| e-texts navigator |
| Wylie |
249a1 སྒྱུ་འཕྲུལ་ཐལ་བའི་རྒྱུད་ཆེན་པོ་ཞེས་ཟླ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། དཔལ་ལྡན་ཐུགས་ཀྱི་དཀྱིལ་འཁོར་མཆོག། ཐབས་ཆེན་ཐིག་ལེ་བདེ་བའི་དོན།། རྫུ་འཕྲུལ་དྲབ་མ་ངན་རྫོགས་པའི།། མ་ལུས་འདུས་པའི
249a2 འཁོར་ལོའི་ཚོགས།། ལྷ་མོས་བཞད་དང་རོལ་པ་ཡིས།། གཉིས་མེད་བདེ་བས་ཚིམ་པ་ཡི།། ལྷན་ཅིག་སྐྱེས་པའི་ངོ་བོ་རགས་པ།། མ་ལུས་བདེ་ཆེན་རང་བཞིན་དུ།། སྣང་ཞེས་ཐིག་ལེའི་ངོ་བོར་ལྡོག། ཐུན་མོང་ཐུན་མོང་མ་ཡིན་པའི།། བརྟགས་པར
249a3 རང་གི་རྟོག་ཙམ་ཉིད།། ཐབས་ཆེན་གསང་བའི་ཡེ་ཤེས་གསལ།། ཉི་ཟླ་འདྲེས་པའི་གར་ཐབས་ཀྱིས།། གསང་བའི་འཁོར་ལ་དབང་བསྐུར་བས།། ནམ་མཁའ་གང་བའི་སྐྱེ་བོ་རྣམས།། མ་ལུས་ཐིག་ལེ་ར་གསལ་འགྱུར་ཞིང་།། རོལ་པའི་གསང་བའི་ཉམས་ལྡན
249a4 པའི།། ཐབས་དང་བཅས་པའི་བདག་ཉིད་ཀྱིས།། ཐབས་དང་མཛད་པའི་དགོངས་པ་དག། དུས་བཞིར་མཉམ་པའི་ཚུལ་དུ་བཞུགས།། དེ་ནས་གསང་བདག་སྐུལ་པའི་སྐུས།། འདོད་ལྔ་ཆགས་དང་ཐབས་སྦྱོར་བས།། ཐབས་ཀྱིས་གསང་བའི་དོན་སྟོན་པ།། མ་ལུས
249a5 དགོངས་པའི་དོན་ཐོབ་པས།། ཐོག་མཐའ་མེད་པའི་ཐབས་ལ་གནས།། འཁོར་ལས་ཐབས་ཀྱིས་ཕ་རོལ་ཕྱིན།། འཁོར་བ་ཐབས་ཀྱིས་བདེར་སོན་པ།། ཐལ་བས་བརྒྱན་པའི་འཇིག་རྟེན་དུ།། འདོད་པ་ལྔ་ལ་མ་ཆགས་པར།། གདུལ་དཀའ་མ་ལུས་ཀུན་འདུལ
249a6 ཏེ།། གསང་བའི་དོན་ལ་སྨིན་མཛད་པ།། དེ་ནི་ཐལ་བའི་དབྱངས་ཞེས་བྱ།། དུས་མཐར་སྙིགས་མའི་འགྲོ་བ་རྣམས།། གང་དང་བྲལ་བས་མ་སྨིན་པ།། གང་དག་དེ་དང་ལྡན་བཞིན་དུ།། འགྲོ་འོང་མེད་པའི་ཐབས་ཆེན་པོས།། འཁོར་བ་གཉིས་མེད་དོན
249a7 སྦྱར་བ།། འདི་ནི་ཐབས་ཆེན་རོལ་པའི་རྒྱུད།། ལུས་དང་དེ་ལ་དགོངས་པའི་ཕྱིར།། འདི་ནི་གསང་ཆེན་ཐང་བའི་བྱུད།། དེ་ཚོགསང་བདག་མཉམ་འདྲས་པས།། འཁོར་གྱི་རིག་སྔགས་རྒྱལ་པོ་ཡིས།། འཁོར་ལོའི་བདག་པོ་གཅ་བོ་ལ།། འདོད་དང་མཉེས་དང་ཚོགས
iiif viewer powered by OpenSeadragon
