། ཉི་ཟླ་བདེན་གཉིས་ལ་ཉིད་ཀྱིས།། མ་སྐྱེས་མཉམ་ལ་གནས་འགྱུར་ཞིང་།། ཕུང་སོགས་ལྷ་ཡི་དཀྱིལ་འཁོར་དུ།། རང་སྣང་རང་གི་མངོན
iiif viewer powered by OpenSeadragon
