| e-texts navigator |
| Wylie |
145b1 དུ་བླངས་པ་ཡིས།། རྡུལ་སྙེད་བཅས་པའི་འཁོར་ཚོགས་རྣམས།། རང་རང་རྒྱན་དང་གོས་དོར་ཏེ།། དཔའ་བོ་སྒེག་མོའི་ཚུལ་འཛིན་ཅིང་།། དཀྱིལ་འཁོར་ཕྱོགས་བཅུའི་རྡུལ་སྙེད་དུ།། གླུ་དང་གར་ནི་སྣ་ཚོགས་ཀྱིས།། ཐ་མལ་ཡིད་རྟོགས་བཅད་ནས་ནི།། བདེ་ཆེན
145b2 ཡིད་ནི་འཕྲོག་པར་མཛད།། དེ་བཞིན་དཀྱིལ་འཁོར་བསམ་ཡས་དང་།། ཞིང་ཐབས་བདེ་བ་རྨད་འབྱུང་བ།། འདུལ་བའི་ཐབས་ནི་སྣ་ཚོགས་པ།། དཔག་མེད་མཐའ་མས་ཅིརེ་སྣང་ཡང་།། རང་བྱུང་ཡེ་ཤེས་བྱང་ཆུབ་སེམས།། ཐིག་ལེ་གཅིག་གི་ངོ་བོ་ལས།།
145b3 མཛད་པའི་གང་ཐབས་སྣ་ཚོགས་ཀྱིས།། འདུལ་བའི་དབང་དུ་ཅི་ཡང་སྤྲོ།། ཐབས་ལ་ཐབས་ཀྱིས་དབང་སྒྱུར་བས།། ཐབས་ཆེན་ཐབས་ལས་བྱུང་བ་ཡི།། ངོ་མཚར་ཡ་མཚན་རྨད་པོ་ཆེ།། སངས་རྒྱས་ཀུན་གྱི་རང་བཞིན་ཏེ།། ཐབས་ཆེན་སྒྲ་མ་རྨད་དུ་བྱུང་།།
145b4 སྒྱུ་མ་སྐྱེ་འགག་མེད་པའི་དབྱིངས།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཀུན་འདུས་རྣམ་པར་དག། ཐམས་ཅད་རང་རིག་བྱང་ཆུབ་སེམས།། ཀུན་ནས་འཁྱིལ་པའི་དཀྱིལ་འཁོར་ཏེ།། ཀུན་གྱི་རང་བཞིན་འབྱུང་གནས་ཉིད།། བྱ་བ་བྱེད་ལ་བྱས་པ་མེད།། ཟད
145b5 དང་འཕེལ་བ་མེད་པ་ཡི།། དངོས་གྲུབ་གཏེར་ཆེན་བསམ་མི་ཁྱབ།། ཡེ་ཤེས་ཐིག་ལེ་རང་སྣང་བ།། བསམ་གྱིས་མི་ཁྱབ་མཐའ་ཡས་མཆོག། མཐའ་དབུས་མེད་པའི་ཡེ་ཤེས་ནི།། གཅིག་ཅེས་འདི་ཞེས་བརྗོད་དུ་མེད།། ནམ་མཁའ་དང་འབྱུང་རྟག་པ་ལྟར།། འཕོ
145b6 འགྱུར་མེད་པས་དེ་བཞིན་ནོ།། ནམ་མཁའ་མཐའ་དབུས་མེད་པ་བཞིན།། རང་འབྱུང་ཡེ་ཤེས་ཐོག་མཐའ་མེད།། མ་བྱུང་མ་སྐྱེས་བྱང་ཆུབ་སེམས།། ཡེ་ཤེས་ཉི་མའི་འོད་ལྟར་གསལ།། སངས་རྒྱས་སེམས་ཅན་གྲོལ་ཐེར་ཀུན།། མ་ལུས་རང་རིག་འོད་གསལ་བས།།
145b7 རང་འབྱུང་ཡེ་ཤེས་རང་སྣང་ཕྱིར།། མཁྱེན་དང་བསྒྲིབས་པ་ཆུང་ཟད་མེད།། མཁྱེན་པའི་ཡེ་ཤེས་ཉག་གཅིག་ལ།། རང་གི་ཆ་ཤས་ཆོས་བྲལ་བས།། ནམ་མཁའི་མཐའ་ཐུག་ཆོས་རྣམས་ཀླན།། སྐད་ཅིག་མ་འདྲེས་ཚུལ་དུ་མཁྱེན།། རང་རིག་བྱང་ཆུབ་སེམས་ཉིད
iiif viewer powered by OpenSeadragon
