| e-texts navigator |
| Wylie |
252a1 དང་འཁྱུད་དང་བསྡམས་བསྐྱོད་པས།། གསང་བའི་འབྱུང་ལྔ་ལ་བརྟེན་པས།། རིམ་པ་ལྔ་ལྡན་སེམས་ཀྱིརོ།། རིམ་པར་འབྱུང་སྟེ་གཞན་དུ་མིན།། བདེ་བའི་ཐིག་ལེ་ལས་བྱུང་བའི།། སྐད་ཅིག་ཞེན་པ་ལས་འདས་པ།། བརྡ།
252a2 བའི་རོ་ནི་གང་སྐྱེ་ཞིང་།། རྩ་དང་ཐིག་ལེར་བཅས་པ་དང་།། ཐིག་ལེའི་བདེ་བ་ཉམས་སུ་འཆར།། གང་ཚེ་ཞེ་བྲལ་བདེས་གང་བས།། ཡུལ་སེམས་བདེ་བ་འགགས་པ་ཡིས།། ལྷན་ཅིག་སྐྱེས་པ་ཀུན་ལྡང་བ།། འགགས་ཤིང་ལྡང་བར་བཤད་པ་ཡིན།།
252a3 རྟེན་ལས་འབྱུང་ལ་མ་བརྟེན་པ།། བདེ་དང་མི་རྟོག་གཉིས་མེད་པ།། གང་དང་གང་དུ་རྟག་གནས་པ།། གནས་པས་དེ་ནི་གནས་པ་སྟེ།། དུས་ཡུན་ཚད་ལས་མ་ངེས་ཤིང་།། རང་གི་རླུང་དང་འཚོ་བ་དང་།། སྦྱོར་བ་ཐབས་ཀྱི་ཡན་ལག་གིས།། རྣལ་འབྱོར་ཕོ་མོ
252a4 རྣམ་པར་མཛེས།། ཐབས་ཆེན་ཐབས་ལས་བྱུང་བ་ཡི།། རིག་པའི་ཉམས་ལ་དམིགས་པ་ནི།། གང་དུ་ཞེན་པ་ཀུན་བྲལ་བའི།། བདེ་ཆེན་རང་བཞིན་བསམ་མི་ཁྱབ།། འདི་ནི་ཡུལ་དང་དབང་པོ་དང་།། རྣམ་ཤེས་དམིགས་པའི་ཡུལ་ལས་འདས།། ཐབས་དང་།།
252a5 ཤེས་རབ་འདྲེས་པ་ལས།། རང་རིག་བདེ་བར་རང་གསལ་བས།། མ་ལུས་ཐབས་ཆེན་རྒྱལ་པོ་ཉིད།། རླུང་སེམས་རྟེན་གྱི་ཐིག་ལེ་ལ།། ཕྱི་ནང་དྲངས་སྙིགས་རྒྱ་བ་དག། འགྲོ་འོད་མེད་པར་གསལ་བ་ན།། རེ་དོགས་འགྲོ་འོང་ལས་གྲོལ་བ།། མཐར
252a6 ཕྱིན་ཡེ་ཤེས་སེམས་ཉིད་ནི།། བདེ་ཆེན་མི་དམིགས་བསམ་ཡུལ་འདས།། བདེ་བའི་ཐིག་ལེ་བཅུ་དྲུག་པ།། ཉི་ཟླ་འདྲེས་པའི་གར་ཐབས་ལས།། ཕྱི་ནང་ཡུལ་སེམས་བཅས་པ་དག། མ་སྐྱེས་མཉམ་ལ་གནས་འགྱུར་ཞིང་།། ཐིག་ལེ་ཟུང་འཇུག་བདེ་།
252a7 བ་ལས།། གསང་བའི་ཉམས་ནི་འབྱུང་བར་འགྱུར།། རྟེན་འབྲེལ་བདེ་བའི་ཟུང་འཇུག་ལས།། མཁའ་ལྟར་རང་བྱུང་ཡེ་ཤེས་སྐྱེས།། བདེ་ཆེན་ཐིག་ལེ་ཆུ་རྐྱེན་འདས།། རང་བྱུང་ཡེ་ཤེས་གནས་མེད་ལས།། སྒྱུ་མའི་ཆོ་འཕྲུལ་རང་བཞིན་འཆར།།
iiif viewer powered by OpenSeadragon
