| e-texts navigator |
| Wylie |
149b1 གཔར་མ་ཡིན་པ་དང་། ཆད་པར་མ་ཡིན་པ་དང་། བདག་ཏུ་མ་ཡིན་པ་དང་། མཚན་མར་མ་ཡིན་པ་ལ་སོགས་པ་དེ་ལྟ་བུའི་ཚོགས་བརྗོད་ཀྱིས་མི་ཡང་བ་དང་གཉིས་སུ་མེད་པར་བཞུགས་སོ།། དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས
149b2 མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་། ཐུགས་དང་། ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་།། ཨེ། ཨེ། ཨེ་མའོ།། དེ་བཞིན་ཉིད་ཀྱི་དབྱིངས་ཉིད་དང་། དབང་སྒྱུར་ཡེ་ཤེས་དཀྱིལ་འཁོར་ཐུགས་དང་རང་སྣང་བ་ཉིད
149b3 ངངེ་འཛིན་གཟུགས་བརྙན་སྒྱུ་མ་རྣམ་དག་གསལ་བ་ནི་སྒྲ་དང་གསུང་དང་ཐུགས་ཡོན་ཏན་ཕྲིན་ལས་སེལ་མེད་པའི་ཡིད་བཞིན་ནོར་བུ་རིན་པོ་ཆེ་མི་ཟད་པར་ལྡན་པ་རྒྱན་གྱི་འཁོར་ལོ་རྡོ་རྗེ་མཆོག་གི་གནས་ཉིད་དོ་ཞེས་རྡོ་རྗེ་གསང་བའི་ཚིག་ཏུའོ།། གསང་བའི
149b4 ངོ་པོ་དེ་ཁོ་ན་ཉིད་ངེས་པ་ལས་གླིང་གཞིའི་ལེའུ་སྟེ་དང་པོའོ།། ། དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་ཡིད་ཀུན་དུ་བཟང་པོ་ཐམས་ཅད་མ་ལུས་པའི་རང་བཞིན་གྱི་ཚུལ་རྡོ་རྗེས་བཙུན་མོ་ཆོས་བྱ་བ་མོ་ཀུན་དུ་བཟང་མོ་ལ་འཇུག་པར་གྱུར་ཏེ་ཆེད་དུ
149b5 རྗོད་པ་འདི་བརྗོད་དོ།། ཨོཾ་ཆོས་ཀྱི་ཆོས་ཉིད་ཤེས་བྱའི་དབྱིངས།། ཀུན་དུ་བཟང་མོ་བདེ་བའི་ཡུམ།། མ་གཡོས་རང་བཞིན་དཀྱིལ་འཁོར་ནི།། བདག་ཡིན་བདག་གི་སྤྱོད་ཡུལ་བ།། ཕྱག་རྒྱ་སྣ་ཚོགས་སོ་སོར་གསལ།། ནུབ་ཕྱོགས་འོག་མིན་གནས་མཆོག་ཏུ།
149b6 མཆགས་པདྨའི་གདན་བཏིང་བ།། དུས་གསུམ་རྒྱལ་བ་བཞུགས་པའི་གནས།། རྣམ་པར་ཐར་པའི་སྒོ་བཞི་ལ།། ཕྱག་རྒྱ་བཞི་དང་ཡང་དག་ལྡན།། དབྱང་དང་སྐལ་མིན་གསལ་བའི་ཕྱིར།། ནང་དང་ཕྱི་རིམ་ལྕགས་དང་ལྡན།། རྒྱལ་བ་ཡོངས་ཀྱི་སྦས
149b7 པ་ཡི།། སུས་ཀྱང་གཏིང་དཔག་དཀའ་བ་དེ།། ཀུན་དུ་བཟང་པོ་ཉིད་ཀྱིས་གཟིགས།། ཞེས་བརྗོད་པས་བཙུན་མོ་བྱ་བ་མོ་ཆོས་ཀུན་དུ་བཟང་མོ་ལ་འཇུག་པར་གྱུར་ཏོ།། ཞུགས་ནས་བཙུན་མོ་བྱ་བ་མོ་ཆོས་ཀུན་དུ་བཟང་མོས་བཅོམ་ལྡན་འདས་ཡིད་ཀུན་དུ་བཟང་པོ་དང་།
iiif viewer powered by OpenSeadragon
