| e-texts navigator |
| Wylie |
146a1 ལས།། མཐོ་དམན་བླང་དོར་མ་དམིགས་པས།། འཁོར་བའི་ངོ་བོར་རང་སྣང་ཡང་།། མ་ཆགས་སྐྱོན་མེད་པདྨ་འདྲ།། དཔག་མེད་ཡོན་ཏན་ངོ་བོ་རྣམས།། རང་འབྱུང་རིག་པ་རང་སྣང་བས།། མ་ལུས་ངོ་མཚར་རྒྱ་མཚོ་རྣམས།། རང་སྣང་གཞན་ལས
146a2 ཐོབ་བྱ་མེད།། བྱིན་བརླབས་ཆོ་འཕྲུལ་རྨད་ཀྱི་ཆོས།། རང་འབྱུང་ཉིད་ལས་རྣམ་པར་སྤྲོ།། ཚུལ་ནི་རྣམ་པ་སྣ་ཚོགས་ཏེ།། དག་དང་མི་དག་ཁྱད་པར་གྱིས།། ངོ་བོ་གཅིག་ལས་མ་གཡོས་ཀྱང་།། མོས་པས་མཐོང་ཚུལ་དེ་བཞིན་ནོ།། གསུང་ནི་ནམ་མཁས་ཁྱབ་པར་ནི།། ཕྱོགས
146a3 རྒྱ་པ་ནགས་པ།། རྔས་པ་བཞིན་རྒྱུ་ཆགས་པའི།། བསམ་ལས་འདུམ་ཐབས་རྣ་ཚོགས་སྣ་།། ཐུགས་ནི་མ་གས་མཁྱེན་པའི་ཐུགས།། ན་དང་འདྲེ་བཅས་བརྩེར་ལྡན་པའི།། མངོན་ཤེས་མཁྱེན་པའི་ལ་ཤེས་སྷོ།། ཡེ་ཤེས་ཐགས་ལ་ཁྲུད་པ་མ།
146a4 ཡོན་ཏན་ཚད་ཁྱད་བྲལ་བ་སྟེ།། ནམ་མཁའི་ནོར་བུ་གཏེར་འཆང་བ།། དཔག་མེད་བསམ་པ་བསྐང་བའི་ཕྱིར།། བྱིན་བརླབས་ཡིད་བཞིན་ནོར་བུའི་ཚུལ།། ཕྲིན་ལས་བྱིན་བརླབས་རང་སྣང་བ།། འགྲོ་འོང་མེད་པའི་དོན་ཚུལ་གྱིས།། དཔག་བསམ་བུམ་དང་རིན་ཆེན་གྱི།། བྱ་བྱེད
146a5 མེད་པར་དོན་རྣམས་རྫོགས།། མ་ལུས་སྤྲོས་པ་རྣམ་དག་ཅིང་།། རང་འབྱུང་རིག་པ་མཐའ་དབུས་མེད།། མ་ལུས་ཀུན་གྱི་འབྱུང་གནས་ཏེ།། བདེ་བ་ཆེན་པོ་ཆོས་ཀྱི་སྐུ།། འདོད་པའི་ལོངས་སྤྱོད་ཐམས་ཅད་ནི།། གཉིས་མེད་དང་ལ་ཀུན་རྫོགས་པས།། དེ་ཉིད་ཚད་བྲལ་མངའ
146a6 བརྙེས་པས།། ལོངས་སྤྱོད་ཡོངས་སུ་རྫོགས་པའི་སྐུ།། སྐུ་གཅིག་ཐིག་ལེའི་ངོ་བོ་ལས།། འཇིག་རྟེན་ཁམས་ནི་ཐམས་ཅད་དུ།། ཇི་ལྟར་འདུལ་བའི་ཚུལ་བཞིན་དུ།། རྣམ་པར་འཕྲུལ་པ་སྤྲུལ་པའི་སྐུ།། མ་བྱུང་མ་སྐྱེས་དོན་རྟོགས་པས།། མ་ལུས་དབྱེར་མེད་རྡོ་རྗེ་ཉིད།། མི
146a7 འཇིགས་གཉེན་པོ་ཀུན་བྲལ་བ།། རྡོ་རྗེ་སྐུ་ཞེས་རྣམ་པར་བསྟན།། གང་དུ་མངོན་པར་བྱང་ཆུབ་པའི།། འོད་གསལ་ནམ་མཁའ་མཐའ་དབུས་མེད།། སྲུབ་ཞི་མཐའ་ཡིས་མ་རེག་པ།། དང་པོ་མངོན་པར་བྱང་ཆུབ་པའོ།། མ་ལུས་དབྱེ་བ་མཛའ་སྤངས་ཤིང་།། དེ་ལྟར་ཀུན་དང
iiif viewer powered by OpenSeadragon
