| e-texts navigator |
| Wylie |
246b1 སྡང་།། དྲེངས་དང་དབྱིངས་ཀྱི་ཡེ་ཤེས་ཀྱང་།། རང་རིག་ཁོན་ཙམ་དུ་ཟད།། སེམས་ཅན་མ་ལུས་ཐམས་ཅད་ཀྱིས།། དེ་ལྟར་ཁོང་དུ་ཆུད་པར་བྱོས།། ཀོན་མོངས་སྡུག་བསྔལ་མེད་པ་དང་།། བླ་མེད་འབྲས་བུ་ཐོབ་པར་འགྱུར།། སེམས་ཅན་མ་ལུས་ཐམས་ཅད་ལ། སྙིང་རྗེའི
246b2 ཟག་པ་མ་ཆགས་པར།། ཉོན་མོངས་ལམ་ལས་གྲོལ་བྱེད་ཅིང་།། བྱམས་པ་དག་གིས་མཉེས་པར་གྱིས།། དེ་བཞིན་འཁོར་བའི་བཙོན་རལ།། སྙིང་རྗེའི་ཞགས་པ་ཆེར་བརྐྱང་ནས།། ཉོན་མོངས་འདམ་ནས་འདྲེན་པར་བྱེད།། སྙིང་རྗེ་ཆེན་པོ་སྐྱེ་མ་བྱེད།། དེ་བཞིན་སྐྱེ་བོ་ཕལ་རྣམས
246b3 ལ།། ལས་ཀྱི་སྒྲིབ་པས་མི་གོས་ཤིང་།། ཐམས་ཅད་མངོན་པར་སངས་རྒྱས་པར།། དགའ་བ་དག་ལ་འགྱོད་པ་མེད།། སེམས་ཅན་ང་དང་བདག་མེད་ལ།། ཐུགས་རྗེས་གཉིས་རྟོག་མི་འབྱེད་དེ།། བྷ་གཅིག་འདྲ་བར་བློ་གཞག་བྱ།། ཐམས་ཅད་དྲི་མ་མེད་པར་བྱ།། ཆོས
246b4 རྣམས་ཐམས་ཅད་སྟོང་པ་བས།། དེ་ལ་དངོས་དང་རྟོག་པ་མེད།། ནམ་མཁའི་ངང་དུ་གནས་པ་ལ།། དེ་ལ་བཅོས་ཤིང་བསྒྱུར་དུ་མེད།། ཆོས་རྣམས་ཐམས་ཅད་མཚན་ཉིད་མེད།། སྣང་བ་ཐམས་ཅད་དངོས་མེད་པས།། ཡོད་དང་མེད་པ་ཐམས་ཅད་ཀུན།། མཚན་ཉིད་མེད་པས
246b5 མི་དམིགས་སོ།། འཇིག་རྟེན་འདས་དང་འཇིག་རྟེན་པ།། ཆོས་རྣམས་སྣ་ཚོགས་སྣང་བ་ཡང་།། བདག་ལས་གཞན་པ་མ་ཡིན་པས།། ཀུན་ལ་སྨོན་ཅིང་ཆགས་སུ་མེད།། བྱང་ཆུབ་སེམས་རྣམས་ཐམས་ཅད་ནི།། ཤིན་ཏུ་བརྟག་དཀའ་གཏིང་ཟབ་པས།། རྟོག་གའི་སྣོད
246b6 ཡུལ་དེ་མ་ཡིན།། མ་དམིགས་མི་དམིགས་དམིགས་སུ་མེད།། སེམས་ཉིད་དེ་ཉིད་ཇི་ལྟ་བུ།། བྱང་ཆུབ་དེ་ཉིད་སེམས་ཡིན་ནོ།། སེམས་དང་བྱང་ཆུབ་དཔེར་མེད་པས།། སེམས་ཅན་མ་ལུས་ཐམས་ཅད་དང་།། དུས་གསུམ་ཆོས་རྣམས་ཐམས་ཅད་ཡིན།། ཐམས་ཅད་མ
246b7 ལུས་ཆོས་སོ་ཅོག། སེམས་དང་བྱང་ཆུབ་ཉིད་དུ་འུ་བ།། བོ་དྷི་ཆེན་པོས་དེ་སྐད་བཤད།། སྐྱེས་བུ་བློ་རྩལ་རབ་ལྡན་པས།། ཅི་ལའང་ཐོགས་པ་མེད་པར་སྤྱད།། སྤྱང་པ་ཉིད་ན་ཆགས་པ་མེད།། དུས་མཐའ་མེད་པར་མ་ཉམས་གནས།། འདི་ལྟར་སྣང་བ་ཐམས་ཅད་ལ།
iiif viewer powered by OpenSeadragon
